MKUU WA JESHI LA POLISI WA MALAWI AMEIPONGEZA TANZANIA KWA KUKABILIANA NA MAUAJI YA ALBINO.

Mkuu wa Jeshi la Polisi la Malawi, Lexten Kachama, (aliyevaa suti) akiangalia Mpango Mkakati ya Utendaji kazi wa mwaka 2015/2016 hadi 2019/2020.Kushoto  Naibu Msajili  Mwandamizi Mahakama Kuu , Mhe. Eva Nkya kwenye Maonyesho ya  40 ya Biashara ya Kimataifa  yanayoendelea katika viwanja vya Mwl.J.K. Nyerere jijini Dar es Salaam , barabara ya Kilwa.

Mkuu wa Jeshi la Polisi la Malawi, Lexten Kachama ameipongeza nchi ya Tanzania kwa juhudi zake za kupambana na mauaji ya albino (watu wenye ulemavu wa ngozi).

Aidha Mkuu huyo amesema Tanzania imefurahishwa na uhusiano mzuri  wa utendaji kazi kati ya  Mahakama ya Tanzania  na Jeshi la Polisi,ambao umerahisisha usikilizaji wa kesi mbalimbali, zikiwemo za albino kwa wakati.

Kauli hiyo imetolewa leo na Mkuu huyo mara baada ya kutembelea banda la Mahakama  ya Tanzania kwenye Maonyesho ya  40 ya Biashara ya Kimataifa  yanayoendelea katika viwanja vya Mwl.J.K. Nyerere jijini Dar es Salaam , barabara ya  Kilwa.

Aidha Kachama amesema ametembelea banda la Mahakama ya Tanzania, kwa sababu utendaji kazi wa  Mahakama na Jeshi la Polisi ni wa Ushirikiano.

“Tanzania ni nchi ambayo imefanya vizuri kutokana na jitihada zake za  kupambana   vita dhidi ya mauaji ya albino.  Nimeshuhudia kuhusu  takwimu kesi za mauaji ya kesi  mbalimbali, zikiwemo zinazohusu albino.

 Hii inaonyesha ni jinsi gani kati ya Mahakama na Jeshi  la  Polisi walivyo na uhusiano  mzuri wa utendaji kazi,” alisema IGP Kachama,huku akisisitiza kwamba  uhusiano huo unapaswa kuendelea  kuendelezwa.

Mkuu huyo aliongeza kwamba Tanzania ni nchi ya mfano wa kuigwa katika husiano huo, ingawa zipo nchi nyingine zinafanya vizuri pia.

Alisema viongozi wa nchi hizo mbili, Rais  wa Malawi, Arthur Peter Mutharika na Rais wa Jamhuri ya Muungano wa Tanzania, Dkt. John Pombe Magufuli pia wanamahusiano mazuri. Hivyo uhusiano huo umewaweka Wamalawi na Watanzania pamoja.

“Nimefurahi kutembelea Tanzania, ni nyumbani, pia nimefurahishwa na maonyesho mazuri, pia  niwashukuru  Watanzania  kwa  ukarimu wao,” alisema IGP huyo, huku akiwatakia waendelee kuishi kwa amani.

Mkuu wa Jeshi la Polisi la Malawi, Lexten Kachama, (aliyevaa suti mrefu) akipata maelezo katika banda la Mahakama ya Rufani  kwenye Maonyesho ya  40 ya Biashara ya Kimataifa  yanayoendelea katika viwanja vya Mwl.J.K. Nyerere jijini Dar es Salaam , barabara ya Kilwa.Kulia ni Naibu Msajili, Mahakama ya Rufani, Mhe. Eddie Fussi.