MHE. JAJI MAKARAMBA AMWAKILISHA JAJI MKUU KATIKA KONGAMANO LA SIKU YA UHURU VYOMBO VYA HABARI DUNIANI.

Jaji Mfawidhi Mahakama Kuu Kanda ya Mwanza Mhe. Robert Makaramba (aliyesimama) akisoma hotuba kwa niabaya Mhe. Mohamed Chande Othman Jaji Mkuu wa Mahakama ya Tanzania.

 

Jaji Mfawidhi Mahakama Kuu Kanda ya Mwanza Mhe. Robert Makaramba amemuwakilisha Jaji Mkuu katika kongamano la siku ya Uhuru wa Habari Duniani katika ukumbi wa Malaika Beach Resort Jijini Mwaza.

 Akisoma hotuba, kwa niaba ya Jaji Mkuu wa Tanzania Mhe.Mohamed Chande Othman alisema kuwa, ni nia  ya Mahakama kuona kuwa Uhuru wa kupata habari na vyombo vya habari unapewa kipaumbele kwa mujibu wa sheria na kanuni zilizopo.   Mhe.Jaji Mkuu alisema kuwa vyombo vya Habari ni nguzo muhimu sana katika kupambana na ukiukwaji wa haki za binadamu. “Katika jamii yoyote ya kidemokrasia,vyombo huru vya habari ni silaha muhimu sana katika kurahasisha utawala bora na maendeleo” alisema Jaji Mkuu.

   Mhe.Jaji Mkuu alisema kuwa, kwa kutambua changamoto za upatikanaji na utoaji wa taarifa,kote kwa watumishi wa Mahakama  na waandishi wa habari, Mahakama imechukuwa hatua kadha kuleta mahusiano mema na vyombo vya habari. Mahakama kwa kushirikiana na Baraza la Habari   Tanzania (MCT) yalianzishwa mafunzo maalum kwa waandishi habari wanaondikia Mahakama  yakilenga namna bora ya kuripoti habari za Mahakama na matunda yake tumeanza kuyaona kwa kufuatilia habari mbalimbali katika vyombo vya Habari.
    Mahakama ya Tanzania kwa kushirikiana na Taasisi ya Vyombo vya Habari kusini mwa Afrika (MISA) imeanzisha mafunzo maalum  yahusuyo upatikaji na utoaji wa taarifa na huduma kwa wateja kwa watumishi wa kada mbalimbali za Mahakama. “Mtaona kuwa kwa uhakika juhudi hizo kwa kiasi kikubwa inaendana na dhima ya siku ya Uhuru wa vyombo vya Habari nchini ‘’ alisisitiza Jaji Mkuu.

     Mhe. Jaji Mkuu alitoa changamoto zilijitokeza wakati wa kuripoti uchaguzi mkuu kwa mwaka 2015   kwa baadhi ya vyombo vya Habari kuegemea na kuonesha mapenzi binafsi na vyama au wagombea Fulani.     “Ni tabia ya baadhi ya vyombo vya habari kutumia matusi,kashfa na maneno ya kejeli ni ya kawaida kwenye jamii, ambayo viwango vya weledi vinazingatia ukweli,usawa na kuwajibika havijahafikiwa” alifafanua Jaji Mkuu.  

     Mhe.Jaji Mkuu alimalizia kwa kusema kuwa Mahakama inaamini haki za msingi za kujieleza,kujihusisha na uhuru wa vyombo vya habari, na haki ya kupata taarifa kama katiba invyosema.Mahakama inaamini kuwa uwepo wa sheria nzuri za vyombo vya habari  na upatikaji wa taarifa ni chachu kubwa ya maendeleo katika nchi. 

 Wanahabari na Wadau wa Habari wakiwa katika katika Maadhimisho ya Siku ya  Uhuru wa Vyombo vya Habari Duniani 2016 yanayofanyika Kitaifa katika Hotel ya Malaika Beach Resort Jijini Mwanza.

  Bw. Reginald Mengi, Mwenyekiti wa Wamiliki wa Vyombo vya Habari Tanzania (aliyesimama), akisoma risala fupi wakati wa Maadhimisho ya Siku ya  Uhuru wa Vyombo vya Habari Duniani kwa 2016.

    Jaji Mfawidhi Mahakama Kuu Kanda ya Mwanza Mhe. Robert Makaramba (wa nne toka kulia),pamoja na meza kuu walioketi, katika picha ya pamoja Wanahabari na Wadau wa Habari wakiwa katika Maadhimisho ya Siku ya  Uhuru wa Vyombo vya Habari Duniani 2016,yaliyofanyika mkoani Mwanza.