JAJI MKUU AKUTANA NA MAJAJI WAFAWIDHI WA MAHAKAMA KUU

Jaji Mkuu wa Tanzania Mhe. Mohamed Chande Othman, akifungua mkutano wa Majaji Wafawidhi wa Mahakama Kuu, jijini Dar es Salaam.

Jaji Mkuu wa Tanzania Mhe.Mohamed Chande Othman amewahimiza Majaji Wafawidhi wa Mahakama kuu ya Tanzania kuhahakisha kuwa, mashauri yanamalizika kwa haraka katika kanda wanazozingoza.

  Akifungua kikao  cha Wahe.Majaji Wafawidhi wa kanda mbalimbali za Mahakama Kuu ya Tanzania  katika ukumbi wa Mikutano cha Mwalimu Nyerere leo asubuhi, alisema kuwa lengo la kikao ni kujadiliana kwa pamoja juu ya mgawanyo wa fedha za maendeleo zilizotolewa na ahadi ya Mhe. Rais wa Jamhuri ya Mungano wa Tanzania Dr.John Pombe Magufuli. ‘’ Wahe. Majaji Wafawidhi kama mnavyo fahamu, Serikali imeipatia Mahakama fedha za maendeleo Tsh Biloni 12.3   na sisi lazima tuanishe mipango yetu ya maendeleo na kuona kuwa fedha hizo zinatumika wapi na katika miradi ipi.

Tunamshukuru Mhe Rais kwa kutimiza ahadi yake, kama mlivyosikia hotuba ya Mhe. Rais wakati maadhimisho ya siku ya Sheria alituomba kuongeza kasi ya kumaliza mashauri na kupunguza mashauri kwa kasi kubwa. ‘’Nashukuru kuwa tumejitahidi vya kutosha kupunguza mashauri lakini bado lazima tuongeze kasi, mfano kwa sasa ni 6% ya mashauri  ndio yako zaidi ya miaka miwili ‘’ alisema Jaji Mkuu. ‘’ Tulijiwekea malengo sisi kama Taasisi na hii imetusaidia sana’’ alisisitiza.

    Mhe.Jaji Mkuu alisema kuwa pamoja na suala la Bajeti ya Maendeleo iliyotolewa na Serikali, kikao kazi hicho kitajadili pia masuala ya maadili ya Majaji na Mahakimu,mikakati ya kupambana na rushwa , mashauri ya uchaguzi, kupata taarifa ya utekelezaji wa kila kanda ya Mahakama Kuu na kufanya tathmini ya utekelezaji wa maazimio ya mkutano uliopita na mikakati ya kumaliza mashauri ya muda mrefu.

      Kuhusu Mahakimu 30-40 walioamua mashauri chini ya 100, Mhe Jaji Mkuu alisema lazima wajieleze ni kwa nini waliamua mashauri kama hayo na Tume ijiridhishe na utendaji wao wa kazi pamoja na mazingira ya kazi.

Waheshimiwa Majaji Wafawidhi walioshiriki katika Mkutano Majaji Wafawidhi wa Mahakama Kuu, wenye lengo la kutambua nafasi ya Majaji Wafawidhi katika kuboresha huduma za Mahakama, jijini Dar es Salaam.

Jaji Mkuu wa Tanzania Mhe. Mohamed Chande Othman (aliyeketi katikati), Jaji Kiongozi wa Mahakama Kuu, Mhe. Shaban Lila (kushoto), Jaji Mfawidhi Kanda ya Dar es Salaam, Mhe. Moses Mzuna (kulia) katika picha ya pamoja na Majaji Wafawidhi wa Mahakama Kuu mikoa mbalimbali.

   

Jaji Mkuu wa Tanzania Mhe. Mohamed Chande Othman (aliyeketi katikati), Jaji Kiongozi wa Mahakama Kuu, Mhe. Shaban Lila (kushoto), Jaji Mfawidhi Kanda ya Dar es Salaam, Mhe. Moses Mzuna (kulia) katika picha ya pamoja Wasajili, Watendaji wa Mahakama ya Tanzania.