TANZIA

                                            

Hakimu wa Mahakama ya Mwanzo Kinondoni Mhe. Rukia Juma Katembo enzi ya Uhai wake.

Hakimu wa Mahakama ya Mwanzo Kinondoni Mhe. Rukia Juma Katembo amefariki Dunia leo Septemba 15, 2020 katika hospitali ya Ocean Road jijini Dar es salaam alikokuwa akipatiwa matibabu.

Mwili wa Marehemu utazikwa leo saa 10:00 jioni katika makaburi ya Kisutu jijini Dar es salaam. Dua ya kumuombea imefanyika saa 4:00 Asubuhi, nyumbani kwake Pugu Dampo Dar es salaam.

Marehemu Rukia Juma Katembo alizaliwa Desemba 1 mwaka 1962. Aliajiriwa na Mahakama ya Tanzania Julai 1 mwaka 1983. Vituo vya kazi alivyowahi kufanyia kazi ni pamoja na Kigamboni, Temeke, Buguruni, Ilala, Pangani, Magomeni, na Kinondoni ambapo ndiyo kituo chake cha mwisho cha kazi.

Marehemu alikuwa akisumbuliwa na matatizo ya Nyonga na alikuwa akitibiwa katika hospitali mbalimbali jijini Dar es salaam zikiwemo Muhimbili na Ocean Road hadi alipofariki Dunia leo.