JAMII YAHIMIZWA KUCHANGIA DAMU

Na Mwandishi Wetu

Jumla ya uniti  saba za damu zimepatikana  baada ya baadhi ya  watumishi wa Mahakama Kuu ya Tanzania Divisheni ya Kazi,   kujitokeza na kuchangia  damu  kwa hiari kwa ajili ya wagonjwa mbalimbali.

Mtendaji wa Mahakama Kuu Divisheni ya Kazi, Bi. Hellen Mkumbwa alisema kuwa zoezi hilo limefanyika hivi karibuni huku jumla ya  watumishi 12 walijitokeza kutoa damu ili  kuhamasisha jamii kuwa na tabia ya kujitolea kutoa  damu  kwa ajili  ya wagonjwa  wahitaji.

Alisema  waliamua kuchangia  damu hiyo ili iweze kuwasaidia wagonjwa wanaopata ajali,wenye  kansa na waliojifungua ambao wanahitaji kuongezewa damu.

“Dhumuni la kufanya zoezi hili ni kutoa mchango wa damu kwa ajili ya wagonjwa hao, na kuhamasisha jamii  kuwa na tabia ya kujitolea damu mara kwa mara ,'' alisema Mkumbwa.

Mkumbwa aliwashukuru watumishi, Mawakili na wadau wote  waliojitokeza katika zoezi hilo.

Watumishi wa Mahakama hiyo wamefanya tendo hilo la huruma, ikiwa ni  la mara ya pili, ambapo awali walitoa msaada  ya vitu mbalimbali kwa ajili ya watoto yatima katika kuadhimisha Siku ya Mwanamke Duniani 2020.

Jaji Mfawidhi wa Mahakama Kuu Divisheni ya Kazi,  Mhe. Sophia Wambura (mwenye nguo nyeusi) akichangia damu ili  kuhamasisha jamii kuwa na tabia ya kujitolea kutoa  damu  kwa ajili kusaidia wagonjwa wahitaji.

Baadhi ya watumishi wa Mahakama Kuu- Divisheni ya Kazi,  akitoa damu ili  kuhamasisha jamii kuwa na tabia kujitolea kutoa  damu  kwa ajili wagonjwa wanaopata ajali , wenye  kansa na waliojifungua ambao wanahuitaji kuongezewa damu.

Watoa huduma  kutoka Ofisi ya Mpango  wa Taifa wa Danu Salama wakiendelea  kuwahudumia watumishi waliojitokeza kuchangia damu.