MAHAKIMU WAPYA WAFUNDWA

Baadhi ya mahakimu wapya wakiwa katika mafunzo elekezi yaliyofanyika leo kwenye ukumbi wa mikutano wa Mahakama Kuu, jijini Dares Salaam.

Mtendaji  wa Mahakama Kuu  ya Tanzania,Bw. Leonard Magacha  akizungumza jambo wakati wa mafunzo elekezi kwa mahakimu, ambao ni waajiriwa wapya yaliyofanyika leo kwenye ukumbi wa mikutano wa Mahakama Kuu, jijini Dares Salaam .

Msajili Mkuu wa Mahakama ya Tanzania, Mhe. Katarina Revocati (katikati) akizungumza jambo  kwa mahakimu  wapya  waliojiriwa hivi karibuni wakati wa mafunzo elekezi yaliyofanyika leo kwenye ukumbi wa mikutano wa Mahakama Kuu, jijini Dares Salaam.Kushoto ni ni  Mtendaji  wa Mahakama Kuu  ya Tanzania,Bw. Leonard Magacha  na kulia  ni  Mkurugenzi wa Mashauri, Mhe. Eva  Nkya.

 Na Magreth Kinabo

Msajili Mkuu wa Mahakama ya Tanzania, Mhe. Katarina Revocati amewataka  Mahakimu  walioajiriwa hivi karibuni kujiepusha na vitendo vya rushwa.

Kauli hiyo imetolewa leo na Msajili huyo  wakati akifungua  mafunzo  elekezi  kwa Mahakimu hao  yanayofanyika kwenye ukumbi wa mikutano wa  Mahakama  Kuu, jijini Dar es Salaam.

Aidha  Msajili  huyo  aliwataka  Mahakimu hao kuzingatia maadili ya Utumishi wa Umma na kutojihusisha na ulevi, ugomvi na  matumizi mabaya ya mitandao ya kijamii kwa vitu visivyo kuwa  vya kimaadili.

Kwa  upande  wake Mtendaji  wa Mahakama Kuu  ya Tanzania,Bw. Leonard Magacha aliwataka  mahakimu  hao  kuwa tayari kufanya kazi  katika maeneo waliyopangiwa  hususan vijijini.

 “ Nendeni  mkaripoti  maeneo mliyopangiwa, mkafanye   kazi  bila kuchagua maeneo,” alisema Magacha.

Mtendaji huyo   aliwataka Mahakimu hao kujitunza ili waweze kuepukana na maradhi.

Alisema  kwamba  Mahakimu hao wanapaswa kufanya kazi  kwa kujifunza kutoka kwa  watumishi wengine kwenye maeneo waliyopangiwa.