MAHAKAMA YA RUFANI TANZANIA KUSIKILIZA MASHAURI 30- TABORA

Na Asha Abdallah – Mahakama, Tabora

Mahakama ya Rufani ya Tanzania imeanza rasmi kusikiliza mashauri jumla ya 30, yaliyopo katika masijala ndogo ya Mahakama ya Rufani Mkoani Tabora, ambapo rufaa hizo ni kutoka Mahakama Kuu Tabora na Mahakama Kuu Shinyanga. 

Mahakama hiyo imeanza kusikiliza mashauri katika kikao chake kilichoanza rasmi kuanzia Oktoba 21, mwaka huu na kitamalizika Novemba 8, mwaka huu.

Mashauri hayo yatakayosikilizwa ni maombi ya jinai manne (4), maombi ya madai matatu (3), rufaa za madai mbili (2 ) pamoja na rufaa za jinai 21.

Kikao hicho kilifunguliwa na gwaride rasmi lililoandaliwa kwa heshima ya Mwenyekiti wa kikao hicho, Jaji wa Mahakama ya Rufani Tanzania, Mhe. Stella Mugasha. 

Mashauri hayo yote yapo katika hatua ya usikilizaji ambapo, waheshimiwa Majaji watatu wa Mahakama hiyo watapata nafasi ya kuyasikiliza.

Majaji wengine walioambatana na Jaji Mugasha kwa ajili ya kusikiliza mashauri hayo ni Mhe. Jaji Shaabani Lila, na Mhe. Gerald  Ndika.

Jaji wa Mahakama ya Rufani Tanzania, Mhe. Stella Mugasha akiwa katika maandamano ya kukagua gwaride na majaji wengine.

Mwenyekiti wa kikao cha kusikiliza mashauri, Jaji wa Mahakama ya Rufani Tanzania, Mhe. Stella Mugasha akikagua gwaride.

Mwenyekiti wa kikao cha kusiliza mashauri, Jaji wa Mahakama ya Rufani Tanzania, Mhe. Stella Mugasha akipokea  gwaride.

(Picha na Asha Abdallah- Mahakama,Tabora)