HATIMAYE, MAHAKAMA YA KIBAHA YAANZA KUTUMIA JENGO LAKE JIPYA

Pichani ni Muonekano wa jengo jipya la Mahakama ya Hakimu Mkazi na Wilaya-Kibaha, jengo hili lilijengwa kwa kutumia teknolojia ya MOLADI TANZANIA.

Mahakama ya Hakimu Mkazi na Wilaya Kibaha mkoani Pwani imeanza rasmi kufanya shughuli zake katika jengo jipya lililopo barabara ya Magereza eneo la Mkoani, Kibaha-Pwani.

Mwandishi wa habari hii ameshuhudia shughuli za Kimahakama zikiendelea katika jengo hilo jipya lililopo barabara ya Magereza eneo la mkoani, Kibaha-Pwani.

Akizungumza na Mwandishi wa habari hizi Hakimu Mkazi Mfwaidhi wa Mahakama ya Hakimu Mkazi- Pwani, Mhe. Elizabeth Nyembele ameipongeza Serikali na Mahakama kwa ujumla kwa kufanikisha ujenzi wa jengo hilo ambalo limekuwa ni msaada mkubwa kwa Mahakama.

“Jengo hili ni kubwa na la kisasa zaidi, tunafurahi sana kuwepo katika jengo hili” alisema Mhe. Elizabeth Nyembele.

Vilevile amewaomba wananchi wanaotaka kupata huduma za Kimahakama kufika katika jengo hilo jipya ili kupata huduma hizo kwani limeshaanza kufanya kazi.

Nae Kaimu Mtendaji wa Mahakama ya Hakimu Mkazi- Pwani, Bi. Stumai Hozza ametoa pongezi zake kwa Serikali na uongozi wa Mahakama kwa ujumla kwa kufanikisha ujenzi wa jengo hilo.

“Tunaiomba Serikali iwafikirie na mikoa mingine ili nao waweze kupatiwa jengo kubwa na zuri kama hili,” alisema Bi. Stumai Hozza.

Jengo hili la Mahakama ya Hakimu Mkazi na Wilaya Kibaha na Mradi wa Maboresho wa Huduma za Mahakama  pamoja na Mpango Mkakati wa miaka mitano wa Mahakama ya Tanzania, vilizinduliwa rasmi na Waziri wa Jamhuri ya Muungano wa Tanzania, Mhe. Kassim Majaliwa, Septemba, 21, 2016.