JENGO LA MAHAKAMA YA MWANZO HAYDOM MANYARA MBIONI KUKAMILIKA

Ujenzi wa jengo la Mahakama ya Mwanzo Haydom, Wilayani Mbulu Mkoani Manyara uko mbioni kukamilika.

Hayo yamebainishwa na Uongozi wa Mahakama ya Mkoa wa Manyara kufuatia ziara ya ki kukagua mradi wa jengo hilo iliyofanyika hivi karibuni ambapo ilielezwa kuwa jengo hilo linatarajiwa kukamilika ifikapo Septemba 09, mwaka huu.

Katika kikao ‘site meeting’ kilichofanyika mara baada ya ukaguzi ambacho kilihudhuriwa na Mtendaji wa Mahakama Mkoa wa Manyara Bwana Jacob Swalle, Meneja wa TBA Mkoa wa Manyara Bwana  Wilson Tesha na Mwakilishi wa kamupuni ya ECO GREEN Construction Co Ltd (ambaye ni Mkandarasi wa Jengo hilo) Bwana Noah Haki, ilibainika kuwa jengo hilo limekamilika kwa kiasi cha asilimia 65.

Mradi wa Ujenzi wa jengo hilo ulianza tarehe 03/03/2021. Mahakama ya Mwanzo Haydom inatarajiwa kuwa msaada mkubwa kwa wananchi wa eneo hilo ambao kwa muda mrefu sasa  wamekuwa wakisafiri kwenda Dongobesh kwa ajili ya huduma za kimahakama ambapo kuna umbali wa Kilometa 45.

Muonekano wa Mbele wa Mahakama ya Mwanzo Haydom, Wilayani Mbulu Mkoani Manyara.

Muonekano wa eneo la nyuma ya Mahakama.

Meneja wa 'TBA' Mkoa wa Manyara, Bw.Wilson Tesha (wa pili kushoto) na Mtendaji wa Mahakama Mkoa wa Manyara, Bw. Jacob Swalle (wa kwanza kulia) wakiendelea na Ukaguzi wa Jengo hilo.

Muonekano wa Vyoo vya Wateja watakaokuwa wanafika Mahakamani.

Ukaguzi wa Ukumbi wa wazi wa Mahakama ukiendelea.

(Picha na Christopher Msagati-Mahakama ya Hakimu Mkazi Manyara)