MAHAKAMA KUU MBEYA YAIBUKA MSHINDI WA JUMLA KATIKA BONANZA

Na Daniel Sichula – Mahakama, Mbeya

Klabu ya mazoezi ya watumishi wa Mahakama Kuu ya Tanzania Kanda ya Mbeya mnamo tarehe 9 Novemba, 2024 walishiriki katika tamasha la bonanza lililofanyika kwenye viwanja vya Chuo cha Uhasibu (TIA) jijini Mbeya na kujinyalia medali mbalimbali na kutangazwa kuwa washindi wa jumla katika bonaza hilo.

Bonaza hilo lililoandaliwa na Hospitali ya Rufaa ya Nyanda za Juu Kusini Mbeya lilialika vikundi mbalimbali vya michezo jijini Mbeya ikiwemo Klabu ya mazoezi ya Mahakama Kuu Kanda Mbeya kushiriki katika tamasha hilo la michezo.

Watumishi hao waliongozwa na Jaji Mfawidhi wa Mahakama Kuu, Kanda ya Mbeya ambaye pia ni mlezi wa klabu ya michezo ya Mahakama Kuu, Kanda ya Mbeya Mhe. Joachim Charles Tiganga katika kushiriki michezo mbalimbali iliyokuwa imeandaliwa katika bonaza hilo.

Aidha, miongoni mwa Majaji wa Mahakama Kuu Kanda ya Mbeya walioungana na watumishi klabu hiyo alikuwa Jaji wa Mahakama Kuu ya Tanzania Kanda ya Mbeya Mhe. Aisha Sinda aliyekuwa mstari wa mbele kuhakikisha watumishi wanashiriki na kujizolea medali nyingi zilizoandaliwa katika bonaza hilo.

Michezo iliyowapa ushindi wa jumla Mahakama Kuu Kanda ya Mbeya ilikuwa kuvuta kamba kwa upande wa wanaume na wanawake na ikiibuka kidedea kwenye michezo yote miwili.

Ushindi huo wa michezo mbalimbali ulitoa hamasa kwa watumishi wa Mahakama kujiunga kwenye klabu ya mazoezi, kwani mazoezi yamekua chachu ya kuwaleta watumishi pamoja na kujenga afya ya mwili na akili.

Wakati huo huo, Mwenyekiti wa klabu ya mazoezi Mahakama Kuu Mbeya Bw. Emmanuel Mwalyagile alitoa ratiba ya mazoezi kwa watumishi wapya waliojiunga na klabu ya mazoezi kuwa ni siku ya Jumanne na Ijumaa kwa wiki.

Timu ya wanaume wa Klabu ya mazoezi wakivuta kamba na kuibuka kidedea kwenye michezo huo.

Sehemu ya watumishi wa Klabu ya mazoezi ya watumishi wa Mahakama Kuu ya Tanzania Kanda ya Mbeya wakiwa kwenye Bonaza hilo

Jaji Mfawidhi wa Mahakama Kuu, Kanda ya Mbeya ambaye pia ni mlezi wa klabu ya michezo ya Mahakama Kuu, Kanda ya Mbeya Mhe. Joachim Charles Tiganga (kushoto) na kulia ni Jaji wa Mahakama Kuu ya Tanzania Kanda ya Mbeya Mhe. Aisha Sinda wakifurahia jambo wakati wa Bonaza hilo.

Sehemu ya watumishi wa Klabu ya mazoezi ya watumishi wa Mahakama Kuu ya Tanzania Kanda ya Mbeya wakipasha misuli moto.

Jaji Mfawidhi wa Mahakama Kuu, Kanda ya Mbeya ambaye pia ni mlezi wa klabu ya michezo ya Mahakama Kuu, Kanda ya Mbeya Mhe. Joachim Charles Tiganga (kusho) na kulia ni Jaji wa Mahakama Kuu ya Tanzania Kanda ya Mbeya Mhe. Aisha Sinda wakifurahia jambo wakati wa Bonaza hilo.

Timu ya wanaume wa Klabu ya mazoezi iliyoshiriki mchezo wa mpira wa miguu na kuibuka kidedea kwenye michezo huo.

Jaji Mfawidhi wa Mahakama Kuu, Kanda ya Mbeya ambaye pia ni mlezi wa klabu ya michezo ya Mahakama Kuu, Kanda ya Mbeya Mhe. Joachim Charles Tiganga (aliyeshika mpira) akipasha misuli wakati wa Bonaza hilo.

Jaji Mfawidhi wa Mahakama Kuu, Kanda ya Mbeya ambaye pia ni mlezi wa klabu ya michezo ya Mahakama Kuu, Kanda ya Mbeya Mhe. Joachim Charles Tiganga (kulia) akipokea cheti cha ushiriki wa Bonaza hilo.

(Habari Hii Imehaririwa na Innocent Kansha - Mahakama)