MAAFISA TEHAMA WA MAHAKAMA WAWEKA MIKAKATI YA KUBORESHA UTENDAJI WAO

Na Angel Meela-Mahakama Kuu kanda ya Moshi

 Maafisa TEHAMA wa Mahakama ya Tanzania kutoka maeneo mbalimbali nchini wamekutana kwa siku mbili mjini Morogoro kwa lengo la kuweka mikakati ya kuboresha Utendaji kazi ndani ya Mahakama.

Katika Mkutano huo wa mwaka unaoongozwa na Mkurugenzi wa Tehama wa Mahakama ya Tanzania Bw. Kelege Enock, umewapa nafasi ya kukutana na kuweka mikakati ya pamoja na kujadiliana masuala mbalimbali yanayohusu utekelezaji wa kazi zao ikiwemo namna bora ya kuiwezesaha Mahakama ya Tanzania kufanya shughuli zake kwa kutumia Teknolojia ya habari na Mawasiliano.

 Akifungua Mkutano huo, Mkurugenzi Msaidizi Bw Machumu Essaba aliwataka Maafisa hao kutumia huo kufahamu na kufanyia kazi mpango mkakati wa Mahakama na kujadili rasimu ya sera ya ICT Mahakamani.

 Bw. Essaba alitumia nafasi hiyo kumtambulisha na kumkaribisha Mkurugenzi mpya wa Tehama ambapo naye aliwasisitiza Maafisa hao kuelewa majukumu waliyonayo na kupanga mikakati ya kutekeleza majukumu yao kikamilifu.

 Bw. Kelege alisema kuwa kila mmoja ana maeneo anayoweza kuyafanyia kazi  vizuri zaidi kuliko maeneo mengine hivyo kuwataka washirikiane na kubadilishana uzoefdu walionao ili kuhakikisha wanasonga mbele katika majukumu yao.

   Mkurugenzi wa Tehama wa Mahakama ya Tanzania Bw. Kelege Enock akizungumza na Maafisa Tehama wa Mahakama ya Tanzania (hawapo) pichani)wakati wa Mkutano wao wa Mwaka unaoendelea mjini Morogoro.

   Mkurugenzi Msaidizi wa Tehama wa Mahakama ya Tanzania Bw. Machumu Essaba akifungua mkutano wa mwaka wa Maafisa wa Tehama mjini Morogoro.

  Maafisa Tehama wakiwa Mkutanoni.

Maafisa Tehama wakiwa Mkutanoni.