Majaji na Mahakimu wa nchi Wanachama wa Jumuiya ya Madola wameshauriwa kukabiliana na changamoto wanazokumbana nazo katika utendaji kazi ikiwemo suala la mlundikano wa kesi, maadili na rasilimali fedha, watu na maadili.
Kauli hiyo ilitolewa na Waziri wa Katiba, Sheria, Utumishi wa
Umma na Utawala Bora-Zanzibar, Mhe. Haroun Ali Suuleiman kwa niaba ya Rais wa
Serikali ya Mapinduzi-Zanzibar, Mhe. Dkt. Ali Mohamed Shein kwa niaba ya Rais
wa Zanzibar, Mhe. Dr. Ali Mohamed Shein Septemba 27, wakati akifunga
mkutano Mkuu wa Chama cha Majaji na Mahakimu wa Jumuiya ya Nchi za Madola,
uliofanyika katika Ukumbi wa Mkutano wa Benki Kuu ya Tanzania (BOT), uliopo
jijini Dar es Salaam.
“Nchi za Afrika zinatakiwa kuungana pamoja katika
kukabiliana na changamoto za vitendo vya kigaidi, ikiwemo biashara ya
usafirishaji wa binadamu na dawa za kulevya,” alisema Mhe. Ali.
Aidha Waziri huyo,aliongeza kwamba, Majaji na Mahakimu
wanatakiwa kufuatilia maadili ya taaluma zao na kufuata sheria ,
ili kuweza kuendelea kujenga imani kwa wananchi.
Waziri huyo, alifafanua kwamba kukabiliana na tatizo la
ucheleweshaji kesi na kuhakikisha Watumishi wa Mahakama
wanawajibika ipasavyo katika kutekeleza majukumu yao.
Kwa upande wake, Rais wa Chama na Majaji na Mahakimu Tanzania
(JMAT), Mhe. Jaji Ignas Kitusi amesema kuwa katika mkutano huo wamekubaliana
kuwa Majaji na Mahakimu wa nchi hizo za Jumuiya ya Madola waendelee kufanya
kazi kwa kuzingatia maadili na miiko ya kanuni zao za ufanyaji kazi ili
kutekeleza jukumu la msingi la utoaji haki kwa wananchi.
"Katika Mkutano huu, tumejadiliana masuala mbalimbali
jinsi ya kusikiliza kesi kwa namna moja, pamoja na hilo pia tumekubaliana
kuuendelea kutekeleza jukumu la utoaji haki kwa kuzingatia miiko na maadili ya
kazi yetu," alisema Mhe. Kitusi.
Wajumbe wa mkutano huo, Septemba 28, wanatarajia kutembelea,
Bagamoyo na Zanzibar kwa ajili ya kuangalia vivutio mbalimbali vya
Tanzania.
Kwa upande wake Rais wa chama hicho, Mhe. Ignas Kitusi alisema
mkutano mwingine, utafanyika mwakani nchini Australia.
Jumla ya Majaji Wakuu 13, walihudhuria mkutano huo,
miongoni mwa mada zilizojadiliwa katika mkutano huo.
Mkutano huo unahudhuriwa na jumla ya Majaji wakuu kumi na
tatu (13) kutoka nchi za Papua New Guinea, Jersey, Guyana, Uganda, Malawi,
Turks Caicos Islands, Swaziland, Lesotho, Zanzibar, Tanzania, Msumbiji, Kenya
na Namibia.
Mkutano huo pia ulihudhuriwa na watu mashuhuri sita ambao ni
Marais na Majaji waandamizi wa Mahakama za juu na Rufaa kutoka nchi za
Australia, Afrika Mashariki, Pakistan na Zambia. Washiriki wengine ni Mahakimu
na Majaji kutoka nchi mbalimbali za Jumuiya ya Madola.
Aidha, mkutano huu ulikuwa wa kihistoria hapa nchini kwa kuwa
Tanzania imekuwa mwenyeji kwa mara ya kwanza tangu kuanzishwa kwa umoja huo wa
Majaji na Mahakimu mwaka 1970. Katika bara la Afrika mkutano huu unafanyika kwa
mara ya pili.
Waziri
wa Katiba , Sheria, Utumishi wa Umma na Utawala Bora-Zanzibar, Mhe. Haroun Ali Suleiman akifunga Mkuu wa
Chama cha Majaji na Mahakimu wa Nchi Wanachama wa Jumuiya ya Madola (CMJA), kulia ni Jaji Mkuu wa Tanzania, Mhe. Prof. Ibrahim Juma, Mkutano huo uliofanyika katika Ukumbi wa Mikutano wa Benki Kuu ya Tanzania ulifungwa rasmi Septemba 27, 2017.
Baadhi ya Washiriki wa Mkutano huo wakimsikiliza Mgeni rasmi (hayupo pichani), wa tatu kulia ni Jaji wa Mahakama Kuu-Divisheni ya Ardhi, Mhe. Sophia Wambura na katikati ni Mhe. Winifrida Korosso, Jaji wa Mahakama Kuu-Divisheni ya Makosa ya Rushwa na Uhujumu Uchumi.
Mgeni rasmi akiendelea kutoa hotuba yake katika Mkutano huo.
Washiriki wakimsikiliza kwa umakini.
Rais wa CMJA (kushoto) akimpongeza Mgeni rasmi mara baada ya kuwasilisha hotuba yake ya kufunga Mkutano wa Chama cha Majaji na Mahakimu wa Nchi Wanachama wa Jumuiya ya Madola.
Rais wa Chama cha Majaji na Mahakimu wa Nchi Wanachama wa Jumuiya ya Madola, Mhe. Jaji John Lowndes akitoa neno katika Mkutano huo.
(Picha na Mary Gwera)
Hakuna maoni:
Chapisha Maoni