MAHAKAMA KUU KANDA YA DAR ES SALAAM YATOA MSAADA MOI

Na Tawani  Salum - Mahakama

Mahakama Kuu Kanda ya Dar es Salaam imetoa msaada wa vitu mbalimbali katika  Taasisi ya Mifupa  (MOI), iliyopo Hospitali ya Taifa  Muhimbili (MNH) mkoani Dar es Salaam.

Msaada iliyotolewa ni miche ya sabuni Sabuni ya unga, sukari maziwa ya watoto, mchele na nk.

Akizungumza wakati wa kukabidhi misaada hiyo, Naibu Msajili wa   Mahakama Kuu Kanda ya Dar es Salaam, Mhe Ruth Massam, alisema  wametoa vitu hivyo  kwa ajili ya watoto wenye vichwa vikubwa.

‘‘Tunatambua kuwa hawa watoto wanapitia katika changamoto kubwa hivyo sisi kama sehemu ya jamii hatuna budi kuhakikisha kuwa  tunakuwa nao karibu katika kuwasaidia ili kuwapunguzi changamoto zinazowakabili,’’. alisema Mhe. Massam.  

 Aliongeza kwamba Mahakama ya Tanzania inaadhimisha Wiki ya Sheria, Nchini, ambapo kanda hiyo imewatembelea watoto hao ili kuonyesha moyo wa upendo kwao na kuwapunguzia changamoto walizonazo.

Naye Afisa Jamii Mwandamizi, taasisi hiyo Bw. Frank Matua alishukuru kwa msaada huo, ambapo  itapunguza changamoto  zinazowakabili watotoa hao, huku baadhi ya wakinamama wakikimbiwa na wenza wao.

Afisa huyo alifafanua kuwa  tatizo hilo  hutokana na upungufu wa asidi ya folic kwa akina mama wajawazito.

Hivyo  mara nyingi Barani Ulaya wenzetu hugundua kirahisi kama mama mjamzito ana hilo tatizo na  huchukua hatua za haraka kumsaidia mama mjamzito na  kumuepusha na tatizo hilo, ila kwa hapa Tanzania tatizo hilo  kugundulika mapema inakuwa ngumu  hali inayosababisha watoto kuzaliwa  nalo.

Matua aliwashauri   wakina mama wajawazito  kula vyakula vyenye asidi ya folic ili kuwaupesha watoto  wao, kuzaliwa na tatizo hilo.

Misaada hiyo iliwakilishwa na Mtendaji wa Mahakama  ya Hakimu Mkazi Kisutu, Bi. Athanasia Kabuyanja, Naibu Msajili wa Mahakama Kuu Kanda ya Dar es Salaam, Mhe. Ruth Massam, Hakimu  Mkazi Mfawidhi wa Mahakama ya Wilaya ya Ilala, Mhe. Martha Mpaze  na Hakimu Mkazi Mahakama ya Wilaya Kinondoni  Mhe. Hawa Mwingira na baadhi ya wafanyakazi wa Mahakama Kuu Kanda ya Dar es Salaam.

Naibu Msajili wa Mahakama Kuu Kanda ya Dar es Salaam, Mhe. Ruth Massam (kushoto) akiwakabidhi vitu mbalimbali  wauguzi wa  Taasisi ya Mifupa (MOI), iliyopo kwenye  Hospitali ya Taifa Muhimbili   wanaohudumia  watoto waliozaliwa na vichwa vikubwa ambao wanapata matibabu  hospitalini hapo.

Hakimu  Mkazi Mfawidhi wa Mahakama ya Wilaya ya Ilala, Mhe. Martha Mpaze akishusha vitu mbalimbali vilivyotolewa na Mahakama Kuu Kanda ya Dar es Salaam leo  kwa ajili ya kusaidia watoto waliozaliwa na vichwa vikubwa wakiwemo mama zao ambao wanapata matibabu katika  Taasisi ya Mifupa (MOI), iliyopo kwenye  Hospitali ya Taifa Muhimbili.  Ikiwa ni moja ya huduma waliyoifanya katika kuadhimisha Wiki ya Sheria ya mwaka huu.

Watumishi hao wakishusha vitu.

Naibu Msajili wa Mahakama Kuu Kanda ya Dar es Salaam, Mhe. Ruth Massam (kushoto) akiwakabidhi vitu mbalimbali  wauguzi wa  Taasisi ya Mifupa (MOI), iliyopo kwenye  Hospitali ya Taifa Muhimbili   wanaohudumia  watoto waliozaliwa na vichwa vikubwa ambao wanapata matibabu  hospitalini hapo.

Afisa Ustawi wa Jamii  Mwandamizi kutoka  katika taasisi hiyo, Bw. Frank Matua akitoa taarifa fupi kuhusu watoto wanaozaliwa na vichwa vikubwa.

Mtaalamu wa lishe  Mwandamizi  kutoka Taasisi ya Mifupa (MOI), iliyopo kwenye  Hospitali ya Taifa Muhimbili, Bi Germana Gasper   akitoa elimu ya lishe kwa watumishi wa Mahakama ili waweze kufahamu jinsi ya mama mjamzito anavyoweza kujikinga na ugonjwa huo.

(Picha na Magreth Kinabo – Mahakama)