JAJI KIONGOZI AMWAPISHA NAIBU MSAJILI MWANDAMIZI MAHAKAMA YA RUFANI

Na Faustine Kapama-Mahakama

Jaji Kiongozi wa Mahakama Kuu ya Tanzania, Mhe. Mustapher Siyani jana tarehe 11 Octoba, 2022 alimwapisha Mhe. Emamanuel Mrangu kuwa Naibu Msajili Mwandamizi wa Mahakama ya Rufani ya Tanzania.

Uapisho huo ambao ulifanyika katika Ukumbi wa Mikutano katika Kituo Jumuishi cha Utoaji Haki Dodoma ulishuhudiwa na Jaji Mkuu wa Tanzania, Mhe. Prof. Ibrahim Hamis Juma pamoja na wajumbe wengine wa Tume ya Utumishi wa Mahakama.

Mhe. Mrangu alikula kiapo hicho kuchukua nafasi iliyoachwa wazi na mtangulizi wake, Mhe. Happiness Ndesamburo ambaye hivi karibuni aliteuliwa kuwa Jaji wa Mahakama Kuu ya Tanzania.

Tume ya Utumishi wa Mahakama imemaliza ziara katika Mikoa ya Dodoma na Singida kukutana na wajumbe wa Kamati za Maadili ya Maafisa wa Mahakama ngazi ya Mkoa na Wilaya Pamoja na wadau wa utoaji haki. 

Naibu Msajili Mwandamizi wa Mahakama ya Rufani ya Tanzania, Mhe. Emmanuel Mrangu (juu) akila kiapo mbele ya Jaji Kiongozi wa Mahakama Kuu ya Tanzania, Mhe. Mustapher Siyani (chini).

Jaji Kiongozi wa Mahakama Kuu ya Tanzania, Mhe. Mustapher Siyani akisaini kiapo. Katika picha ya chini Mhe. Siyani akikabidhi kiapo hicho na kumpongeza Mhe. Mrangu kwa uapisho huo.