MAHAKAMA SPORTS MPIRA WA MIGUU HESABU NYINGINE

·Mtendaji Mkuu ataka itajwe kwenye ligi kubwa kubwa

·Viongozi wamimina pongezi kwa makombe, nidhamu SHIMIWI

Na Faustine Kapama-Mahakama, Tanga

Mtendaji Mkuu wa Mahakama ya Tanzania, Prof. Elisante Ole Gabriel leo tarehe 17 Octoba, 2022 ametoa mwelekeo mpya utakaoiwezesha Timu ya Mahakama ya Tanzania (Mahakama Sports) Mpira wa Miguu Wanaume kushiriki kwenye ligi kubwa za mchezo huo hapa nchini.

Akizungumza katika hafla ya kupokea vikombe vya ushindi vilivyonyakuliwa na Mahakama Sports katika mashindano ya Shirikisho la Michezo ya Wizara na Idara za Serikali (SHIMIWI) yaliyofanyika jijini Tanga hivi karibuni, Prof. Ole Gabriel aliushauri uongozi kutafuta namna bora na kuweka mikakati mbalimbali ili kufanikisha azma hiyo.

Alionyesha kushangazwa jinsi timu hiyo ilivyofanya vizuri kwenye mashindano hayo kwa kuzingatia miaka 18 iliyopita haikuwa hata kwenye 16 bora na ilikuwa haijulikani kama kuna timu ya Mahakama, lakini ilitoka kusikojulikana na kutaka kushika nafasi ya kwanza.

“Hivyo nikajiuliuza haiwezekani tukafanya namna, kama kuna Polisi, JKT, Ruvu Shooting (na timu zingine) zinafanya vitu kwenye ligi kubwa kubwa, kuna dhambi gani na sisi tukajipanga tukaanza kutajwa kwenye ligi kubwa kubwa. Kwa sababu ufundi wa mpira ni ule ule, ni (suala la) kuwajengea mazingira (mazuri wachezaji wetu ili waweze kufanya vizuri),” alisema.

Mtendaji Mkuu huyo alifafanua kuwa kwa kufanya hivyo haitamaanisha watumishi hao wa Mahakama wataondoka kwenye shughuli zao za msingi. Akasisitiza uwepo wa mikakati mizuri ili kuiwezesha timu hiyo kujinoa vizuri.

 “Ifike mahala mtu akisikia akikutana na Mahakama anachanganyikiwa. Ebu mlifikirie hili tuone huko mbele inawezekanaje,” alimwambia Mkurugenzi wa Mipango na Ufuatiliaji wa Mahakama ya Tanzania, Bw. Erasmus Uisso, ambaye pia ndiye Mlezi wa Mahakama Sports.

Prof. Ole Gabriel alitumia nafasi hiyo kufikisha pongezi mbalimbali zilizotolewa na viongozi wakuu wa Mahakama ya Tanzania kwa Mahakama Sports kwa ushiriki mzuri SHIMIWI na ushindi mnono iliyoupata katika michezo mbalimbali, hivyo akaahidi wataendelea kuwaunga mkono.

“Jaji Mkuu wa Tanzania, Mhe. Prof. Ibrahim Hamis Juma ametoa pongezi nyingi, aliandika kwa mkono wake mwenyewe niwafikishie pongezi zake na yupo pamoja nanyi. Jaji Kiongozi wa Mahakama Kuu ya Tanzania, Mhe. Mustapher Siyani naye anawapongeza sana, kadhalika Msajili Mkuu, Mhe. Wilbert Chuma, alitamani awepo hapa, lakini yupo safarini. Mmetugusa na kutuheshimisha sana,” alisema.

Akizungumza katika hafla hiyo, Mlezi wa Mahakama Sports alimhakikishia Mtendaji Mkuu wa Mahakama kuwa watayafanyia kazi maelekezo yote aliyoyatoa ili kuhakikisha timu zote za michezo, hususani, mpira wa miguu zinafanya vizuri katika mashindano mbalimbali.

Alimtaarifu kuwa vijana wote waliokuwa katika mashindano Tanga waliishi kwa nidhamu ya hali ya juu na kuzingatia taratibu za kwenye kambi, jambo lililowawezesha kufanikiwa na kupata ushindi mkubwa.

Katika hafla hiyo, Mtendaji Mkuu wa Mahakama alikabidhiwa makombe manne ambayo Mahakama Sports iliyapata baada ya kushinda michezo mbalimbali ikiwemo Kamba Wanawake walioibuka mshindi wa kwanza, Kamba Wanaume walioshika nafasi ya pili, Mpira wa Miguu Wanaume walioshika nafasi ya pili na Bao Wanaume mshindi wa tatu.

