TANGAZO

JAMHURI YA MUUNGANO WA TANZANIA

MAHAKAMA YA TANZANIA

TANGAZO KWA UMMA.

MAHAKAMA YA TANZANIA ITASHIRIKI KATIKA MAONESHO YA 42 YA BIASHARA YA KIMATAIFA YAANI ‘SABASABA’, YATAKAYOANZA RASMI TAREHE 28.06.2018 HADI TAREHE 08.07.2018.

JE, UMEDHULUMIWA NA KUPORWA HAKI YAKO?

JE, UNA MATATIZO YANAYOKUNYIMA HAKI YAKO YA MIRATHI?

JE, UNAHITAJI NAKALA YA HUKUMU YAKO NA HUJAIPATA?

JE, UNATAKA KUFAHAMU NA KUELIMISHWA ZAIDI KUHUSU MAHAKAMA YA TANZANIA?

TEMBELEA BANDA LA MAHAKAMA YA TANZANIA

KATIKA MAONESHO HAYA, MAHAKAMA YA TANZANIA INAKUSUDIA KUTOA HUDUMA MBALIMBALI KWA WANANCHI, NA ITATOA ELIMU JUU YA

·        TARATIBU MBALIMBALI ZA KIMAHAKAMA,

·        MATUMIZI YA TEHAMA MAHAKAMANI,

·        UTHIBITISHAJI NA UTIAJI SAHIHI WA NYARAKA MBALIMBALI

·        MASUALA YA MIRATHI, ARDHI, KAZI, BIASHARA, MAKOSA YA RUSHWA NA UHUJUMU UCHUMI

·        PAMOJA NA KUSIKILIZA NA KUTOLEA SULUHU MALALAMIKO YA WANANCHI WATAKAOPATA FURSA YA KUTEMBELEA BANDA LA MAHAKAMA.

HUDUMA HIZO ZITATOLEWA KWENYE BANDA LA MAHAKAMA, LINALOPATIKANA MKABALA NA BANDA LA JKT LILILOPO KATIKA VIWANJA VYA MAONESHO VYA MWALIMU NYERERE, BARABARA YA KILWA, JIJINI DAR ES SALAAM.

EWE MWANANCHI, KARIBU UPATE HUDUMA NA ELIMU YA SHERIA PAMOJA NA KUTOA MAONI YAKO YATAKAYOCHANGIA KATIKA KUBORESHA HUDUMA YA UTOAJI HAKI NCHINI.

NYOTE MNAKARIBISHWA.

IMETOLEWA NA;

KITENGO CHA HABARI, ELIMU NA MAWASILIANO,

MAHAKAMA YA TANZANIA.