JAJI KIONGOZI AFUNGUA MKUTANO WA MAHAKAMA YA TANZANIA KUHUSU MPANGO MKAKATI

 

Jaji Kiongozi wa Mahakama Kuu Mheshimiwa Frednand Wambali akifungua Mkutano wa Mahakama ya Tanzania unaoandaa Mpango Mkakati wa Mhimili wa Mahakama leo katika ukumbi wa Hazina mjini Dodoma

 Msajili Mkuu wa Mahakama ya Tanzania, Mheshimiwa Katarina Revokati akizungumza wakati wa ufunguzi wa mkutano wa Mahakama ya Tanzania unaoandaa Mpango Mkakati wa Mahakama hiyo leo katika ukumbi wa Hazina mjini Dodoma

 Jaji Mfawidhi wa Mahakama Kuu Kanda ya Dodoma Mheshimiwa Mwanaisha Kwariko akizungumza kwenye Mkutano wa Mahakama ya Tanzania wa kuandaa Mpango Mkakati wa Mhimili huo leo mjini Dodoma

 Wajumbe wanaoshiriki Mkutano wa Mahakama ya Tanzania kuhusu Mpango Mkakati wakiwa tayari kuanza mkutano huo leo katika ukumbi wa Hazina mjini Dodoma. wajumbe hao ni Mahakimu wafawidhi wa mikoa na wilaya, wasajili wa mahakama, watendaji wa Mahakama pamoja na wajumbe wa kikao cha Menejimenti ya Mahakama ya Tanzania makao Makuu 

Jaji Kiongozi wa Mahakama Kuu Mheshimiwa Frednand Wambali (wa tatu kulia) akiwa katika picha ya pamoja na Mahakimu Wafawidhi wa Mahakama za Mikoa na Wilaya nchini baada ya kufungua Mkutano kuhusu Mpango Mkakati leo katika ukumbi wa Hazina mjini Dodoma

 Jaji Kiongozi wa Mahakama Kuu Mheshimiwa Frednad Wambali(wa nne kulia) akiwa katika picha ya pamoja na Wasajili wa Mahakama nchini baada ya kufungua Mkutano kuhusu Mpango Mkakati wa Mahakama ya Tanzania leo katika ukumbi wa Hazina mjini Dodoma

Jaji Kiongozi wa Mahakama Kuu Mheshimiwa Frednand Wambali (wa nne kulia)akiwa katika picha ya pamoja na Watendaji wa Mahakama nchini mara baada ya kufungua Mkutano wa kuandaa Mpango Mkakati wa Mahakama ya Tanzania leo mjini Dodoma

Jaji Kiongozi wa Mahakama Kuu Mheshimiwa Frednand Wambali (wa nne kulia) akiwa katika picha ya pamoja na wajumbe wa kikao cha Menejimenti ya Mahakama ya Tanzania Makao Makuu mara baada ya kufungua Mkutano kuhusu Mpango Mkakati wa Mahakama hiyo leo mjini Dodoma 

 Jaji Kiongozi wa Mahakama Kuu Mheshimiwa Frednand Wambali akisaini kitabu cha wageni alipotembelea ofisi ya Jaji Mfawidhi wa Mahakama Kuu Kanda ya Dodoma leo mkoani humo 

WATUMISHI WA MAHAKAMA WATAKIWA KUFUATA MAADILI

Jaji Kiongozi wa Mahakama Kuu Mheshimiwa Ferdinand Wambali amewataka watumishi wa Mahakama nchini kufanya kazi kwa kufuata maadili na misingi ya haki ili wananchi waweze kujenga imani kwa mhimili wa Mahakama pamoja na wadau wengine wa utoaji wa haki.

Akifungua Mkutano unaoandaa Mpango Mkakati wa Mahakama ya Tanzania leo mjini Dodoma, Jaji Kiongozi alisema iwapo watumishi wa mahakama watafanya kazi kwa bidii na kwa kufuata maadili na misingi ya haki, mahakama itaaminika zaidi kwa wananchi. 

Akizungumzia suala la maadili kwa Majaji na Mahakimu wa mahakama zote nchini, Mheshimiwa Wambali alisema maadili kwa watumishi hao hayaishii mahakamani peke yake bali yanaende hata nje ya Mahakama hivyo aliwataka watumishi hao kuishi kwa kufuata maadili mema mbele ya jamii inayowazunguka.

Alisema suala la imani ya wananchi kwa Mahakama ya Tanzania ni moyo wa mhimili huo wa utaoji wa haki nchini hivyo wakati wote chombo hicho kinapaswa kuwa na muonekano chanya. 

Akizungumzia Mkutano kuhusu Mpango Mkakati wa Mahakama ya Tanzania, Mtendaji wa Mahakama ya Biashara, Willy Machuma aliwaambia waandishi wa habari kuwa lengo la Mkutano huo uliojumuisha pia wadau wa utoaji haki nchini ni kukaa pamoja na kupanga namna ya kuutekeleza mpango Mkakati ili kuhakikisha wananchi wanapata haki kwa wakati na mahakama kuwa na muonekano chanya mbele ya wananchi.

Mkutano huo wa siku kumi ulioandaliwa na Mahakama ya Tanzania unahudhuriwa na washiriki zaidi ya 132 kutoka maeneo mbalimbali nchini wakiwemo Mahakimu wafawidhi wa mikoa na wilaya, wasajili wa Mahakama, watendaji wa Mahakama, na wadau wa utoaji wa haki nchini.