Mahakama Sports pia iliibuka kidedea kwenye Riadha Wanawake mita 3,000 na kuwa mshindi wa kwanza na Tufe Wanawake mshindi wa kwanza, hatua zilizowawezesha washiriki katika michezo hiyo kupata medali za dhahabu.

Mashindano ya SHIMIWI ambayo yalianza tarehe 1 Octoba, 2022 na kufunguliwa rasmi tarehe 5 Octoba, 2022 yalifanyika katika viwanja tofauti tofauti ikiwemo Viwanja vya Mkwakwani, Shule ya Sekondari Popatlal, Galanos Sekondari, Bandari, Shule ya Tanga, Polisi Chumbageni na Viwanja vya Gymkhana kwa kuhusisha michezo kadhaa.

Mahakama Sports ilishiriki katika michezo mbalimbali ikiwemo Kamba Wanaume, Kamba Wanawake, Mpira wa Miguu Wanaume, Netiboli, Riadha, Tufe na Bao. Mtumishi aliyeiwakilisha Mahakama kwenye Riadha alikuwa Justa George, kwenye Tufe alikuwa Akanganyila Theophil na kwenye Bao alikuwa Hashim Rashid.

Katika mchezo wa Kamba Wanaume, Mahakama Sports inawakilishwa na Leonard Kazimzuri, Yuda Mgalla, Patrick Mundwe, Denis Kipeta, Joseph Chokela, Mjuni Denis, Komba Mussa, Mochiwa Marko, Abdul Mumini, Mushi Martin, Magesa Phabian, Emmanuel Datsan, Robert Oguda, Rajab Mwaliko, Fidelis Choka na Exavery Kasembe.

Wachezaji wa Kamba Wanawake ni Zahara Abdallah, Beatrice Dibogo, Judith Mwakyalagwe, Melina Mwinuka, Dotto Mlandula, Rebecca Mwakabuba, Salma Mwamende, Sarafina Mkumbo, Mariam Mayala, Zawadi Amir, Namweta Mcharo, Valeria Ntyangili, Anna Hebron, Lucy Mbwaga, Rose Mwalongo na Tumaini Kizito.

Kwa upande wa Mpira wa Miguu, wachezaji walioiwakilisha Mahakama walikuwa Fahamu Kibona; Iman Patson; Gisbert Chentro; Akida Mzee; Emmanuel Mwamole; Selemani Magawa; Frank Obadia; Gabriel Tabana; Martin Mpanduzi; Mwinjuma Bwanga, Shamte Seif, Hassan Aufi; Nassoro Mwampamba; Kelvin Rutalemwa; Shabiru Hood; David Mnubi; Beatus Simwanza na Timoth Mwakisambwe.

Wachezaji walioiwakilisha Mahakama Sports kwenye mchezo huo wa Netiboli ni Filomena Haule, Upendo Mapunda, Nyangi Saimora, Veronica Kajobi, Dianes Akanganyila, Shani Ally, Tarita Kayuni, Marikia Nondo, Margaret Kanyaga, Agnes Kilian, Jackline Paul, Adeudata Mkonkosha, Sharifa Selemani, Sophia Songoro, Taus Mwambujale, Agness Mwanyika na Kuruthum Mkundawatu.

Viongozi ambao waliambatana na Timu ni Mwenyekiti Wilson Dede, Makamu Mwenyekiti Fidelis Choka, Katibu Mkuu Robert Tende, Katibu Mkuu Msaidizi Theodosia Mwangoka, Mweka Hazina Rajab Ally, Timu Meneja Antony Mfaume, Afisa Michezo Nkrumah Katagile na Mjumbe Mwakilishi wa SHIMIWI Taifa Shaibu Kanyochole.

Mtendaji Mkuu wa Mahakama ya Tanzania, Prof. Elisante Ole Gabriel akionyesha makombe ya ushindi kwa waandishi wa habari (hawapo katika picha).

Picha ya pamoja na Mtendaji Mkuu wa Mahakama ya Tanzania, Prof. Elisante Ole Gabriel na sehemu ya washiriki wa mashindano ya SHIMIWI baada ya kukabidhi makombe.

Meza kuu ikiongozwa na Mtendaji Mkuu wa Mahakama ya Tanzania, Prof. Elisante Ole Gabriel (katikati aliyekaa) ikiwa katika picha ya pamoja na Timu ya Netiboli na Tufe. Waliokaa kushoto ni Mkurugenzi wa Mipango na Ufuatiliaji wa Mahakama ya Tanzania, Bw. Erasmus Uisso na kulia ni Mwenyekiti wa Mahakama Sports Wilson Dede.

