JAJI MFAWIDHI MAHAKAMA KUU DIVISHENI BIASHARA AHIMIZA MATUMIZI YA TEHAMA

Na Magreth Kinabo-Mahakama

Jaji Mfawidhi wa Mahakama Kuu Divisheni ya Biashara, Mhe.Patricia Fikirini amewataka Majaji, Naibu Wasajili, Wasaidizi wa Kisheria wa Majaji na watumishi wengine wa Mahakama hiyo kuwa mstari wa mbele katika matumizi ya Teknolojia ya Habari na Mawasiliano(TEHAMA) ili kurahisisha uendeshaji wa mashauri yanayohusu masuala ya kibiashara.

Hayo yalisemwa na Jaji Fikirini  leo wakati akifungua mafunzo elekezi ya siku mbili  kwa Majaji  na Naibu Wasajili wa Mahakama hiyo, yanayoendelea  katika ukumbi wa Kituo cha Mafunzo na Habari, kilichopo Mahakama ya Hakimu Mkazi Kisutu, jijini Dar es Salaam. 

“Tunatakiwa tubadilike kwa haraka ili tuendane na mabadiliko ya mazingira ya kibiashara yanayotokea ndani na nje ya nchi. Pia ujio wa Teknolojia ya Habari na Mawasiliano, inaweza kujumishwa kwamba usimamizi na usikilizaji wa mashauri umekuwa rahisi. Hivyo ili kuweza kufanya mabadiliko haya yatokee, tunatakiwa tubadili mitazamo,” alisema Jaji Fikirini.

Jaji Fikirini aliongeza kwamba mafunzo hayo, yanasaidia kubadilisha uzoefu wa kukabiliana na changamoto wanazokumbana nazo katika uendeshaji wa mashauri mbalimbali na vipingamizi, ikiwemo kuweza kuzipatia ufumbuzi, ikiwa ni hatua ya kuweza kuweka mazingira ya biashara na uwekezaji kuwa rafiki nchini.

Aliongeza kuwa wao ndio wanawajibu mkubwa wa kutekeleza majukumu ya Mahakama hiyo, hivyo uelewa na utumiaji sahihi wa taratibu na kanuni ambazo ni maalum kwa Mahakama ya Biashara ni muhimu.

Katika mafunzo hayo, mada zilizotolewa leo ni uanzishaji wa Mahakama ya Biashara na umuhimu wake, ambayo ilitolewa na Jaji Mstaafu, Mhe. Prof. John Ruhangisa, Usimamizi wa Mahakama hiyo, mwezeshaji alikuwa ni Naibu Msajili wa Mahakama Kuu Mtwara, Mhe. Angelo Rumisha na Teknolojia ya Habari na Mawasiliano(TEHAMA), iliyotolewa na  Mkurugenzi wa Teknolojia ya Habari na Mawasiliano(TEHAMA), Bw. Kalege Enock.

Jaji Mfawidhi wa Mahakama Kuu Divisheni ya Biashara, Mhe. Patricia   Fikirini akizungumza jambo, leo wakati wa mafunzo elekezi ya siku mbili kwa Majaji  na Naibu Wasajili wa Mahakama hiyo, yanayoendelea  katika ukumbi wa Kituo cha Mafunzo na Habari, kilichopo Mahakama ya Hakimu Mkazi Kisutu, jijini Dar es Salaam. Jaji Fikirini alikuwa mgeni rasmi na Mwenyekiti wa mafunzo hayo.

Jaji Mstaafu, Mhe. Prof. John Ruhangisa akitoa mada kuhusu Mahakama Kuu Divisheni ya Biashara leo wakati wa mafunzo ya  elekezi ya siku mbili kwa Majaji  na Naibu Wasajili wa Mahakama hiyo, yanayoendelea  katika ukumbi wa Kituo cha Mafunzo na Habari, kilichopo Mahakama ya Hakimu Mkazi Kisutu, jijini Dar es Salaam.

Baadhi ya Majaji na Naibu Wasajili wa Mahakama Kuu Divisheni ya Biashara wakiwa katika   mafunzo ya elekezi ya siku mbili kwa Majaji  na Naibu Wasajili wa Mahakama hiyo, yanayoendelea  katika ukumbi wa Kituo cha Mafunzo na Habari, kilichopo Mahakama ya Hakimu Mkazi Kisutu, jijini Dar es Salaam.

Baadhi ya Majaji na Naibu Wasajili wa Mahakama Kuu Divisheni ya Biashara wakiwa katika   mafunzo ya elekezi ya siku mbili kwa Majaji  na Naibu Wasajili wa Mahakama hiyo, yanayoendelea  katika ukumbi wa Kituo cha Mafunzo na Habari, kilichopo Mahakama ya Hakimu Mkazi Kisutu, jijini Dar es Salaam.

Jaji wa Mahakama Kuu Divisheni ya Biashara, Mhe. Butamo Phillip(kulia) akiuliza jambo wakati wa mafunzo hayo

Naibu Msajili wa Mahakama Kuu Mtwara, Mhe. Angelo Rumisha akitoa mada leo wakati wa mafunzo  elekezi ya siku mbili kwa Majaji  na Naibu Wasajili wa Mahakama hiyo, yanayoendelea  katika ukumbi wa Kituo cha Mafunzo na Habari, kilichopo Mahakama ya Hakimu Mkazi Kisutu, jijini Dar es Salaam.

Jaji Mstaafu wa Mahakama Kuu, Mhe. Robert Makaramba akifafanua jambo wakati wa mafunzo hayo.

Mkurugenzi wa Teknolojia ya Habari na Mawasiliano (TEHAMA) wa Mahakama ya Tanzania, Bw. Kalege Enock akitoa mada kuhusu TEHAMA.

Jaji wa Mahakama Kuu Divisheni ya Biashara, Mhe. Stephen Magoiga(kushoto) akiuliza jambo wakati wa mafunzo hayo.

Jaji Mfawidhi wa Mahakama Kuu Divisheni ya Biashara, Mhe. Patricia   Fikirini (katika) akiwa katika picha ya pamoja na Majaji na Naibu Wasajili. (Kushoto) ni Mkuu wa Chuo cha Uongozi wa Mahakama- IJA Lushoto, Mhe. Dkt. Paul Kihwelo na (kulia) ni Jaji Mstaafu wa Mahakama Kuu, Mhe. Robert Makaramba 

(Picha na Magreth Kinabo-Mahakama)