WATAKIWA KUJENGA VITUO VYA UTOAJI HAKI JUMUISHI KWA VIWANGO

Na Magreth Kinabo

Mtendaji Mkuu wa Mahakama ya Tanzania, Bw. Mathias Kabunduguru, amewataka wakandarasi wa vituo  sita vya Mahakama Kuu  vya   Utoaji  Haki Jumuishi, kumaliza miradi hiyo kwa ubora unaotakiwa na kwa wakati.

Ujenzi wa vituo hivyo sita vitajengwa katika jiji la  Dar Es Salaam (Kinondoni na Temeke), Dodoma, Mwanza na Arusha na mkoa wa  Morogoro.

Akizungumza wakati wa hafla ya utiaji saini wa mikataba  ya ujenzi huo, iliyofanyika mwishoni mwa wiki iliyopita kwenye ukumbi  wa mikutano wa Mahakama ya Rufani Tanzania, Kabunduguru   aliwataka wakandarasi hao, kuajiri nguvu kazi ya kutosha ili kuwezesha ujenzi huo kumalizika  kwa muda uliopangwa.

‘Tunataka kazi iende kwa haraka, lakini kwa ubora  kwa kuwa tunataka kutoa  haki kwa wakati kwa watu,’ alisema Kabunduguru.

Aidha Kabunduguru aliongeza kwamba  wanapaswa kutoa ajira kupitia ujenzi huo, ili kuweza kusaidia kupunguza tatizo la ajira.

Kwa upande wake  Msimamizi wa ujenzi wa vituo, hivyo, Bw.  Habib Nuru kutoka Kampuni ya Habconsult aliwataka wakandasi hao, kupanga mipango ya kila miezi mitatu ya ujenzi huo ilikuonesha hatua mbalimbali.

Ujenzi utachukua unatarajia kuanza wiki mbili baada ya kusainiwa kwa mikataba hiyo na utamalizika kwa  kipindi cha miezi nane.  

Vituo hivyo vitatoa huduma zote za kimahakama kuanzia ngazi ya Mahakama ya Mwanzo hadi Rufaa, pia kutakuwepo na watoa huduma zingine za kisheria.

Mkuu wa Kitengo cha Huduma za Maboresho ya Mahakama ya Tanzania, Mhe. Zahra Maruma akizungumza jambo kabla ya utiaji saini wa mikataba sita   ya ujenzi wa vituo  sita vya Mahakama Kuu  vya   Utoaji  Haki Jumuishi. Kulia ni Kaimu Msajili Mkuu wa Mahakama ya Tanzania.

Mtendaji Mkuu wa Mahakama ya Tanzania, Bw. Mathias Kabunduguru (kushoto) na kulia  ni Naibu  Msajili wa Mahakama ya Rufani Tanzania, Mhe. Ediel  Fussi wakisaini mojawapo  ya mkataba wa ujenzi wa Kituo cha Utoaji Haki Jumuishi.

Mkandarasi kutoka kampuni ya Lijun Development,  Bw. Xu Gengsheg  (katikati) akisaini mkataba wa ujenzi wa Kituo cha Utoaji Haki Jumuishi cha Jiji la Arusha.Kulia Mkuu wa Kitengo cha Huduma za Maboresho ya Mahakama ya Tanzania, Mhe. Zahra Maruma  na Kushoto  ni  Furaha Mohamed.

Mkandarasi kutoka kampuni ya  CF Builders, Bw.Pastory  Kisinza (katikati) akisaini mkataba wa ujenzi wa Kituo cha Utoaji Haki Jumuishi cha Jiji la Mwanza .Kulia Mkuu wa Kitengo cha Huduma za Maboresho ya Mahakama ya Tanzania, Mhe. Zahra Maruma  na Kushoto ni  Mhandisi Fredy Chacha.

Mkandarasi kutoka kampuni ya  Hainan International, Bw. Zan Shuiqing  (kulia) akisaini mkataba wa  kituo kimojawapo kati ya vituo vitatu  vya  Utoaji Haki Jumuishi.

Mtendaji Mkuu wa Mahakama ya Tanzania, Bw. Mathias Kabunduguru akimkabidhi mkandarasi wa ujenzi wa Kituo cha Utoaji Haki Jumuishi cha Morogoro kutoka kampuni ya Nandhra Engineering Construction, Bw Daman Nandhra (katikati) na kushoto ni Msimamizi wa miradi ya vituo hivyo, Bw. Habib Nuru.

Mkandarasi kutoka kampuni ya  CF Builders, Bw.Pastory  Kisinza (katikati) akisaini mkataba wa ujenzi wa Kituo cha Utoaji Haki Jumuishi cha Jiji la Mwanza .Kulia Mkuu wa Kitengo cha Huduma za Maboresho ya Mahakama ya Tanzania, Mhe. Zahra Maruma  na Kushoto ni  Mhandisi Fredy Chacha.

Baadhi ya wakandarasi  wa ujenzi wa vituo  sita vya Mahakama Kuu  vya   Utoaji  Haki Jumuishi wakimsikiliza Mtendaji Mkuu wa Mahakama  ya Tanzania(ambaye hayupo pichani).