MAJAJI WASTAAFU MAHAKAMA KUU-DIVISHENI YA ARDHI WAAGWA KITAALUMA-JAJI KIONGOZI AONGOZA HAFLA HIYO

Na Mary Gwera, Mahakama

Mahakama ya Tanzania imesema inathamini mchango wa Majaji na Watumishi wengine wa Mhimili huo wanaomaliza muda wao wa Utumishi kwa mujibu wa Sheria.

Akizungumza na Vyombo vya Habari baada ya kuwaaga rasmi Majaji Wastaafu wa Mahakama Kuu, Divisheni ya Ardhi, mapema Oktoba 19,Jaji Kiongozi, Mahakama Kuu ya Tanzania, Mhe. Dkt. Eliezer Feleshi alisema kwa kuzingatia umuhimu huo Mahakama ina utaratibu maalum wa kuwaaga kitaaluma.

“Mahakama ya Tanzania inaendelea kujenga umoja, kwa kutambua hili tunatambua kazi nzuri waliofanya Wastaafu na kuthamini mchango wao katika  jukumu zima la utoaji haki nchini,” alisema Mhe. Jaji Kiongozi.

Aidha; Mhe. Jaji Kiongozi aliongeza kwa kutoa wito kwa Wananchi kuiamini Mahakama kwani ipo kuhakikisha inawahudumia kwa kutoa haki kwa mujibu wa sheria.

Kwa upande wake, mmoja wa Majaji Wastaafu, Mahakama Kuu-Divisheni ya Ardhi, Mhe. Agathon Nchimbi aliwaasa Majaji na Watumishi wote wa Mahakama kwa ujumla kufanya kazi kwa bidii na kwa uadilifu.

“Namshukuru Mwenyezi Mungu, kwa kunipa nafasi ya kuitumikia Mahakama katika jukumu zito na nyeti la utoaji haki, wito wangu kwa Watumishi wenzangu waliobaki ni kutekeleza majukumu yao kwa uadilifu,” alisisitiza, Mhe. Jaji Mstaafu Nchimbi.

Mbali na Mhe. Nchimbi, Jaji Mstaafu mwingine aliyeagwa katika hafla hiyo ni Mhe. Jaji Gad Mjemmas, Majaji wengine ambao wamestaafu kutoka Mahakama Kuu, Divisheni ya Ardhi ni pamoja na Mhe. Jaji Projest Rugazia na Mhe. Jaji Fredrica Mgaya.

Hafla hiyo iliyofanyika katika Ukumbi namba moja (1) wa Mahakama Kuu, Kanda ya Dar es Salaam ilihudhuriwa na wageni kadhaa ikiwa ni pamoja na Mwakilishi kutoka Ofisi ya Mwanasheria Mkuu wa Serikali na Chama cha Wanasheria Tanganyika (TLS), Manaibu Wasajili, Watendaji na baadhi ya Watumishi wa Mahakama.

 Jaji Kiongozi, Mahakama Kuu ya Tanzania, Mhe. Dkt. Eliezer Feleshi (katikati) akiwa katika hafla ya kuwaaga rasmi Kitaaluma Majaji Wastaafu wa Mahakama Kuu, Divisheni ya Ardhi, kulia ni Jaji Mstaafu wa Mahakama Kuu, Divisheni ya Ardhi, Mhe. Gad Mjemmas.

Pichani ni sehemu ya Wahe. Majaji wa Mahakama Kuu, Dar es Salaam waliojumuika pamoja na Mhe. Jaji Kiongozi na Watumishi na Wageni waalikwa kuwaaga rasmi Kitaaluma Majaji Wastaafu wa Mahakama Kuu, Divisheni ya Ardhi.

Pichani ni Jaji Mstaafu, Mahakama Kuu, Divisheni ya Ardhi, Mhe. Gad Mjemmas akitoa neno la shukrani katika hafla hiyo.

Naibu Msajili Mwandamizi, Mahakama Kuu, Mhe. John Chaba (kushoto) akiwa katika hafla hiyo, kulia ni Naibu Msajili, Mahakama Kuu, Kitengo cha Usuluhishi, Mhe. Saidi Ding’ohi.

Mwakilishi kutoka Ofisi ya Mwanasheria Mkuu, Bw. Mark Mlwambo akitoa neno katika hafla hiyo, kulia ni Mwakilishi kutoka Chama cha Wanasheria Tanganyika (TLS), Dkt. Rugemeleza.

Sehemu ya Maafisa wa Mahakama, Manaibu Wasajili, Watendaji pamoja na Watumishi na Wageni waalikwa waliojumuika katika hafla hiyo iliyofanyika mapema Oktoba 19,2018 katika Ukumbi namba moja (1) wa Mahakama Kuu, Kanda ya Dar es Salaam.

Pichani ni baadhi ya Waandishi wa Habari pamoja na Watumishi na Wageni waalikwa wakifuatilia kwa makini kinachojiri katika hafla hiyo.

Jaji Kiongozi, Mahakama Kuu ya Tanzania, Mhe. Dkt. Eliezer Feleshi (katikati) akiwa katika picha ya pamoja na Majaji Wastaafu na baadhi ya Majaji walioshiriki katika hafla ya kuwaaga Kitaaluma Majaji waliostaafu. Wa pili kushoto ni Jaji Mstaafu, Mhe. Agathon Nchimbi, wa pili kulia ni Jaji Mstaafu, Mhe. Gad Mjemmas, wa kwanza kulia ni Jaji wa Mahakama Kuu, Divisheni ya Ardhi, Mhe. Crencensia Makuru na wa kwanza kushoto ni Jaji Mfawidhi, Mahakama Kuu, Divisheni ya Ardhi, Mhe. Rehema Kerefu.

 Mhe. Jaji Kiongozi (katikati) akimkabidhi shada la maua, Jaji Mstaafu, Mhe. Jaji Agathon Nchimbi ikiwa ni ishara ya pongezi kwa kumaliza muda wa kazi/kustaafu salama kwa mujibu wa sheria.

Mhe. Jaji Kiongozi (katikati) akimkabidhi shada la maua, Jaji Mstaafu, Mhe. Jaji Gad Mjemmas ikiwa ni ishara ya pongezi kwa kustaafu salama, anayeshuhudia (aliyesimama nyuma mwenye miwani) ni Jaji Mfawidhi, Mahakama Kuu, Kitengo cha Usuluhishi ‘Mediation’, Mhe. Rose Teemba na kulia ni Jaji wa Mahakama Kuu, Divisheni ya Ardhi, Mhe. Crencensia Makuru. 

(Picha na Mary Gwera, Mahakama)