IGENI MFANO WA UJENZI WA MAJENGO YA MAHAKAMA

Na Magreth Kinabo – Mahakama

Kamati ya Kudumu ya  Bunge ya Katiba na Sheria imesema taasisi nyingine za Umma zinapaswa kuiga mfano wa ujenzi wa majengo ya Mahakama ya Tanzania,  pale ambapo wanataka  kujenga majengo yao ili kuweza   kuyajenga vizuri  na  kwa kipindi kifupi.

Akizungumza leo mara baada ya kukagua ujenzi wa jengo jipya la  Mahakama ya Mwanzo ya Ngerengere, lililopo katika Wilaya ya Morogoro, ambalo linatarajiwa kuanza kutumika rasmi Aprili 15, mwaka huu,  Kaimu Mwenyekiti wa Kamati ya  Kudumu ya Bunge ya Katiba na Sheria, Mhe. Emmanuel Mwakasaka alisema  majengo ya Mahakama yaliyojengwa  ni mazuri na yanajengwa kwa muda mfupi.

‘‘Tumetembea sehemu nyingi majengo ni mazuri yanapaswa kuigwa, Tunaomba mumfikishie salamu Rais kuhusu ujenzi huu wa majengo ya Mahakama, Tunampongeza,’’ alisema  Kaimu Mwenyekiti huyo.

Awali akizungumzia ujenzi wa jengo hilo jipya, Mkuu wa Kitengo cha Usimamizi wa   Majengo  ya Mahakama ya Tanzania, Mhandisi Khamadu Kitunzi, alisema linachangamoto ya umeme ambapo na linatarajiwa kufungwa taa hivi karibuni.

Aliitaja changamoto nyingine  ni  maji ambapo wanatarajia kuchimba kisima. Hivyo jengo hilo  linatarajiwa kuanza kutumika rasmi Aprili 15, mwaka huu.

Kamati hiyo, ilianza ziara ya kikazi kwa ajili ya kukagua baadhi ya majengo ya Mahakama, Machi 12, mwaka huu, ambapo imekagua miradi ya ujenzi wa majengo ya Mahakama ya Hakimu Mkazi Manyara na Mahakama ya Wilaya ya Kondoa. mradi wa ujenzi wa jengo la Mahakama ya Wilaya ya Longido lililopo mkoani Arusha.

Pia imemaliza  ziara hiyo na  kuondoka leo mkoani Morogoro kuelekea Jijini Dodoma, ambapo inatarajia kufanya majumuhisho kesho kutwa.

Mtendaji Mkuu wa Mahakama ya Tanzania, Bw. Mathias Kabunduguru (wa pili kulia) akizungumza leo na Mkuu wa Mkoa wa Morogoro, Mhe. Loatha Sanare kuhusu ziara ya Wajumbe wa Kamati ya Kudumu ya Bunge ya Katiba na Sheria kwa ajili ya kukagua ujenzi wa jengo jipya la Mahakama ya Mwanzo ya Ngerengere, lililopo Wilaya ya Morogoro.

Muonekano wa jengo jipya la Mahakama ya Mwanzo ya Ngerengere, lililopo katika Wilaya ya Morogoro, ambalo linatarajiwa kuanza kutumika rasmi Aprili 15, mwaka huu.

Jengo  la sasa la Mahakama ya Mwanzo Ngerengere, linalotumika  lililopo katika Wilaya ya Morogoro.

Wajumbe wa Kamati ya  Kudumu ya Bunge ya Katiba na Sheria  wakitoka kukagua leo  jengo la sasa la Mahakama ya Mwanzo ya Ngerengere, lililopo Wilaya ya Morogoro.

Wajumbe wa Kamati ya  Kudumu ya Bunge ya Katiba na Sheria  wakiingia  kukagua  jengo jipya la Mahakama ya Mwanzo Ngerengere, lililopo Wilaya ya Morogoro. Wa pili kushoto ni  Kaimu Mwenyekiti wa Kamati  hiyo Mhe. Emmanuel Mwakasaka  na (wa tatu kushoto) ni Waziri wa Katiba na Sheria, Dkt. Augustine Mahiga, wa (kwanza kushoto) ni  Mkuu wa Kitengo cha Usimamizi wa   Majengo  cha Mahakama ya Tanzania, Mhandisi Khamadu Kitunzi.

 Waziri wa Katiba na Sheria, Dkt. Augustine Mahiga (mwenye suti nyeusi)) na Katibu Mkuu wa wizara hiyo, Prof. Sifuni  Mchome(mwenye kofia) wakikagua  jengo jipya la Mahakama ya Mwanzo Ngerengere, lililopo Wilaya ya Morogoro.

 Mtendaji Mkuu wa Mahakama ya Tanzania, Bw. Mathias Kabunduguru (wa tatu kulia) akiwa katika picha ya pamoja na Wajumbe wa Kamati ya  Kudumu ya Bunge ya Katiba na Sheria mara baada ya wajumbe hao kutembelea jengo jipya la Mahakama ya Mwanzo ya Ngerengere, lililopo Wilaya ya Morogoro. Wengine ni baadhi  ya viongozi wa Mahakama ya  Tanzania.

(Picha na Magreth  Kinabo – Mahakama)