IJA, WADAU KUJA NA MUAROBAINI WA CHANGAMOTO ZA MABARAZA YA KATA NCHINI

Chuo cha Uongozi wa Mahakama (IJA)  Lushoto inaendesha Mafunzo ya siku tatu ya kuwajengea uwezo Mahakimu wa Mahakama za Mwanzo na Wajumbe wa Mabaraza ya Kata kuwajengea uwezo zaidi kiutendaji.

Akifungua rasmi mafunzo hayo mwanzoni mwa wiki hii katika Ukumbi wa Mkuu wa Mkoa wa Mwanza, Jaji Mfawidhi wa Mahakama Kuu Kanda ya Mwanza Mheshimiwa Jaji Sam Rumanyika alioneshwa kuguswa na changamoto  mbalimbali zinazokabili Mabaraza ya Kata zikiwemo ukosefu wa vitendea kazi.

Hata hivyo Jaji Mfawidhi alifarijika kwa lengo na uwepo wa Sheria ya Mabaraza ya kata ya mwaka 1985 ambayo ililenga kudumisha suluhu, udugu, utangamano na la zaidi kwa umuhimu ni kupunguza wimbi kubwa la mashauri yanayosajiliwa katika Mahakama za mwanzo nchini ambapo kitakwimu ni takriba aslimia 70% ya mashauri ya husajiliwa kila siku katika mahakama za mwanzo.

Akizungumza na waandishi wa habari, aliyekuwa Kaimu Naibu Mkuu wa Chuo Taaluma, Tafiti na Ushauri Mhe. Jaji Fahamu Mtulya alisema kuwa mafunzo haya yanalenga kuwawezesha Mahakimu wa Mahakama za Mwanzo na Wajumbe wa Mabaraza ya Kata kupata fursa ya kubadilishana uzoefu.

“Mbali na kubadilishana uzoefu Mafunzo haya pia yamelenga kuainisha changamoto katika utoaji wa haki na kuzitafuatia ufumbuzi ikiwemo kutambua mamlaka zao kwani si wote wanaofahamu,” alisema Mhe. Jaji Mtulya.

Aliyekuwa Kaimu Mkuu wa Chuo  IJA, Taaluma, Tafiti na Ushauri, Mhe. Jaji Fahamu Mtulya (aliyesimama mbele) akiongoza zoezi la kubadilishana uzoefu baina ya Mjumbe wa Baraza la Kata (kushoto) na Hakimu wa Mahakama ya Mwanzo.

Sehemu ya washiriki wakifuatilia kwa makini mafunzo hayo.

 Sehemu ya washiriki wakichangia mada katika mafunzo hayo.

Picha ya pamoja kati ya mgeni rasmi na Washiriki wa Mafunzo, (wa tano kushoto) ni Jaji Mfawidhi wa Mahakama Kuu Kanda ya Mwanza, Mhe. Jaji Sam Rumanyika.