‘NHIF’ YAWAHIMIZA WATUMISHI WA MAHAKAMA-PWANI KUCHEKI AFYA ZAO

Na Rashid Omar, Mahakama ya Hakimu Mkazi-Pwani

Daktari kutoka Mfuko wa Taifa wa Bima ya Afya (NHIF), Dk. Ahmed Mikole amewahimiza watumishi wa mahakama ya Hakimu Mkazi Pwani kupima afya zao mara kwa mara bila kusubiri mpaka waugue.

Akizungumza na Watumishi wa Mahakama hiyo, mwishoni mwa wiki Oktoba 11, 2019, wakati wa zoezi la upimaji afya kwa watumishi wa Mahakama  hiyo, Dkt. Mikole alisema bila kufanya hivyo watakuwa wamechelewa na kuleta athari kwa afya zao. 

Kwa upande wake, Meneja wa Mfuko huo Mkoani Pwani, Bi Ellentruda Mbongoro aliwahimiza watumishi wa Mahakama ambao bado hawajawaandikisha wenza wao, watoto au wategemezi wao kufanya hivyo ili kunufaika na matibabu yanayotolewa kupitia bima ya mfuko huo katika Hospitali zaidi ya elfu tano Tanzania nzima.

Katika zoezi hilo watumishi hao walipatiwa elimu ya jinsi ya kujiepusha na magonjwa mbalimbali ikiwemo Homa ya Ini, Ukimwi, Shinikizo la damu, kisukari, uzito kupita kiasi na magonjwa mengine.

Baada ya kupewa elimu, watumishi wa mahakama hiyo walipata fursa ya kupima afya zao na kupewa ushauri wa afya bure kutoka kwa madaktari wa Mfuko wa Taifa wa Bima ya Afya (NHIF).

 Meneja wa Mfuko wa Taifa wa Bima ya Afya (NHIF) mkoani Pwani, Bi Ellentruda Mbongoro akisisitiza jambo wakati wa upimaji wa afya watumishi wa Mahakama ya Hakimu Mkazi , Pwani.

 Watumishi wa Mahakama ya Hakimu Mkazi , Pwani wakimsikiliza mtoa mada Bi Ellentruda Mbongoro.

 Daktari kutoka Mfuko wa Taifa wa Bima ya Afya (NHIF) Dk. Ahmed Mikole akitoa mada katika zoezi la upimaji afya kwa watumishi wa Mahakama.

 Mtendaji wa Mahakama ya Hakimu Mkazi , Pwani Bw. Moses Minga akifuatilia kwa makini elimu juu ya afya.

Hakimu Mkazi Mfawidni wa Mahakama ya Hakimu Mkazi , Pwani Mh. Joyce Mkhoi akipima uzito ikiwa ni hatua ya awali katika zoezi zima la upimaji wa afya kwa watumishi wa Mahakama.

 Daktari kutoka Mfuko wa Taifa wa Bima ya Afya (NHIF) Dk. Rehema Rehani (kulia) akimpima shikizo la damu Mh. Agnes Kimweri katika zoezi la kuwapima afya watumishi wa Mahakama.

Watumishi wa Mahakama ya Hakimu Mkazi , Pwani wakiwa katika foleni ya kupima afya.