MAHAKAMA KANDA YA MWANZA YAZINDUA ZOEZI LA UTOAJI ELIMU KWA UMMA KWA WANANCHI WANAOTAFUTA HUDUMA YA HAKI KATIKA KANDA HIYO

Jaji Mfawidhi wa Mahakama Kuu Kanda ya Mwanza, Mhe. Sam M. Rumanyika akizindua zoezi la utoaji wa elimu kwa umma katika Viwanja vya Mahakama Kuu Mwanza. Zoezi hilo lilifanyika mwishoni mwa wiki kuanzia saa 2:30 - 3:00 asubuhi kwa ngazi zote za Mahakama za Kanda ya Mwanza ( Mwanza, Mara na Geita). 

Aidha uzinduzi umeambatana na kampeni ya Kanda ambayo ni "MPE RAHA MTEJA MAHAKAMA ING'ARE" na mada iliyotolewa ni Haki na Masharti ya Dhamana. Zoezi hili ni endelevu na litakuwa linafanyika kila siku ya Alhamisi saa 2:30 - 3:00 asubuhi kwa Mahakama zote za Kanda ya Mwanza.

 Wananchi wakimsikiliza Mhe. Jaji Mfawidhi (hayupo pichani).

 Hakimu Mkazi Mfawidhi wa Mahakama ya Mkoa Mwanza, Mhe. Rhoda Ngimilanga akitoa elimu kwa wananchi.