RAIS SAMIA AWATAKA VIONGOZI KUTOKUWA CHANZO CHA MIGOGORO

      Na Lydia Churi- Mahakama

Rais wa Jamhuri ya Muungano wa Tanzania Mhe. Samia Suluhu Hassan amewataka Viongozi mbalimbali nchini kufanya kazi kwa bidii na kutokuwa chanzo cha migogoro katika jamii.

Akizungumza mara baada ya kuwaapisha Viongozi mbalimbali aliowateua hivi karibuni wakiwemo Jaji wa Mahakama Kuu, Msajili Mkuu wa Mahakama ya Tanzania na Msajili wa Mahakama Kuu, Rais Samia aliwataka Viongozi hao kutumia nafasi walizonazo kutatua migogoro ya wananchi.

’’Kafanyeni kazi kwa ushirikiano baina yenu na mhakikishe mnawaunganisha wananchi badala ya ninyi kuwa chanzo cha migogoro kati ya wananchi”,   alisisitiza Rais Samia.

Viongozi wengine walioapishwa na Rais Samia jana Ikulu jijini Dar es salaam ni pamoja na Waziri na Naibu Mawaziri, Wakuu wa Mikoa na Naibu Makatibu wakuu wa Wizara mbalimbali.  

Awali akitoa salaam za Mahakama katika hafla hiyo, Jaji Mkuu wa Tanzania Mhe. Prof. Ibrahim Hamis Juma aliwataka Viongozi wa Mahakama ya Tanzania walioapishwa kutekeleza majukumu yao kwa kuzingatia weledi na kufuata misingi ya haki.

Akizungumzia nafasi ya Msajili Mkuu wa Mahakama, Jaji Mkuu alisema  Wasajili ni injini ya Mahakama ya Tanzania kwa kuwa wanalo jukumu la msingi la kusimamia suala zima la upatikanaji wa haki, hivyo alimtaka Msajili Mkuu aliyeapishwa kutekeleza majukumu yake ipasavyo ili wananchi wapate haki kwa wakati.

”Msajili Mkuu wa Mahakama ya Tanzania ni kiungo muhimu kati ya Mahakama, Serikali pamoja na Bunge” alifafanua Jaji Mkuu.

Jaji Mkuu wa Tanzania alitumia nafasi hiyo kumshukuru Rais Samia kwa kuongeza idadi ya watumishi wa Mahakama wakiwemo Jaji wa Mahakama Kuu ya Tanzania, Msajili Mkuu na Jaji wa Mahakama Kuu ya Tanzania. Alisema Mahakama ya Tanzania itaendeleza ushirikiano uliopo kati yake na Mihimili mingine.    

 

Viongozi wa Mahakama walioteuliwa na Rais Samia tarehe 3 Aprili, 2024 kushika nyadhifa mbalimbali ndani ya Mhimili wa Mahakama ni Mhe. Sylvester Joseph Kainda aliyekuwa Msajili wa Mahakama ya Rufani kuwa Jaji wa Mahakama Kuu ya Tanzania.

Rais pia alimteua Mhe. Eva Kiaki Nkya kuwa Msajili Mkuu wa Mahakama ya Tanzania, ambaye kabla ya uteuzi huu alikuwa ni Mkurugenzi wa Kitengo cha Huduma za Sheria, Wizara ya Mifugo na Uvuvi.

Aidha, Rais alimteua Mhe. Chiganga Mashauri Tengwa aliyekuwa Naibu Msajili wa Mahakama Kuu ya Tanzania Kanda ya Geita kuwa Msajili wa Mahakama Kuu ya Tanzania. 

Sehemu ya Viongozi mbalimbali wa Mahakama ya Tanzania wakiwa kwenye Hafla ya Kuapishwa kwa Viongozi wa Mahakama jana Ikulu jijini Dar es salaam.  Walioapishwa ni Jaji wa Mahakama Kuu ya Tanzania, Msajili Mkuu wa Mahakama ya Tanzania na Msajili wa Mahakama Kuu. 

Mhe. Sylvester Kainda akiapishwa kuwa Jaji wa Mahakama Kuu ya Tanzania Ikulu jijini Dar es Salaam.

Mhe. Eva Kiaki Nkya akiapishwa kuwa Msajili Mkuu wa Mahakama ya Tanzania Ikulu jijini Dar es Salaam.

Jaji Mkuu wa Tanzania Mhe. Prof. Ibrahim Hamis Juma akizungumza wakati wa hafla ya Kuwaapisha Viongozi mbalimbali Ikulu jijini Dar es Salaam.

                                  

Mtendaji Mkuu wa Mahakama ya Tanzania Prof. Elisante Ole Gabriel akiwa na Familia za Viongozi wa Mahakama ya Tanzania walioapishwa Ikulu jijini Dar es Salaam.

Aliyekuwa Naibu Msajili wa Mahakama Kuu ya Tanzania Kanda ya Geita Mhe. Chiganga Mashauri Tengwa akiapa mbele ya Jaji Kiongozi wa Mahakama Kuu ya Tanzania Mhe. Mustapher Siyani kuwa Msajili wa Mahakama Kuu ya Tanzania.

Jaji Kiongozi wa Mahakama Kuu ya Tanzania Mhe. Mustapher Siyani akiwa katika picha ya pamoja na Msajili Mkuu wa Mahakama ya Tanzania Mhe. Eva Nkya na Msajili wa Mahakama Kuu ya Tanzania Mhe. Chiganga Mashauri Tengwa mara baada ya kumuapisha Msajili wa Mahakama Kuu ofisini kwake jijini Dar es salaam. ya Tanzania.

                                                                                                                                              Jaji Kiongozi wa Mahakama Kuu ya Tanzania Mhe. Mustapher Siyani akiwa katika picha ya pamoja na Familia ya Msajili wa Mahakama Kuu ya Tanzania Mhe. Chiganga Mashauri Tengwa mara baada ya kumuapisha ofisini kwake jijini 

Dar es salaam.        Jaji Kiongozi wa Mahakama Kuu ya Tanzania Mhe. Mustapher Siyani akimkabidhi Shada la Maua Msajili Mkuu wa Mahakama ya Tanzania Mhe. Eva Nkya kama ishara ya kumpongeza kwa kuteuliwa na kuapishwa kushika wadhifa huo.

Jaji Kiongozi wa Mahakama Kuu ya Tanzania Mhe. Mustapher Siyani akimkabidhi Shada la Maua Msajili wa Mahakama Kuu ya Tanzania Mhe. Chiganga Mashauri Tengwa kama ishara ya kumpongeza kwa kuteuliwa na kuapishwa kushika wadhifa huo.

 

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                        

.