MAHAKAMA YAANZISHA MPANGO KUWALEA WANAFUNZI KIMAADILI

Na Lydia Churi-Mahakama, Dodoma

Mahakama ya Tanzania imeanzisha mpango wa kushirikiana na vyuo na shule za sekondari katika kuwalea na kuwatambua wanafunzi wenye vipawa, tabia na maadili mema ambapo huwafuatilia na kuwafanyia tathmini ili baadaye waje  kufanya kazi na Mahakama pamoja na maeneo mengine katika sekta ya Sheria

Katika wiki ya utoaji wa elimu ya Sheria  inayoendele jijini Dodoma, wanafunzi kutoka baadhi ya vyuo vikuu na shule za sekondari nchini wanashiriki kwa kujifunza masuala ya mbambali yanayohusu sheria pamoja na taratibu za kimahakama jijini.

Akizungumza  na Wanafunzi, Waalimu na Washauri wa wanafunzi hao, kwa niaba ya Jaji Mfawidhi wa Mahakama Kuu kanda ya Dodoma, Jaji wa Mahakama Kuu ya Tanzania Mhe. Latifa Mansoor  amesema kupitia Mpango huo wa Mahakama, watumishi watakaoajiriwa na Mahakama ni wale tu wenye tabia na maadili mema na wenye uwezo uliothibitika ili waweze kutoa huduma bora hapo baadaye.

Akizungumzia utekelezaji wa mpango huo, Jaji Mansoor amesema baadhi ya mambo ambayo Mahakama inashirikiana na vyuo na shule hizo ni kuwa na mahusiano ya karibu na kuwa na fomu za ufuatiliaji wa mienendo ya maadili na taaluma za wanafunzi ambazo hujazwa na kutumwa kwa Mahakama ya Tanzania mara mbili kwa mwaka.

Aliyataja mambo mengine ya ushirikiano kuwa ni pamoja na uanzishwaji wa klabu na  utoaji wa elimu ya sheria mashuleni pamoja na mpango wa kuwazawadia fursa za masomo na zawadi nyingine wanafunzi wenye vipaji na maadili mema.  

Aidha, Jaji Mansoor pia aliwataka Waalimu na washauri wa shule hizo kuwalea  na kuhakikisha kuwa wanafunzi hao wanakuwa na ubora katika taaluma, tabia na maadili. Aliongeza kuwa wanafunzi wa vyuo hufuatiliwa na kumbulkumbu zao huhifadhiwa kwa mahitaji ya baadaye ikiwemo ajira kwa watumishi wa Mahakama na Sekta ya Sheria kwa ujumla.

Aliwataka wanafunzi hao kusoma kwa bidii na kuwa na tabia na maadili mema kwa manufaa yao na ya taifa kwa ujumla.” Tunawaalika katika maadhimisho haya ili kubadilishana uzoefu na pia mjifunze masuala mbalimbali ya sheria ili muwe na ufahamu zaidi”, alisema.    

Kufuatia Mpango huu wa ushirikiano, Mahakama ya Tanzania inatarajia kuwa na huduma zilizoimarika, watumishi kufanya kazi kwa ubora wa hali ya juu na kwa kuzingatia utawala wa sheria, na vitendo vya rushwa na ukiukwaji wa maadili kupungua.

Vyuo ambavyo mpaka sasa vimeingia kwenye ushirikiano na Mahakama ya Tanzania ni vyuo vikuu vya Dar es salaam, Mzumbe, Dodoma, Ruaha, Iringa na chuo cha Uongozi wa Mahakama Lushoto.

Shule za sekondari ni pamoja na Maua Seminari. Kisimiri, Shule ya Wavulana Ilboru, Shule ya sekondari Kilakala, Shule za Sekondari za Wavulana za Feza, Marian na Tabora. Nyingine ni Shule ya sekondari Msalato na Mazinde Juu.   

 Baadhi ya wanafunzi, Waalimu na Washauri wa wananfunzi wa Vyuo na Shule za Sekondari wakiwa tayari kuzungumza na viongozi wa Mahakama leo jjini Dodoma.

 Jaji wa Mahakama Kuu ya Tanzania kanda ya Dodoma Mhe. Latifa Mansoor akizungumza na baadhi ya wanafunzi wa Vyuo na Shule za Sekondari leo jjini Dodoma.

 Mhadhiri wa Chuo Kikuu cha Kikatoliki cha Ruaha, Justine Mlay akizungumza wakati wanafunzi wa Vyuo na Shule za Sekondari walipokutana na viongozi wa Mahakama leo jjini Dodoma.

 Mwalimu wa shule ya Sekondari ya Wavulana ya Ilboru, Eliakim Singo akizungumza wakati wanafunzi wa Vyuo na Shule za Sekondari walipokutana na viongozi wa Mahakama leo jjini Dodoma. . 

 Mkurugenzi wa Utumishi na Rasilimali Watu wa Mahakama ya Tanzania Bwn. Edward Nkembo akijibu maswali yaliyoulizwa na walimu, wanafunzi na washauri wa wanafunzi wa Vyuo na Shule za Sekondari walipokutana na viongozi wa Mahakama leo jjini Dodoma. 

 Mkurugenzi wa Ukaguzi na Huduma za Kimahakama wa Mahakama ya Tanzania Mhe. Happiness Ndesamburo akijibu maswali yaliyoulizwa na walimu, wanafunzi na washauri wa wanafunzi wa Vyuo na Shule za Sekondari walipokutana na viongozi wa Mahakama leo jjini Dodoma. 

 Hakimu Mkazi Mfawidhi wa Mahakama ya Hakimu Mkazi Dodoma Mhe. Anold Karekiano akijibu maswali yaliyoulizwa na walimu, wanafunzi na washauri wa wanafunzi wa Vyuo na Shule za Sekondari walipokutana na viongozi wa Mahakama leo jjini Dodoma. 

 Mmoja wa wanafunzi wa Shule za Sekondari akizungumza. 

 Mwanafunzi wa shule ya Sekondari Kilakala akichangia mawazo ya namna ya kuboreshwa kwa huduma za Mahakama ya Tanzania.

 Msaidizi wa Sheria wa Jaji na Kaimu Mkuu wa Maktaba wa Mahakama ya Tanzania Mhe. Kifungu Mrisho Kariho akijibu maswali yaliyoulizwa na walimu, wanafunzi na washauri wa wanafunzi wa Vyuo na Shule za Sekondari walipokutana na viongozi wa Mahakama leo jjini Dodoma.