TIMU YA MAHAKAMA KUU TANGA YAPOKEA JEZI ZA MICHEZO KUTOKA KAMPUNI YA SARUJI TANGA (SIMBA CEMENT)

Uongozi wa kampuni ya saruji Tanga (Simba cement) umekabidhi jezi za mpira wa pete (20) na miguu (22) kwa uongozi wa Mahakama Kanda ya Tanga ikiwa ni utekelezaji wa ahadi yao waliyoitoa walipopelekewa ombi maombi hayo. 

Akikabidhi jezi hizo mwisho wa wiki, Mwanasheria wa Simba Cement Ndugu. Deogratias Mhagama, ameushukuru Uongozi wa Mahakama kwa kuwashirikisha katika kufanikisha michezo ndani ya Mahakama ikiwa ni kielelezo cha Mahakama kuwa ni sehemu ya jamii.

Akipokea jezi hizo Jaji Mfawidhi Mhe. Amiri Mruma, ameushukuru uongozi wa Simba Cement na kuwahakikishia kwamba, jezi hizo zitakuwa kichocheo cha kuhamasisha na kuimarisha Timu ya Mahakama ili iweze kuwa mshindani kwenye Mabonanza na michezo mbalimbali itakayoshiriki ndani nan je ya Kanda. 

Aidha Jaji Mruma ameupongeza Uongozi wa Simba Cement  kwa moyo wao wa uzalendo na kimichezo waliouonesha kupitia ufadhili huo ambao pia unaiweka Mahakama karibu na Wananchi.

Mwanasheria wa Simba Cement, Bw. Deogratias Mhagama (kushoto) akimkabidhi jezi, Jaji Mfawidhi, Mahakama Kuu Kanda ya Tanga, Mhe. Amiri  Mruma (kulia).

Jaji Mruma akiongea na uongozi wa Mahakama pamoja na wawakilishi wa Simba Cement.

 Uongozi wa Mahakama, Wajumbe wa Kamati ya Michezo wa Mahakama pamoja na wawakilishi wa Simba Cement waliohudhuria kwenye tukio la kukabidhi Jezi.

(Picha na Amina Ahmad, Mahakama Kuu-Tanga)