MAHAKAMA YA HAKIMU MKAZI KIGOMA YAFANYA KIKAO NA WADAU CHA KUSUKUMA MASHAURI.

Na Festo Sanga, Mahakama ya Mkoa-Kigoma

Mahakama ya Hakimu mkazi Kigoma imeendelea kuratibu vikao vya mashauriano na wadau (case flow management) kwa kuwashirikisha katika shughuli za uondoshaji wa mashauri  ikiwa ni utekelezaji wa mpango mkakati wa mahakama(2015/16-2019/20) nguzo ya pili  Unaolenga kuwezesha upatikanaji na utoaji wa haki kwa wakati. 

Akifungua kikao hicho kilichoketi mwishoni mwa wiki Agosti 17, 2018, Hakimu Mkazi Mfawidhi wa Mahakama ya Hakimu Mkazi Kigoma, Mhe. Flora Mtarania ambaye ni mwenyekiti wa kikao hicho alisisitiza kuwa Vikao hivi vinasaidia kwa kiasi kikubwa kuchambua na kubaini changamoto mbalimbali.

“Vikao hivi vinasaidia kwa pamoja kubuni mikakati ya kukabiliana na changamoto husika na hivyo kuongeza kasi ya uondoshaji wa mashauri kuelekea lengo la sifuri tatu (zero case, zero backlog na zero complaints),” alisema Mhe. Mtarania. 

Aidha amesisitiza kuwa, wadau wa Mahakama wanapaswa kufanya kazi kwa ushirikiano ili kuwezesha matokeo chanya ya utekelezaji wa Mpango Mkakati.

Hata hivyo wajumbe waliohudhuria kwa pamoja waliazimia kutoa ushirikiano katika kuhakikisha kuwa shughuli za Mahakama hazikwami.

Hakimu Mkazi Mfawidhi wa Mahakama ya Hakimu Mkazi Kigoma, Mhe. Flora Mtarania (kulia), akifafanua jambo katika kikao cha kusukuma mashauri.

Hakimu Mkazi Mfawidhi wa Mahakama ya Wilaya Kibondo, Mhe. Fadhili Mbelwa akichangia mada katika kikao kilichoketi mapema Agosti 17, 2018.

Wajumbe wa kikao cha kusukuma mashauri wakifuatilia na kusikiliza moja ya agenda zilizowasilishwa katika kikao hicho.

Picha ya pamoja ya wajumbe wa kikao cha kusukuma mashauri mara baada ya kikao kumalizika.

(Picha na Festo Sanga, Mahakama ya Hakimu Mkazi Kigoma)