MAFUNZO YA WATUMISHI WA MAHAKAMA YAENDELEA MJINI DODOMA

  Washiriki wa Mafunzo ya kuwajengea uwezo Watumishi wa Mahakama ya Tanzania kuhusu masuala ya habari wakiwa kwenye Mafunzo hayo yanayoendelea mjini Dodoma.

Na Lydia Churi-Dodoma
Mafunzo ya Watumishi wa Mahakama ya Tanzania kuhusu masuala ya habari yanaendelea mjini Dodoma ambapo leo washiriki hao wamejifunza kuhusu upigaji wa picha za habari pamoja na namna ya kuzisambaza kupitia mitandao ya kijamii.

Mafunzo hayo yenye lengo la kuwajengea uwezo Maafisa hao yanalenga kutekeleza nguzo ya tatu ya Mpango Mkakati wa miaka mitano (2015/2016-2019/2010) wa Mahakama ya Tanzania yinayokusudia kurejesha imani ya wananchi kwa Mahakama na kuwashirikisha wadau katika shughuli za Mahakama.

Katika kutekeleza nguzo ya tatu ya Mpango Mkakati huo, Mahakama ya Tanzania iliwateua baadhi ya Maafisa wake wakiwemo Maafisa Utumishi, Maafisa Tawala, Maafisa Tehama na Wasaidizi wa Kumbukumbu ili wasaidie kutoa taarifa za matukio mbalimbali ya shughuli za Mahakama hususan maboresho yanayoendelea ndani ya Mhimili huo wananchi wengi zaidi wafahamu.

Aidha, mafunzo hayo ya siku tano yanawashirikisha pia Maafisa Habari kutoka baadhi ya Taasisi ambazo ni wadau wa Mahakama zikiwemo Tume ya Haki za Binadamu na Utawala Bora, Ofisi ya Mwanasheria Mkuu wa Serikali pamoja na Tume ya Kurekebisha Sheria na Wizara ya Sheria na Katiba.

Mafunzo hayo ya siku tano yameandaliwa na Chuo cha Uongozi wa Mahakama Lushoto kwa kushirikiana na Mahakama ya Tanzania chini ya udhamini wa Benki ya Dunia.

  Mtaalamu wa Upigaji wa Picha za Habari Bw. Mwanzo Millinga akiwafundisha washiriki wa Mafunzo kuhusu kupiga picha za habari katika mafunzo yanayoendelea mjini Dodoma.

 Washiriki wa Mafunzo ya kuwajengea uwezo Watumishi wa Mahakama ya Tanzania kuhusu masuala ya habari wakiwa katika Mafunzo kwa vitendo.

  Washiriki wa Mafunzo ya kuwajengea uwezo Watumishi wa Mahakama ya Tanzania kuhusu masuala ya habari wakiwa katika Mafunzo kwa vitendo.

 Mtaalamu akiwafundisha washiriki wa Mafunzo kuweka Picha za habari kwenye  Blog.

 

Washiriki wa Mafunzo ya kuwajengea uwezo Watumishi wa Mahakama ya Tanzania kuhusu masuala ya habari wakiwa kwenye Mafunzo hayo yanayoendelea mjini Dodoma.