FANYENI KAZI KWA BIDII KUWEZESHA UTOAJI HAKI-JAJI MUNISI

Na Magreth Kinabo

Jaji Mstaafu wa Mahakama Kuu ya Tanzania, Mhe. Ama – Isario Munisi amewataka Watumishi wa Mahakama Kuu ya Tanzania kufanya kazi kwa bidii ili kuwezesha upatikanaji na utoaji haki kwa wakati.

Akizungumza na Majaji wa Mahakama Kuu ya Tanzania,wakiwemo watumishi wengine wa mahakama hiyo, wakati wa hafla ya kumwuaga kitaaluma iliyofanyika leo katika ukumbi wa Mahakama Kuu, jijini Dar es Salaam, Jaji Munisi alisema kufanya kazi kwa kuzingatia maadili ndio msingi wa mafanikio katika utendaji kazi.

“Mnatakiwa kufanya kazi wa bidii ili kuweza kumaliza shughuli kwa wakati na kwa usahihi,pia mnapofanya kazi mnatakiwa kujiamini na kuaminiana,” alisema Jaji Munisi.

Aliongeza kuwa watumishi hao, wanatakiwa kuipenda kazi na kuwapenda watu wanofanya nao kazi ili kuweza kutimiza majukumu mbalimbali.

Aliwataka watumishi hao, kuwa wanapofanya kazi kwa bidii, pia wakumbuke kuwa kuna muda wa kupumzika.

Jaji Munisi alitumia nafasi hiyo,pia kumshukuru Jaji Kiongozi, Majaji wengine na watumishi aliofanya nao kazi, huku akisema kwamba amejifunza mengi kutoka kwao.

Kwa upande wake Jaji Mfawidhi wa Mahakama Kuu Kanda ya Dar es Salaam, Mhe. Beatrice Mutungi alisema Jaji Munisi aliteuliwa kuwa Jaji wa Mahakama Kuu ya Tanzania mwaka 2010, alikuwa ni mtu mbunifu katika kazi yake na aliweza kufanya kazi katika majukumu mbalimbali nchini.

Alitaja miongoni mwa majukumu hayo kutoa uzoefu wa utendaji kazi katika masuala ya sheria za makosa ya jinai na Haki za Binadamu.

Aidha Jaji Munisi aliajiriwa rasmi kuwa Wakili wa Serikali Daraja la III mwaka 1984.

Naye Mwakilishi wa Mwanasheria Mkuu wa Serikali, pia ni Wakili Mkuu wa Serikali Mhe. Ephery Sedekia, alisema kwa kipindi cha miaka tisa ya ujaji wake, Jaji Munisi ameweza kutoa mchango katika kuendeleza sheria mbalimbali, zikiwemo za madai,jinai,utawala na Katiba.

Jaji Kiongozi wa Mahakama   Kuu ya Tanzania, Mhe. Dkt. Eliezer Feleshi (katikati) akiwaongoza Majaji wa Mahakama Kuu ya Tanzania katika hafla ya kumwuaga kitaaluma, Jaji wa Mahakama Kuu ya Tanzania, Mhe. Ama – Isario Munis(kushoto), ambaye amestaafu Utumushi wa Umma kwa mujibu wa sheria leo katika hafla iliyofanyika kwenye Ukumbi wa Mahakama Kuu jijini Dar es Salaam. *(wa pili kulia) ni Jaji Mfawidhi wa Mahakama Kuu Kanda ya Dar es Salaam, Mhe. Beatrice Mutungi. 

 Jaji Mfawidhi wa Mahakama Kuu Kanda ya Dar es Salaam, Mhe. Beatrice Mutungi(wa pili kulia ) akisoma hotuba ya kumwuaga kitaaluma Jaji Mstaafu wa Mahakama Kuu ya Tanzania, Mhe. Ama – Isario Munisi (kushoto).

 Jaji Mstaafu wa Mahakama Kuu ya Tanzania, Mhe. Ama – Isario Munisi(kushoto) akitoa hotuba yake ya kustaafu Utumishi wa Umma kwa mujibu wa sheria.

 Majaji wa Mahakama Kuu ya Tanzania wakiwa katika hafla hiyo.

Baadhi ya Watumishi wa Mahakama Kuu ya Tanzania, wakifuatilia hafla hiyo.

