Na Innocent Kansha – Mahakama.
Jaji wa Mahakama ya
Rufani ya Tanzania na Mkuu wa Chuo cha Uongozi wa Mahakama Lushoto (IJA) Mhe.
Dkt. Paul Kihwelo amefungua rasmi mafunzo ya Madalali na Wasambaza Nyaraka za
Mahakama na kuwaeleza washiriki kuwa moja ya lengo la Mahakama ni kuimarisha
ushirikishwaji wa wadau ili kuboresha misingi ya utoaji haki nchini.
Akizungumza wakati wa
hafla fupi ya ufunguaji wa mafunzo hayo yatakayoendeshwa kwa kipindi kisichopungua wiki
mbili katika Ukumbi wa Mikutano wa Shule ya Sheria kwa Vitendo Jijini Dar es
salaam mapema Juni 21, 2021 Mhe. Dkt. Kihwelo alisema, mojawapo ya maboresho yanayoendelea
ndani ya Mahakama ya Tanzania hivi sasa ni kuwajengea uwezo Madalali na Wasambaza Nyaraka
za Mahakama kutambua na kutekeleza majukumu hayo kwa kufuata misingi ya Mwongozo
wa Kanuni za Madalali na Wasambaza Nyaraka za Mahakama inayokubalika.
“Kwa muda mrefu Mahakama
imekuwa ikilalamikiwa katika eneo hili kwa kufanya kazi na Madalali na
Wasambaza Nyaraka za Mahakama wasiokidhi vigezo na kushindwa kutekeleza
majukumu yao ipasavyo”, alisema Mhe. Dkt. Kihwelo
Jaji Kihwelo aliongeza
kuwa ili waweze kutambua majukumu hayo watapitishwa katika masomo mbalimbali
ikiwemo Kanuni zinazosimamia nidhamu, malipo na uteuzi wa Wasambaza nyaraka na
Madalali wa Mahakama ili kujenga uelewa wa pamoja katika kutekeleza majukumu
hayo.
Mkuu huyo wa Chuo aliongeza kuwa Mahakama ya Tanzania
kupitia maboresho na Mwongozo wa Madalali na wasambaza nyaraka za Mahakama
imeifanya kazi hii kuwa ya kitaaluma na kuwa kila mshiriki atakaefaulu mafunzo hayo na kuteuliwa na mamlaka zinazohusika atakuwa ni Afisa wa Mahakama na kwa msingi
huo aliwaeleza washiriki kuwa watapimwa kupitia ushiriki wao kwenye masomo na mada zitakazowasilishwa na watoa mada, mahudhurio darasani na mazoezi mtakayopewa.
“Niwaomba muongeze bidii
na kujituma katika mafunzo haya ulizeni msipo elewa na wawezeshaji watawaelewesha ili muweze kuitendea haki ada yenu mliyoilipa ya ushiriki na mwishowe muweze kufauli
mitihani mtakayoifanya”,aliwakumbusha washiriki Jaji Kihwelo.
Mhe. Dkt. Kihwelo alisema
lengo sio kuwapima washiriki kwa kuwakomoa bali ni kuwapima kwa kuwajengea
uwezo unaokidhi vigezo vya kutekeleza majukumu yanayoendana na kazi za Madalali
na Wasambaza Nyaraka za Mahakama.
Aidha aliendelea kueleza kuwa, Mahakama ya Tanzania ina uhitaji
mkubwa wa Madalali na Wasambaza Nyaraka za Mahakama katika
maeneo mbalimbali nchini hadi hivi sasa kuna mikoa isiyokuwa na Maafisa hao, na
lengo la kuwapatia elimu hiyo sio kushiriki mafunzo hayo kwa kutengeneza ajira tu bali pia ni kuboresha huduma za utoaji haki zitolewazo na Mahakama.
Kwa upande mwingine Jaji
Kihwelo amewaomba washiriki hao kuendelea kutoa maoni ili kuwezesha kuboresha zaidi ya utoaji wa mafunzo hayo na mengine yajayo katika nyaja mbalimbali kwa kutoa wingo mpana
zaidi kwa watu wengine kuvutiwa na kushiriki.
Mafunzo hayo yanaendeshwa na Chuo cha Uongozi wa Mahakama kwa kushirikiana na Mahakama ya Tanzania, kwa kutambua sera ya mafunzo ya Mahakama ya Tanzania Chuo kimepewa jukumu la kufanya Mafunzo na Utafiti kwa Maafisa wake wa ngazi mbalimbali pamoja na wadau wengine ikiwemo wale wanaojiandaa kufanya kazi ya udalali na kusambaza nyaraka za Mahakama, alieleza Mkuu huyo wa Chuo.
Jaji wa Mahakama ya
Rufani ya Tanzania na Mkuu wa Chuo cha Uongozi wa Mahakama Lushoto (IJA) Mhe.
Dkt. Paul Kihwelo akifungua rasmi mafunzo ya Madalali na Wasambaza Nyaraka za
Mahakama (hawapo pichani) yatakayoendeshwa kwa kipindi kisichopungua wiki mbili katika Ukumbi
wa Mikutano wa Shule ya Sheria kwa Vitendo Jijini Dar es salaam mapema Juni 21,
2021
Meza Kuu wakiwa kwenye Picha ya Pamoja na baadhi ya washiriki wa mafunzo ya Madalali na Wasambaza Nyaraka za Mahakama yaliyofunguliwa rasmi na
Meza Kuu wakiwa kwenye Picha ya Pamoja na Secretarieti ya mafunzo ya Madalali na Wasambaza Nyaraka za Mahakama yaliyofunguliwa rasmi na
Washiriki wa mafunzo ya Madalali na Wasambaza Nyaraka za Mahakama wakiwa darasani wakifuatilia mada mara baada ya mafunzo hayo kufunguliwa rasmi na 
Hakuna maoni:
Chapisha Maoni