WASHIRIKI WA MAFUNZO YA UTUNZAJI KUMBUKUMBU KWA NJIA ZA KIELEKTRONIKI WAPEWA MADA JUU ‘MAPITIO YA JUMLA JUU YA UTUNZAJI WA KUMBUKUMBU KWA NJIA YA KIELEKTRONIKI

Mwezeshaji- kutoka Chuo cha Uongozi wa Mahakama- Lushoto (IJA), Bw. Amos Kinyonyi mwenye shati jeupe akitoa mada mapema leo juu ya Mapitio ya jumla kuhusu Utunzaji wa kumbukumbu kwa njia ya kielektroniki ‘An overview of Electronic Record Keeping Management.’ kwa washiriki wa Mafunzo hayo ya siku 10 yanayoshirikisha Maafisa TEHAMA na Wasaidizi wa Kumbukumbu 51 kutoka Kanda mbalimbali za Mahakama nchini.

Baadhi ya Washiriki wa Mafunzo hayo wakimsikiliza Mtoa mada.

Baadhi ya Washiriki wa Mafunzo wakiwa katika majadiliano ya kikundi mara baada ya kupatiwa somo la Mapitio ya jumla juu ya Utunzaji wa Kumbukumbu kwa njia ya Kielektroniki.

Msaidizi wa Kumbukumbu kutoka Mahakama ya Rufani (T), Bw. Felician Assunga akichangia jambo katika mafunzo hayo.

Afisa TEHAMA kutoka, Mahakama Kuu, Divisheni ya Kazi, Bw. Ally Daudi akichangia jambo wakati wa Mafunzo hayo.

Msaidizi wa Kumbukumbu kutoka Mahakama ya Wilaya Nyamagana- Mwanza, Bi. Evodia Kakwezi akiwasilisha mbele ya washiriki wenzie (hawapo pichani). 

Afisa TEHAMA, Bi. Stella Matulile akifafanua jambo mbele ya Washiriki wa Mafunzo ya Utunzaji wa kumbukumbu kwa njia ya Kielektroniki.

Mafunzo haya yaliyoanza Januari 03, 2017 na yanayotarajiwa kumalizika tarehe. 13.01.2017 ni muendelezo wa mafunzo kwa Wasaidizi wa kumbukumbu (RMAs) yaliyokwishafanyika mkoani Dodoma chini ya Mradi wa Mapambano dhidi ya Rushwa ‘STACA,’ ambapo kwa sasa mafunzo haya yatatilia mkazo juu ya utunzaji wa kisasa wa nyaraka na kumbukumbu za Mahakama ikiwemo matumizi ya vitendo vya kutumia mfumo wa Kielektroniki katika kutunza na kushughulikia kumbukumbu hizo kwa ujumla. (Picha na Mary Gwera, Lushoto)