Jaji Kiongozi wa Mahakama Kuu ya Tanzania, Mhe.Dkt.  Eliezer Feleshi(katikati) akiwa katika picha ya pamoja na Majaji wa Mahakama Kuu ya Tanzania, akiwemo Jaji Mstaafu wa Mahakama Kuu ya Tanzania, Mhe. Ama – Isario Munisi (wa pili kushoto) na kwanza kushoto ni Mhe. Iman Aboud Jaji wa Mahakama Kuu.Wa pili kulia ni Jaji Mfawidhi wa Mahakama Kuu Kanda ya Dar es Salaam, Mhe. Beatrice Mutungi na (kulia wa kwanza) ni Jaji Mfawidhi wa Mahakama Kuu Divisheni ya Kazi, Mhe. Sophia Wambura.

Jaji Kiongozi wa Mahakama Kuu ya Tanzania, Mhe.Dkt.  Eliezer Feleshi (wa pili kulia) akimpongeza Jaji Mstaafu wa Mahakama Kuu ya Tanzania,Mhe. Ama- Isario Munisi (wa pili kushoto) kwa utumishi wake.

Mtendaji wa Mahakama Kuu Kanda ya Dar es Salaam, Bw. Gaston Kanyairita(katikati) akimtunza Mwalimu na kiongozi wa kwaya ya Mahakama ya Tanzania, Hamisi Hokororo(kushoto).

Jaji Kiongozi wa Mahakama Kuu ya Tanzania, Mhe.Dkt.  Eliezer Feleshi(katikati) akiwa katika picha ya pamoja na Majaji wa Mahakama Kuu ya Tanzania, akiwemo Jaji Mstaafu wa Mahakama Kuu ya Tanzania, Mhe. Ama – Isario Munisi (wa pili kushoto) na kwanza kushoto ni Mhe. Iman Aboud Jaji wa Mahakama Kuu.Wa pili kulia ni Jaji Mfawidhi wa Mahakama Kuu Kanda ya Dar es Salaam, Mhe. Beatrice Mutungi na (kulia wa kwanza) ni Jaji Mfawidhi wa Mahakama Kuu Divisheni ya Kazi, Mhe. Sophia Wambura.Wengine Mahakimu.

Jaji Kiongozi wa Mahakama Kuu ya Tanzania, Mhe.Dkt.  Eliezer Feleshi(katikati) akiwa katika picha ya pamoja na Majaji wa Mahakama Kuu ya Tanzania, akiwemo Jaji Mstaafu wa Mahakama Kuu ya Tanzania, Mhe. Ama – Isario Munisi (wa pili kushoto) na kwanza kushoto ni Mhe. Iman Aboud Jaji wa Mahakama Kuu.Wa pili kulia ni Jaji Mfawidhi wa Mahakama Kuu Kanda ya Dar es Salaam, Mhe. Beatrice Mutungi na (kulia wa kwanza) ni Jaji Mfawidhi wa Mahakama Kuu Divisheni ya Kazi, Mhe. Sophia Wambura.wengine ni baadhi ya Watumishi wa Mahakama Kuu ya Tanzania.

Jaji Mstaafu wa Mahakama Kuu ya Tanzania, Mhe. Ama – Isario Munisi (wa pili kushoto) akifuraihia kwaya ya Mahakama ya Tanzania.

Wanakwaya wa kwaya ya Mahakama Kuu ya Tanzania wakiimba wimbo wa kumwuaga kitaaluma, Jaji  Mstaafu wa Mahakama Kuu ya Tanzania, Mhe. Ama – Isario Munisi.

Jaji Kiongozi wa Mahakama Kuu ya Tanzania, Mhe.Dkt.  Eliezer Feleshi (kulia) akimpatia ua ikiwa ni ishara ya kumpongeza Jaji Mstaafu wa Mahakama Kuu ya Tanzania,Mhe. Ama- Isario Munisi(katikati)

Naibu Msajili Mfawidhi wa Mahakama Kuu Kanda ya Dar es Salaam, Mhe. Joachium Tiganga (kushoto) na Kulia ni Naibu Msajili Mwandamizi Mahakama Kuu ya Tanzania, Mhe. Messeka Chaba wakifuatilia hafla hiyo.