MTENDAJI MKUU-MAHAKAMA YA TANZANIA AKAGUA UKARABATI NA MIRADI YA UJENZI WA MAHAKAMA KANDA YA SUMBAWANGA

Mtendaji Mkuu, Mahakama ya Tanzania, Bw. Hussein Kattanga amefanya ziara ya ukaguzi wa ukarabati unaoendelea wa jengo la Mahakama Kuu, Kanda ya Sumbawanga.

Ukaguzi huo umefanyika Agosti 06, 2019, mbali na ukaguzi wa ukarabati wa Mahakama Kuu katika Kanda hiyo, Mtendaji Mkuu ambaye aliambatana na baadhi ya Maafisa mbalimbali wa Mahakama alipata fursa pia ya kutembelea Mahakama ya Mwanzo Laela na kukagua ujenzi huo.

Mtendaji Mkuu alionyesha kuridhishwa na kasi ya ujenzi wa mahakama hiyo ya mwanzo na kuwataka Wakandarasi wa miradi hiyo kuzingatia mikataba ya miradi hiyo na kumaliza kwa wakati uliopangwa.

Vilevile aliwataka kuwa makini katika hatua za mwisho za umaliziaji ‘finishing’ wa majengo hayo.

Katika utekelezaji wa Mradi wa maboresho wa huduma za Mahakama (CCP) Mahakama ya Tanzania inaendelea na maboresho kadha wa kanda ikiwemo uboreshaji wa miundombinu ya majengo yake kwa kufanya karabati mbalimbali pamoja na kujenga majengo mapya lengo likiwa ni kuwawezesha wananchi kupata haki katika mazingira bora zaidi.

Mtendaji Mkuu-Mahakama ya Tanzania, Bw. Hussein Kattanga (wa pili kulia) akiwa katika ukaguzi wa jengo la Mahakama Kuu-Sumbawanga lililopo katika ukarabati.

 

 Ukaguzi wa jengo la Mahakama Kuu-Sumbawanga lililopo katika ukarabati.

 Mtendaji Mkuu wa Mahakama (wa pili kushoto)pamoja na baadhi ya Watendaji na Maafisa wengine wa Mahakama walipata fursa ya kutembelea mradi wa ujenzi wa  Mahakama ya Mwanzo Laela-Sumbawanga. Mtendaji alionyesha kuridhishwa na kasi ya ujenzi wa mahakama hiyo.

 Muonekano wa jengo la Mahakama ya Mwanzo Laela lililopo katika ujenzi.

(Picha na Mayanga Someke, Mahakama Kuu-Sumbawanga)