TANZIA; MTUMISHI WA MAHAKAMA KIGOMA AFARIKI DUNIA

                 TANZIA                   

Marehemu Jackson Itanisa Mrefu enzi za uhai wake. 

Uongozi wa Mahakama ya Tanzania unasikitika kutangaza kifo cha Mtumishi wake Bw. Jackson Itanisa Mrefu (pichani) aliyekuwa Msaidizi wa Ofisi Mkuu, Mahakama ya Mwanzo Mwandiga- Kigoma.

Kwa mujibu wa taarifa zilizotolewa na Mahakama Kanda ya Kigoma, Marehemu Itanisa alifikwa na umauti usiku wa tarehe 28.09.2021 katika hospitali ya ‘Baptist’ Kigoma alipokuwa akipatiwa matibabu mara baada ya kuugua ghafla tangu tarehe 25/09/2021. 

 Marehemu aliajiriwa na Mahakama ya Tanzania kwa nafasi ya Msaidizi wa Ofisi  Julai 19, 1984.

Taratibu za mazishi zinaendelea kufanyika ikiwa ni pamoja na kuusafirisha mwili kwenda Wilaya ya Sengerema kata ya Kasenyi ambapo mazishi yatafanyika.

Mahakama ya Tanzania inatoa pole kwa familia ya marehemu, ndugu, jamaa na marafiki kufuatia msiba huu.

BWANA AMETOA NA BWANA AMETWAA, JINA LAKE LIHIMIDIWE