MAONI YA WADAU NA WANANCHI JUU YA MABORESHO YA MAHAKAMA

Kwa mujibu wa Kifungu na. 107(A) Mamlaka ya utoaji haki katika Jamhuri ya Muungano wa Tanzania itakuwa Mahakama. Na kazi kubwa ya Mahakama kama mhimili ni kutafsiri sheria zilizotungwa na Bunge. Kwa wananchi walio wengi, Mahakama ndio kimbilio la walio wengi kwa ajili ya kupata haki.

Tangu kupitishwa kwa Sheria Namba 4 ya mwaka 2011 kumekuwa na maboresho mengi katika Mhimili wa Mahakama .Kwa muda mfupi kumekuwa na mkakati   wa makusudi kabisa kufanya maboresho katika huduma za Mahakama. Maboresho hayo yamelenga katika kuhakikisha kuwa wananchi wanapata huduma iliyo bora kwa kuhakikisha kuwa, miundombinu ya Mahakama inaboreshwa na inaendelea kuboreshwa siku hadi siku, maboresho ya upatikanaji wa vitendea kazi kama magari na kompyuta.

Mahakama imeimarisha mfumo wa kupata takwimu za mashauri mbalimbali ya kimahakama. Kwa wadau walio wengi wanathamini sana mabadiliko yanayoendelea ndani ya Mahakama ya Tanzania.

    Kutokana na maboresho yanayoendelea kumekuwa na magawanyo mzuri wa utendaji kazi na kwa makusudi kabisa kwa Wahe.Majaji na Mahakama ya Tanzania wanapaswa kusikiliza kesi 220 kwa mwaka. Kwa mfano Mahakimu Wakazi hutakiwa kumaliza mashauri 250 kwa mwaka na Mahakimu wa Mahakama ya mwanzo hutakiwa kumaliza mashauri 260 kwa mwaka.  Na Mahakimu wote hupimwa kwa kiwango hiki.

Ukitolea mfano wa Mahakama Kuu, Kanda ya Dar es Salaam, mwanzoni mwa Mwezi Aprili jumla ya kesi 217 zilifunguliwa hadi kufikia mwishoni mwa mwezi Aprili jumla ya mashauri 104 yalisikilizwa na kutolewa maamuzi, Mahakama ya Wilaya Temeke ilisikilia na kutolea maamuzi jumla ya mashauri 278 kwa mwezi Aprili tu.

Kwa upande wa Mahakama Kuu, Kanda ya Tabora, mwanzoni mwa mwezi Aprili jumla ya kesi 102 zilifunguliwa hadi kufikia mwishoni mwa mwezi Aprili jumla ya kesi 86 zilisikilizwa na kutolewa maamuzi.

Hii ni mifano ya baadhi ya Mahakama kati ya nyingi zinazoendelea kusikiliza  na kutolea maamuzi kesi mbalimbali zinazoletwa Mahakamani kwa kasi kubwa, hii ni kutokana ana nia ya dhati na ari ya utendaji.

Mbali na kujitoa kwa dhati, Mahakama pia ina mikakati mingine kadhaa yenye lengo la  kuboresha huduma ya utoaji haki nchini, mikakati hiyo ni pamoja na ushirikiano na wadau wa sheria lengo ili kuwashirikisha nini hasa matarajio ya Mahakama.

Kuwachukulia hatua kali ikiwa ni pamoja na kuwafukuza kazi Mahakimu wanaongundulika kujihusisha na vitendo vya rushwa; Katika hili Tume ya Utumishi wa Mahakama imekuwa ikifanya uchunguzi dhidi ya Maafisa wa Mahakama wanaojihusisha na vitendo vya rushwa na pindi wanapojirisha hatua kali huchukuliwa.

Uanzishwaji wa Idara ya Ukaguzi na Maadili, kwa mujibu wa Muundo mpya wa Mahakama, idara hii ilianzishwa lengo likiwa ni kuwafuatilia kwa karibu Mahakimu juu ya utendaji kazi wao, vilevile kusimamia maadili/nidhamu ya Mahakimu katika utendaji wao wa kila siku.

      Kwa wadau walio wengi wanaridhishwa na utendaji wa kazi wa Mahakama kutokana na maboresho yanayoendelea katika Mahakama ya Tanzania. Ni kweli kuwa Mahakama ya Tanzania kwa nyakati tofauti ilifanya utafiti wa kujua namna gani wadau na Wananchi waridhika na huduma za Mahakama. Asilimia 62 ya Wananchi waliohojiwa walijibu kuwa, wanaridhika na huduma inayotolewa na Mahakama ya Tanzania.