JAJI MFAWIDHI WA MAHAKAMA MAKOSA YA RUSHWA NA UHUJUMU UCHUMI MHE. KOROSSO ATAKA UPELELEZI UFANYIKE KWA HARAKA

 Na Magreth Kinabo

Jaji Mfawidhi wa Mahakama  ya Makosa ya Rushwa na Uhujumu Uchumi,Mhe. Winfrida Korosso amewataka  wadau wa  jinai  wa mahakama hiyo kuharakisha upelelezi ili kesi  za rushwa na uhujumu uchumi zisichukue muda mrefu .

Kauli hiyo imetolewa leo na Jaji huyo, wakati akifungua kikao cha wadau wa jinai wa Mahakama Kuu Divisheni ya Makosa ya  Rushwa na Uhujumu Uchumi, lengo la kikao hicho ni kufanya tathimini  utendaji wa mahakama hiyo tangu ilipoanzishwa.

 "Upelelezi  wa mashauri ya uhujumu  uchumi  kuchukua muda mrefu, na hivyo kusababisha mlundikano wa mashauri wa   katika Mahakama  za Hakimu Mkazi na Wilaya, ikiwa upelelezi huo utafanyika  kwa haraka  kesi hizo zitasikilizwa kwa wakati,” alisema Mhe. Korosso.

Jaji Korroso aliongeza kwamba   elimu  itolewe ili  kukabiliana na  changamoto  uelewa mdogo  wa sheria ya uhujumu uchumi kwa wadau  hasa baada ya mabadiliko  yaliyopelekea  kuanzishwa Divisheni . Hali  hii imesababisha    mashauri ya  uhujumu  uchumi   kuondoshwa Mahakamani  kwa kutokidhi vigezo wakati  wa usajili na wakati wa usikilizaji wa maombi ya dhamana.

Aidha  Mhe .Korosso. alisema  kuna umuhimu wa elimu kutolewa kuhusu Sheria ya Udhibiti wa Madawa ya kulevya baada ya kufanyiwa marekebisho mwaka 2017. Marekebisho yaliyofanyika yameathili vifungu vingi  vya sheria  hiyo.

Mhe. Korosso aliomba ushirikiano  kutoka kwa wadau wa mahakama hiyo ili kuiwezesha kutimiza majukumu yake kwa wakati.Pia alizitaka taasisi nyingine kuwezeshwa kirasilimali watu na fedha.

Akizungumzia kuhusu utendaji kazi wa mahakama hiyo, Naibu Msajili wa Mahakama Kuu –Divisheni ya Rushwa na Uhujumu Uchumi, Mhe. Charles   Magesa alisema  imesajili  kesi  za maombi ya dhamana 311 nchi nzima tangu Julai 2017 hadi sasa na wamesikiliza 270 na  zimeshatolewa maamuzi.

Kwa upande wa Uhujumu uchumi kesi zilizosajiliwa  ni 29, kati ya hizo zilizomalizika ni saba na 22 bado zinaendelea.

Jaji Mfawidhi wa Mahakama  Kuu Divisheni ya  Makosa ya Rushwa na Uhujumu Uchumi, Mhe. Winfrida Korosso akizungumza jambo wakati wa kikao cha wadau wa jinai Mahakama Kuu Divisheni ya Makosa ya  Rushwa na Uhujumu Uchumi,

Jaji Mfawidhi wa Mahakama  Kuu Divisheni ya  Makosa ya Rushwa na Uhujumu Uchumi,Mhe. Winfrida Korosso akizungumza jambo wakati wa kikao cha wadau wa jinai Mahakama Kuu Divisheni ya Makosa ya  Rushwa na Uhujumu Uchumi.