JAJI SALMA: TOENI HUDUMA ZENYE VIWANGO BORA

 Na Magreth Kinabo, Mahakama Mkuranga

 

Jaji Mfawidhi wa Mahakama Kuu ya Tanzania Kanda ya Dar es Salaam, Mhe. Salma Maghimbi amewataka watumishi wa kanda hiyo kutoa huduma ya utoaji haki  kwa viwango bora ili kuhakikisha jukumu hilo linatelelezwa ipasavyo na kwa wakati.

 

Akizungumza leo tarehe 28 Aprili 2023 wakati akifunga kikao cha Baraza la Wafanyakazi wa kanda hiyo lililofanyika Mkuranga mkoani pwani, alisema kila mtumishi ana wajibu wa  kutoa huduma   inayoridhisha na  yenye viwango bora.

 

“Unapotoa huduma ya utoaji haki unapaswa kujiuliza kuwa imekidhi viwango bora vinavyotakiwa, hivyo kila mtumishi anaowajibu wa kuboresha utendaji wake wa kazi ili kuweza kutimiza  jukumu hilo la msingi,” alisema Jaji Salma.

 

Jaji Salma aliongeza kwamba watumishi hao, wanapaswa kuendelea kufanya kazi kwa ushirikiano kwa kuwa kufanya hivyo kunasaidia  kubadilishana mawazo na uzoefu wa kazi kwa ajili ya kutatua changamoto  mbalimbali zinazojitokeza kwenye utendaji wao wa kazi huku akisema milango ya ofisi yake iko wazi  kwa mtumishi yoyote yule ili kuhakikisha gurudumu lla utoaji haki linasongambele.

 

Aliongeza kuwa watumishi hao, wanowajibu wa kufanya kazi kwa kuzingatia maadili ya taaluma zao.

 

Aliwataka watendaji wa  mahakama zilizopo katika kanda hiyo, kuhakikisha bajeti wanayoipata inazingatia maslahi ya watumishi wa ngazi za chini.

 

“ Tuwe waangalifu kwa chochote tunachokipata tugawane ili wote tuweze kula kwenye sahani moja,” alisisitiza.

 

Kwa upande wake Naibu Msajili wa Mahakama Kuu ya Tanzania Kanda ya Dar es Salaam, Mhe. Sundi Fimbo akitoa takwimun za usikilizaji wa mashauri kuanzia Januari 2022 hadi Aprili 25 2023 zinaonesha kuwa bado kuna changamoto za mlundikano wa mashauri kwa zaizi ya asilimia 100.

 

Alizitaja mahakama zenye mlundikano huo kuwa ni Mahakama ya Hakimu Mkazi Kisutu  yenye mlundikano wa mashauri  406, Mahakama Kuu mashauri 249, Mahakama ya Wilaya ya Ilala nashauri 148 na Mahakama ya Wilaya ya Kinondoni mashauri 145.

 

Alizitaja changamoto za mlundikano huo ni kuwa ni kutokamilika kwa upelelezi kwa wakati, mzigo mkubwa kwa majaji hasa Mahakama Kuu na kutokuwa na mpango ‘Case Management’.

 

Naye Mtendaji wa Mahakama Kuu ya Tanzania Kanda ya Dar es Salaam, Bw. Edward Mbara alisema hadi kufikia tarehe 31 Machi 2023 kanda hiyo inawatumishi 632 kati ya hao, mahakimu 166 na 466 kada nyingine.

 

Alisema kanda hiyo ina upungufu wa vitendea kazi kama vile kompyuta, uchakavu wa samani za ofisi na magari.

Jaji Mfawidhi wa Mahakama Kuu ya Tanzania Kanda ya Dar es Salaam, Mhe. Salma Maghimbi (wa pili kulia akifungua kikao cha Baraza la Wafanyakazi la kanda hiyo lililofanyika Mkuranga mkoani Pwani tarehe 28 Aprili 2023. kushoto wa pili ni Naibu Msajili Mahakama Kuu ya Tanzania Kanda ya Dar es Salaam, Mhe. Suudi Fimbo, (wa kwanza kushoto) ni Mtendaji wa Mahakama Kuu ya Tanzania Kanda ya Dar res Salaam, Bw. Edward Mbara na (wa kwanza kulia ) ni Katibu wa baraza hilo Bw. Fahamu Kibona. 

Baadhi ya wajumbe wa baraza hilo wakiwa katika kikao hicho.

Jaji Mfawidhi wa Mahakama Kuu ya Tanzania Kanda ya Dar es Salaam, Mhe. Salma Maghimbi (wa pili kulia akiwa katika picha ya patoja na wajumbekikao cha Baraza la Wafanyakazi la kanda hiyo lililofanyika Mkuranga mkoani Pwani tarehe 28 Aprili 2023. kushoto wa pili ni Naibu Msajili Mahakama Kuu ya Tanzania Kanda ya Dar es Salaam, Mhe. Suudi Fimbo, (wa kwanza kushoto) ni Mtendaji wa Mahakama Kuu ya Tanzania Kanda ya Dar res Salaam, Bw. Edward Mbara na (wa kwanza kulia ) ni Katibu wa baraza hilo Bw. Fahamu Kibona na wa kwanza kulia ni Katibu Msaidizi wa baraza hilo, Bi.Lightness Kiula.

Meza kuu ikimba wimbo wa mshikamano.

      meza nuke ikiwa katika pichha ya pamoja na wajumbe wa kikao hicho.

Frank Kimilike akielezea jinsi atakavyofanya kazi kwa wajumbe wa baraza hilobaada ya kuchaguliwa kuwa mjumbe wa Baraza la Wafanyakazi la Mahakama ya Tanzania.

Naibu Msajili wa Mahakama Kuu ya Tanzania Kanda ya Dar es Salaam, Mhe.Sundi Fimbo (wa pili kushoto) akifunga kikao hicho kwa niaba ya Jaji Mfawidhi wa kanda hiyo.