BENKI YA DUNIA YATOA DARASA MAHAKAMA INAYOTEMBEA KATIKA JIJI LA DAR ES SALAAM

Na Aziza Muhali (SJMC)

Watumishi wa Mahakama ya Tanzania watakaofanya kazi katika Mahakama Inayootembea ‘Mobile Court’ katika jijini la Dar es Salaam, wametakiwa kuwa tayari kufanya kazi katika  mazingira mapya ya Mahama hiyo, ili kutoa huduma bora za  kimahakama. 

Akizungumza  leo  Agosti 30, mwaka huu  katika ukumbi wa kufanyia mikutano Kitengo cha Maboresho ya Huduma  za Mahakama ya Tanzania (JDU) , Mtaalam kutoka Benki ya Dunia (WB),Waleed Malik amewataka watumishi hao kufanya kazi kwa ushirikiano bila  kujali nyadhifa za utumishi wao.

Aidha  ameongeza kwa kusema kuwa si mtu mmoja atakaye husika katika utendaji kazi wa Mahakama hiyo , bali jopo la watumishi , ambapo aliwataja baadhi yao akiwemo Hakimu Mkazi Mfawidhi, Karani, Afisa Habari, Katibu Mahususi, Mtaalam wa Teknolojia ya Habari na Mawasiliano, Dereva. 

“Mnatakiwa kuwa tayari kupata taarifa za ghafla ambazo zitawataka kufanya maboresho katika utendaji kazi wenu, na namna ya kutatua matatizo ya ghafla yanayotokea katika vifaa vinavyotumika kufanyia kazi ndani ya Mahakama hii kutoa taarifa na kupokea taarifa kwa umma juu ya ufanisi wa utendaji kazi”, alisema Waleed.

Waleed alifafanua kwamba wanatakiwa kufanya kazi kwa ufanisi ili kuweza kuleta matokeo chanya juu ya Mahakama hiyo na faida kwao katika  utendaji kazi.

Aliongeza wanatakiwa kuendelea kutoa elimu na kutoa vipeperushi kuhusu Mahakama hiyo, ili wananchi wapate kuilewa na kupata huduma mbalimbali.

Mtaalamu kutoka Benki ya Dunia, Waleed Malik (watatu kushoto) akizungumza na Watumishi wa Mahakama ya Tanzania watakaofanya kazi kwenye Mahakama Inayotembea katika jiji la Dar es Salaam katika ofisi za Kitengo cha Maboresho ya Mahakma ya Tanzania (JDU). (Wa pili kushoto)ni Mtaalam kutoka Benki hiyo Deborah Isser na wa kwanza kushoto ni Mkuu wa Kitengo cha Maboresho ya Mahakama ya Tanzania(JDU), Mhe. Zahara Maruma.

Mkuu wa Kitengo cha Maboresho ya Huduma za Mahakama ya Tanzania (JDU), Mhe. Zahra Maruma (wa kwanza kushoto) akielezea jambo kuhusu baadhi ya watumishi watakaofanya kazi katika Mahakama Inayotembea kwa ujumbe kutoka Benki ya Dunia. Wajumbe ni (katikati) Deborah Isser na Waleed Malik (kulia).

Wajumbe kutoka Benki ya Dunia ukiendelea   kufanya kikao  na  watumishi hao.

Mtaalam kutoka Benki ya Dunia, Waleed Malik (wa kwanza kulia) akielezea kuhusu matumizi ya vipeperushi kama njia ya kufikisha ujumbe kwa jamii juu ya Mahakama Inayotembea.

(Picha na Aziza Muhali, SJMC)