JAJI MKUU AWAAPISHA MAHAKIMU WAPYA

Jaji Mkuu wa Tanzania,Mhe. Profesa Ibrahim Hamis Juma akizungumza na baadhi ya mahakimu  wapya mara baada ya kuwaapisha.Tukio hilo limefanyika leo kwenye ukumbi wa Mahakama Kuu, jijini Dar es Salaam. Kulia ni Msajili Mkuu wa Mahakama ya Tanzania,Mhe. Katarina Revocati na kushoto ni Jaji Kiongozi wa Mahakama Kuu yaTanzania,Mhe.  Eliezer  Feleshi. 

Baadhi ya Mahakimu wapya  wakiapa kiapo cha kutekeleza majukumu yao ya kazi mbele  ya  Jaji Mkuu wa Tanzania  na  viongozi wengine wa Mahakama.

Baadhi ya Mahakimu wapya  wakiapa kiapo cha kutekeleza majukumu yao ya kazi mbele  ya  Jaji Mkuu wa Tanzania  na  viongozi wengine wa Mahakama.

Baadhi ya mahakimu wapya wakitia saini viapo vyao.

Jaji Mkuu wa Tanzania, Mhe. Profesa Ibrahim Hamis Juma (katikati) akiwa katika picha ya pamoja na viongozi  wengine wa Mahakama  ya Tanzania na  baadhi ya mahakimu  walioapishwa leo kwenye ukumbi wa Mahakama Kuu.

Jaji Mkuu wa Tanzania, Mhe. Profesa Ibrahim Hamis Juma (katikati) akiwa katika picha ya pamoja na viongozi  wengine wa Mahakama  ya Tanzania . 

Jaji Kiongozi, Mahakama Kuu ya Tanzania, Mhe. Dkt. Eliezer  Feleshi akizungumza jambo na baadhi ya mahakimu wapya walioapishwa leo kwenye hafla iliyofanyika katika ukumbi wa Mahakama Kuu Jijini Dar  es Salaam, kushoto ni Mtendaji wa Mahakama Kuu ya Tanzania, Bw. Leonard  Magacha na kulia  ni Naibu Msajili Mwandamizi Mahakama Kuu Masijala Kuu, Messeka Chaba.

Na Magreth Kinabo

Jaji Mkuu wa Tanzania,Mhe .Profesa Ibrahim Juma amewataka mahakimu wapya wasiwe chanzo cha ucheleweshaji  wa mashauri.

Aidha  amewataka  pia  kuacha kulalamika bali pale linapotokea matatizo, bali wawe chachu ya kuyatafutia   ufumbuzi katika utendaji wao wa kazi wa kutoa  huduma  za haki kwa wananchi.

Kauli hiyo imetolewa leo na Jaji Mkuu huyo wakati akiwaapisha Mahakimu  wapya  kwenye hafla iliyofanyika katika ukumbi wa Mahakama Kuu jijini Dar es Salaam.

“ Kiapo mlichoapa ni uzito muda wote mtakaofanya kazi  ya kuwatumikia 

wananchi,  wananchi wanataka kutatuliwa kwa malalamiko yao kwa haraka,”alisema Jaji Mkuu. 

Aliongeza kwamba  mfumo wa sasa sio  wa kukaa na kulalamika, kama kuna tatizo litafutiwe ufumbuzi na kuepuka kuwa   chanzo cha ulalamishi.

Alisema  mahakimu hao  wanapaswa kuwa weledi  wanapotoa huduma za utoaji haki ili waweze kutoa hukumu zinazoeleweka kwa kujibu wa sheria na kanuni.  Hivyo wanapaswa kushirikiana na wadau wengine wa mahakama  ili kuahakikisha hukumu zinatoka kwa haraka.

Alisisitiza  mahakimu  hao kwamba kufanya kazi kwa kuepuka rushwa na kwa nidhamu.

Jaji Mkuu huyo  alifafanua kuwa changamoto za majengo chakavu na umbali , visikwamishe  utendaji kazi  wao, hivyo   mahakama iko katika Mpango Mkakati wa Miaka Mitano   ambao unalenga kutoa huduma  za haki kwa wote   na   wakati, ikiwemo  kuboresha miundombinu.

Aliwataka mahakimu hao kuielewa taasisi inayofanyakazi na mpango mkakati huo.