MAHAKAMA YA TANZANIA ‘LEVEL’ NYINGINE

·Naibu Waziri aifananisha na Mahakama za Kimataifa

·Asema maboresho yaliyofanyika kuongeza kasi ya utoaji haki nchini

Na Faustine Kapama-Mahakama

Naibu Waziri wa Nchi Ofisi ya Waziri Mkuu, Sera, Bunge, Kazi, Vijana, Ajira na Watu wenye Ulemavu, Mhe. Patrobas Katambi ameupongeza uongozi wa Mahakama ya Tanzania, chini ya Jaji Mkuu wa Tanzania, Mhe. Prof. Ibrahim Hamis Juma kwa mageuzi makubwa ambayo umefanya kuimarisha matumizi ya teknolojia katika utoaji wa haki kwa wananchi.

Mhe. Katambi ametoa pongezi hizo leo tarehe 14 Julai, 2023 alipokuwa anazungumza kwenye Mkutano wa Saba wa Kamati ya Utatu yenye jukumu la kuweka mikakati kumaliza mashauri yote kwa wakati yanayofunguliwa katika Mahakama Kuu ya Tanzania, Divisheni ya Kazi.

Mkutano huo ambao umefanyika kwenye Ukumbi wa Kituo cha Mikutano cha Mwalimu Nyerere jijini Dar es Salaam umefunguliwa na Jaji Kiongozi wa Mahakama Kuu ya Tanzania, Mhe. Mustapher Mohamed Siyani.

 “Kwa niaba ya Serikali, nimpongeze sana Jaji Mkuu, wewe Jaji Kiongozi na viongozi wengine wa Mhimili wa Mahakama, kwa kweli imani ni kubwa sana. Mimi ni shuhuda, kwa maana majukumu yale ambayo yamewekwa kimahakama ni tofauti sana tunayoyaona kwa sasa. Hali ya sasa ipo tofauti kubwa, mmefanya maboresho makubwa katika kuongeza kasi ya utoaji haki nchini,” amesema.

Naibu Waziri amesema anaiona Mahakama ya Tanzania kama Mahakama za Kimataifa kwa kupiga hatua kubwa ambayo matumizi ya Teknolojia ya Habari na Mawasiliano (TEHAMA) yatapunguza mlundikano wa mashauri na changamoto mbalimbali.

“Mmeenda mbali zaidi kidijitali katika usikilizaji wa mashauri. Tutaanza sasa kuziona zile za ICJ (The International Court of Justice) na ICC (The International Criminal Court) na kama ilivyokuwa kwenye Tribunals (Mabaraza) ya Rwanda na mengine, nadhani sasa tunafikia kwenye hiyo hatua. Hii ni hatua kubwa sana,” amesema.

Mhe. Katambi amebainisha pia kuwa Mahakama imefanikiwa kwa kiasi kikubwa katika utekelezaji wa Mpango Mkakati, hasa kwenye kuongeza imani kwa wananchi, hivyo ushirikishaji wadau ni jambo muhimu ili kufikia mafanikio zaidi yanayokusudiwa.

“Kila mmoja ajue malengo mliyonayo, mipango, mikakati ambayo mnataka kufikia katika utoaji wa haki na sisi ni sehemu yake,” amesema huku akipongeza kauli mbiu iliyowekwa katika Mkutano huo ambayo inaweza kuchagiza ukuaji wa uchumi kwa mfumo wa usuluhishi.

 Kauli mbiu ya Mkutano huo ni “Umuhimu wa Utatuzi wa Migogoro ya Kazi kwa Njia ya Usuluhishi katika Kukuza Uchumi Endelevu: Wajibu wa Mahakama na Wadau.”

Naibu Waziri wa Nchi Ofisi ya Waziri Mkuu, Sera, Bunge, Kazi, Vijana, Ajira na Watu wenye Ulemavu, Mhe. Patrobas Katambi (juu na chini) akisisitiza jambo alipokuwa anazungumza kwenye Mkutano wa Saba wa Kamati ya Utatu ambao umefanyika kwenye Ukumbi wa Kituo cha Mikutano cha Mwalimu Nyerere jijini Dar es Salaam leo tarehe 14 Julai, 2023.

Meza Kuu ikiongozwa na Jaji Kiongozi wa Mahakama Kuu ya Tanzania, Mhe. Mustapher Mohamed Siyani (katikati). Wengine katika picha ni Jaji Mfawidhi wa Mahakama Kuu ya Tanzania, Divisheni ya Kazi, Mhe. Dkt. Yose Mlyambina (wa pili kushoto), aibu Waziri wa Nchi Ofisi ya Waziri Mkuu, Sera, Bunge, Kazi, Vijana, Ajira na Watu wenye Ulemavu, Mhe. Patrobas Katambi (wa pili kulia) na viongozi wengine.

Meza Kuu ikiongozwa na Jaji Kiongozi wa Mahakama Kuu ya Tanzania, Mhe. Mustapher Mohamed Siyani (katikati) ikiwa katika picha ya pamoja na Majaji Wafawidhi wa Mahakama Kuu ya Tanzania, Kanda ya Mwanza na Arusha waliohudhuria Mkutano wa Saba wa Kamati ya Utatu yenye jukumu la kuweka mikakati kumaliza mashauri yote kwa wakati yanayofunguliwa katika Mahakama Kuu ya Tanzania, Divisheni ya Kazi.

Meza Kuu ikiongozwa na Jaji Kiongozi wa Mahakama Kuu ya Tanzania, Mhe. Mustapher Mohamed Siyani (katikati) ikiwa katika picha ya pamoja na Majaji wa Mahakama Kuu ya Tanzania waliohudhuria Mkutano huo.

Meza Kuu ikiongozwa na Jaji Kiongozi wa Mahakama Kuu ya Tanzania, Mhe. Mustapher Mohamed Siyani (katikati) ikiwa katika picha ya pamoja na Majaji na viongozi wengine waandamizi wa Mahakama Kuu Divisheni ya Kazi.

Meza Kuu ikiongozwa na Jaji Kiongozi wa Mahakama Kuu ya Tanzania, Mhe. Mustapher Mohamed Siyani (katikati) ikiwa katika picha ya pamoja na viongozi wa Mahakama  Kuu ya Tanzania, Masjala Kuu na wadau wengine wa Mahakama.

Meza Kuu ikiongozwa na Jaji Kiongozi wa Mahakama Kuu ya Tanzania, Mhe. Mustapher Mohamed Siyani (katikati) ikiwa katika picha ya pamoja na  wadau mbalimbali waliohudhuria mkutano huo.

Meza Kuu ikiongozwa na Jaji Kiongozi wa Mahakama Kuu ya Tanzania, Mhe. Mustapher Mohamed Siyani (katikati) ikiwa katika picha ya pamoja na sehemu ya watumishi wa Mahakama Kuu Divisheni ya Kazi.

Meza Kuu ikiongozwa na Jaji Kiongozi wa Mahakama Kuu ya Tanzania, Mhe. Mustapher Mohamed Siyani (katikati) ikiwa katika picha ya pamoja na  Waandishi wa Habari waliohudhuria mkutano huo.