JAJI KIONGOZI WA MAHAKAMA KUU YA TANZANIA ATEMBELEA MAONESHO YA 43 YA BIASHARA YA KIMATAIFA

 Na Magreth Kinabo.

 Jaji Kiongozi wa Mahakama Kuu ya Tanzania, Mhe. Dkt. Eliezer Feleshi amewataka wananchi kuwa na mwamko wa kutembelea Banda la Maonesho la Mahakama ya Tanzania ili kujifunza shughuli mbalimbali zinazofanywa na mahakama, wakiwemo wadau wake.

 Akizungumza alipotembelea  banda  hilo jana kwenye Maonesho ya 43 ya Biashara ya Kimataifa , Jaji Kiongozi alisema Mahakama ya Tanzania imeboresha huduma mbalimbali ikiwemo mfumo wa kusajili na kutafuta kesi kwa kutumia mfumo wa Teknolojia ya Habari na Mawasiliano(TEHAMA), pamoja na  mfumo wa kuwatambua mawakili feki na halali.

“Wananchi wajitahidi kujitokeza kwa wingi katika Banda la Mahakama ya Tanzania, Kwa kuwa ni fursa ya kuweza kufahamu mambo, ambayo waliyokuwa hawayafahamu,” alisema Jaji Kiongozi.

Akizungumzia kuhusu mlundikano wa kesi mahakamani alisema kwa sasa kuna maboresho yanayoendelea kufanyika hatua iliyosababisha kutokuwepo kwa mlundikano wa kesi mahakamani.

Jaji Kiongozi aliongeza kwamba katika maonesho hayo Mahakama imekuwa ikipokea maoni mbalimbali kutoka kwa wananchi, ambayo itayatathimini na kuyafanyia   kazi kwa lengo la kuboresha huduma zake.

  

Akifafanua kuhusu Mahakama inayotembea (Mobile Court) alisema, itaanza kufanya kazi hivi karibuni  katika jiji  la Dar es Salaam na Mwanza na kuongeza ongeza kwamba  Mahakama inayotembea itakuwa ikisikiliza kesi ambazo si za muda mrefu na zisizo na mashahidi wengi ili kutoa haki kwa wakati.

Baada ya kutembelea banda la Mahakama, Jaji Kiongozi Mhe. Dkt. Feleshi pia alitembelea mabanda ya taasisi nyingine za Serikali ili kujionea shughuli nyingine za kimaendeleo zinazofanywa na taasisi hizo.

Miongoni mwa mabanda hayo ni banda la Jeshi la Kujenga Taifa (JKT), Polisi, Uhamiaji, Wizara ya Maliasili Utalii na Magereza.

 Jaji Kiongozi wa Mahakama Kuu ya Tanzania, Mhe. Dkt. Eliezer Feleshi akitia saini kwenye kitabu cha wageni mara baada ya kuwasili katika Maonesho ya 43 ya Biashara ya Kimataifa kwenye Ofisi za Mamlaka ya Maendeleo ya Biashara Tanzania (TANTRADE). Kushoto ni Naibu Mkurugenzi Mkuu wa TANTRADE, Bi. Latifa Khamis.

Naibu Mkurugenzi Mkuu wa Mamlaka ya Maendeleo ya Biashara Tanzania (TANTRADE), Bi Latifa Khamis (Kushoto) akimuonesha Jaji Kiongozi Mhe. Dkt. Eliezer Feleshi ratiba ya matembezi ya Maonesho ya 43 ya Biashara ya Kimataifa

yanayoendelea katika viwanja vya Mwalimu Julius.K Nyerere vilivyopo jijini Dar es Salaam, Kulia ni Naibu Msajili Mahakama Kuu Masjala Kuu Mhe. Sharmillah Sarwatt.

 

 Jaji Kiongozi wa Mahakama Kuu ya Tanzania   Mhe Dkt. Eliezer Feleshi akipokea maelezo jinsi Mfumo wa kusajili kesi mtandaoni unavyofanya kazi. Anaetoa maelezo hayo (kushoto) ni Afisa Tehama wa Mahakama Kuu ya Tanzania Bw. Athumani Kanyegezi.

 Jaji Kiongozi wa Mhakama Kuu ya Tanzania Mhe. Dkt. Eliezer Feleshi akitoa maelezo kwa Naibu Mkurugenzi Mkuu wa Mamlaka ya Maendeleo ya Biashara Tanzania (TANTRADE) Bi. Latifa Khamis jinsi Mfumo wa kusajili kesi kwa njia ya kielektroniki unavyofanya kazi.

 Jaji Kiongozi wa Mahakama Kuu ya Tanzania Mhe.Dkt Eliezer Feleshi akipokea maelezo kutoka kwa Afisa Mkutubi wa Mahakama ya Tanzania Bw. Salum Tawan alipotembelea maonesho ya 43 ya Biashara yanayoendelea jijini Dar es Salaam.

 Jaji Kiongozi wa Mahakama Kuu ya Tanzania Mhe.Dkt. Eliezer Feleshi akiondoka katika banda la Mahakama ya Tanzania mara baada ya kutembelea banda hilo lililopo katika Maonesho ya 43 Biashara ya Kimataifa (SABASABA). Kulia ni Naibu Msajili Mahakama Kuu Masjala Kuu Mhe. Sharmillah Sarwatt na kushoto ni Naibu Msajili wa Mahakama Kuu Kanda ya Dar es Salaam Mhe. Joseph Fovo.

 Jaji Kiongozi wa Mahakama Kuu ya Tanzania Mhe. Dkt. Eliezer Feleshi akipokea maelezo kuhusu jinsi hati ya kusafiria ya kierektroniki inavyofanya kazi kutoka kwa Afisa wa Uhamiaji (kushoto) alipotembelea Maonesho ya 43 ya Biashara ya Kimataifa, pembeni kwa Jaji Kiongozi ni Naibu Mkurugenzi wa Mamlaka ya Maendeleo ya Biashara Tanzania (TANTRDE) Bi. Latifa Khamis.

(Picha na Dennis Buyekwa).