KAMATI YA BUNGE YAKAGUA MAJENGO YA MAHAKAMA

Na Lydia Churi-Mahakama

Kamati ya kudumu ya Bunge ya Katiba na Sheria imeanza ziara ya kukagua miradi ya ujenzi wa baadhi ya majengo ya Mahakama ya Tanzania ambapo imeridhishwa na miradi ya Kondoa na Manyara iliyokamilika hivi karibuni.

Kaimu Mwenyekiti wa Kamati ya Kudumu ya Bunge ya Katiba na Sheria ambaye pia ni Mbunge wa jimbo la Tabora Mjini Mhe. Emmanuel Mwakasaka ameipongeza Serikali kwa hatua iliyofikiwa ya ukamilishwaji wa ujenzi wa majengo ya Mahakama ya Hakimu Mkazi Manyara pamoja na Mahakama ya Wilaya ya Kondoa.

“Miradi ya ujenzi wa majengo haya imeenda kwa haraka sana, hatukutegemea hili, tumeridhishwa sana na kazi iliyofanyika, pongezi kwa watendaji wote wa Mahakama”, alisema Mhe. Mwakasaka.

Akizungumza wakati wa ukaguzi wa jengo la Mahakama ya Hakimu Mkazi Manyara, waaziri wa Katiba na Sheria Mhe. Dkt. Augustine Mahiga ameipongeza Mahakama ya Tanzania kwa kutekeleza miradi ya ujenzi wa majengo ya Mahakama katika maeneo mbalimbali nchini.

“Kwa hali tuliyoikuta leo inaonesha kuna kazi kubwa imefanyika na muonekano wa jengo sasa ni mzuri, limekamilika,alisema waziri huyo.

Kamati ya Kudumu ya Bunge ya Katiba na Sheria imeanza ziara ya kikazi ambapo leo wajumbe wake wamekagua miradi ya ujenzi wa majengo ya Mahakama ya Hakimu Mkazi Manyara na Mahakama ya wilaya ya Kondoa. Kesho wajumbe hao watakagua mradi wa ujenzi wa jengo la Mahakama ya wilaya ya Longido mkoani Arusha.

 Mkuu wa Kitengo cha Usimamizi wa Majengo wa Mahakama ya Tanzania Mhandishi Khamadu Kitunzi akiwaelezea jambo wajumbe wa Kamati wa Mahakama ya Tanzania a kudumu ya Bunge ya Katiba na Sheria wakati wakikagua jengo jipya la Mahakama ya Hakimu Mkazi Manyara.

 Waziri wa Katiba na Sheria Dkt. Augustine Mahiga (katikati) akiwa na Katibu Mkuu wa Wizara hiyo Prof.Sifuni Mchome na Mtendaji Mkuu wa Mahakama Bw. Mathias Kabunduguru wakati wa ziara ya kamati ya Kudumu ya Bunge ya Katiba naSheria ilipotembelea na kukagua jengo la Mahakama ya Hakimu Mkazi Manyara leo.

 Jengo la Mahakama ya Hakimu Mkazi Manyara lililomalizika kujengwa hivi karibuni.

 Wajumbe wa Kamati ya Kudumu ya Bunge ya Katiba na Sheria wakiwa katika picha ya pamoja na viongozi wa Mahakama walipokagua jengo la Mahakama ya wilaya ya Kondoa lililomalizika kujengwa na kuzinduliwa hivi karibuni.

 Hakimu Mkazi Mfawidhi wa Mahakama ya wilaya ya Kondoa Mhe. Francis Mhina akielezea jambo. Mbele ni Mbunge wa Viti Maalum Mhe. Asha Abdalah Juma 'Mshua'

 Mbunge wa Mbinga Mjini Mhe. Sixtus Mapunda, akifuatiwa na Kaimu Mwenyekiti wa Kamati ya Kudumu ya Bunge ya Katiba na Sheria ambaye pia ni Mbunge wa Tabora Mjini Mhe. Emmanuel Mwakasaka pamoja na wabunge wengine wakikagua jengo la Mahakama ya Wilaya ya Kondoa leo.

 Mtendaji Mkuu wa Mahakama ya Tanzania Bw. Mathias Kabunduguru akizungumza jambo.

 Jengo la Mahakama ya Wilaya ya Kondoa lililomalizika kujengwa hivi karibuni.

•