Meza kuu ikiongozwa na Mtendaji Mkuu wa Mahakama ya Tanzania, Prof. Elisante Ole Gabriel (katikati aliyekaa) ikiwa katika picha ya pamoja na Timu ya Mpira wa Miguu. Waliokaa kushoto ni Mkurugenzi wa Mipango na Ufuatiliaji wa Mahakama ya Tanzania, Bw. Erasmus Uisso na kulia ni Mwenyekiti wa Mahakama Sports Wilson Dede.

Meza kuu ikiongozwa na Mtendaji Mkuu wa Mahakama ya Tanzania, Prof. Elisante Ole Gabriel (katikati aliyekaa) ikiwa katika picha ya pamoja na wawakilishi wa Timu ya Kamba Wanawake. Waliokaa kushoto ni Mkurugenzi wa Mipango na Ufuatiliaji wa Mahakama ya Tanzania, Bw. Erasmus Uisso na kulia ni Mwenyekiti wa Mahakama Sports Wilson Dede.

Meza kuu ikiongozwa na Mtendaji Mkuu wa Mahakama ya Tanzania, Prof. Elisante Ole Gabriel (katikati aliyekaa) ikiwa katika picha ya pamoja na uongozi wa taasisi ya Mahakama ya Tanzania.

Meza kuu ikiongozwa na Mtendaji Mkuu wa Mahakama ya Tanzania, Prof. Elisante Ole Gabriel (katikati aliyekaa) ikiwa katika picha ya pamoja na uongozi wa Mahakama Sports.

Meza kuu ikiongozwa na Mtendaji Mkuu wa Mahakama ya Tanzania, Prof. Elisante Ole Gabriel (katikati aliyekaa) ikiwa katika picha ya pamoja na wawakilishi wa Timu ya Kamba Wanaume. Waliokaa kushoto ni Mkurugenzi wa Mipango na Ufuatiliaji wa Mahakama ya Tanzania, Bw. Erasmus Uisso na kulia ni Mwenyekiti wa Mahakama Sports Wilson Dede.

Mtendaji Mkuu wa Mahakama ya Tanzania, Prof. Elisante Ole Gabriel akisisitiza jambo baada ya kupokea makombe ya ushindi.

Mkurugenzi wa Mipango na Ufuatiliaji wa Mahakama ya Tanzania, Bw. Erasmus Uisso akifafanua jambo.

Mtendaji Mkuu wa Mahakama ya Tanzania, Prof. Elisante Ole Gabriel akipokea kikombe kutoka kwa Davis Munubi aliyekabidhi kwa niaba ya mshindi wa mchezo huo Hashim Rashid.

Mtendaji Mkuu wa Mahakama ya Tanzania, Prof. Elisante Ole Gabriel akipokea kombe la washindi wa Kamba Wanaume kutoka kwa Joseph Chokera.

Mtendaji Mkuu wa Mahakama ya Tanzania, Prof. Elisante Ole Gabriel akipokea kombe kutoka kwa Mwinjuma Bwanga kwa niaba ya timu ya mpira wa miguu.

Mtendaji Mkuu wa Mahakama ya Tanzania, Prof. Elisante Ole Gabriel akipokea kombe kutoka kwa Rebecca Mwakabuba kwa niaba ya Kamba Wanawake walioibuka mabingwa.

Mtendaji Mkuu wa Mahakama ya Tanzania, Prof. Elisante Ole Gabriel akipokea kutoka kwa Katibu Mkuu Msaidizi wa Mahakama Sports Theodosia Mwangoka mfano wa trekta ambayo ni zawadi iliyotolewa na mfadhili wa mashindano hayo, Agricom.

Mtendaji Mkuu wa Mahakama ya Tanzania, Prof. Elisante Ole Gabriel akimvalisha medali ya dhahabu bingwa wa Tufe Wanawake, Akanganyila Theophil.

Mtendaji Mkuu wa Mahakama ya Tanzania, Prof. Elisante Ole Gabriel akimkabidhi jezi maalumu ya Mahakama Sports Mkurugenzi wa Utawala na Usimamizi wa Rasilimali Watu wa Mahakama ya Tanzania, Bi. Beatrice Patrick.

Mwenyekiti wa Mahakama Sports Wilson Dede akimkabidhi Mtendaji Mkuu wa Mahakama ya Tanzania, Prof. Elisante Ole Gabriel jezi maalumu.

Meza kuu ikiongozwa na Mtendaji Mkuu wa Mahakama ya Tanzania, Prof. Elisante Ole Gabriel (katikati), Mkurugenzi wa Mipango na Ufuatiliaji wa Mahakama ya Tanzania, Bw. Erasmus Uisso (kushoto na kulia ni Mwenyekiti wa Mahakama Sports Wilson Dede.