JAJI KIONGOZI AWASILI MKOANI MBEYA KWA ZIARA YA KIKAZI

Jaji Kiongozi, Mahakama Kuu ya Tanzania, Mhe. Jaji Dkt. Eliezer Mbuki Feleshi amewasili Mkoani Mbeya Aprili 08, 2019 kuanza rasmi ziara ya kikazi katika Mahakama Kanda  ya Mbeya.

Katika ziara yake ya siku mbili (2) ndani ya Kanda hiyo, Mhe. Jaji Kiongozi, anatarajiwa kukagua miradi mbalimbali ya ujenzi wa Mahakama inayoendelea pamoja na kuzungumza na Watumishi.

Lengo la ziara ni kujua  hali ya maendeleo ya utekelezaji wa maboresho ya huduma mbalimbali za  Mahakama na vilevile kuwakumbusha Watumishi wa Mhimili huu kuendelea kutekeleza jukumu la msingi la utoaji haki nchini kwa ubora wa hali ya juu kwa manufaa ya wananchi. 

 Jaji Mfawidhi, Mahakama Kuu ya Tanzania, Mhe. Jaji Robert Makaramba (kushoto) akimlaki Mhe. Jaji Kiongozi pindi alipowasili mkoani Mbeya kwa ziara ya kikazi.

 Mhe. Jaji Kiongozi akiendelea kusalimiana na baadhi ya Viongozi wa Mahakama Kanda ya Mbeya waliofika kumlaki. Anayesalimiana nae ni Naibu Msajili Mfawidhi wa Mahakama Kuu-Kanda ya Mbeya, Mhe. George Herbert na wa kwanza kushoto ni Naibu Msajili, Mahakama Kuu, Kanda ya Mbeya, Mhe. William Mutaki.