RAIS SAMIA AZINDUA KITABU CHA MWONGOZO WA MASHAURI KWA MAJAJI NA MAHAKIMU

 Na Lydia Churi- Mahakama

Rais wa Jamhuri ya Muungano wa Tanzania Mhe. Samia Suluhu Hassan ametoa wito kwa Majaji na Mahakimu nchini kutumia kitabu cha Mwongozo wa Mashauri kwa Majaji na Mahakimu kuhusu mashauri yanayohusu ukatili wa kijinsia kama moja ya miongozo katika usikilizaji wa mashauri ya aina hiyo.

Rais Samia amezindua kitabu hicho ‘The Tanzania Gender Bench Book on Women’s Rights’ jana katika hafla iliyofanyika Ikulu jijini Dar es salaam kilichoandaliwa na Chama cha Majaji na Mahakimu Wanawake Tanzania (TAWJA) kwa ufadhili wa Shirika la Umoja wa Mataifa linalojishughulisha na masuala wanawake UN Women na Ubalozi wa Sweeden nchini.

Akizungumza katika hafla hiyo, Rais Samia amesema kitabu hicho kitawapa Majaji na Mahakimu wanaosikiliza mashauri yanayohusu ukatili wa kijinsia ujasiri wa kutoa uamuzi wa mashauri hayo ambao pia utawezesha kuachwa kwa mila, desturi na imani potofu zinazokandamiza na kupora haki za makundi  maalumu katika jamii ya watanzania.

“Katika kipindi cha Uongozi wangu nitahakikisha ninajenga nchi inayozingatia na kuheshimu misingi ya utawala wa sheria, haki za binadamu, na utawala bora kwa maendeleo ya nchi kiuchumi, kisiasa na kijamii”, alisema Rais Samia.  

Aidha, Mhe. Samia amewapongeza wanachama wa TAWJA kwa kutayarisha kitabu hicho kinachotoa mwongozo wa namna bora ya kulinda haki za Wanawake Watoto ikiwa ni pamoja na kuimarisha utawala wa sheria nchini.

Rais Samia pia amewaomba wanachama wa TAWJA pamoja na wadau wengine walioshiriki katika kuandaa kitabu hicho kukitafsiri kwa lugha ya Kiswahili kinachoeleweka vizuri ili kieleweke zaidi kwa wale wote wanaojishughulisha na suala la utoaji haki.

Kuhusu matumizi ya lugha ya Kiswahili mahakamani, Mhe. Samia ameishauri Mahakama ya Tanzania kutumia lugha hiyo katika kuandika hukumu kwa kuwa tayari Bunge la Jamhuri ya Muungano wa Tanzania limeshafanya marekebisho ya sheria kuruhusu matumizi ya lugha ya kiwswahili katika kuandika hukumu pamoja na nyaraka nyingine muhimu za kimahakama.

 Rais wa Jamhuri ya Muungano wa Tanzania Mhe. Samia Suluhu Hassan akizindua kitabu cha Mwongozo wa Mashauri kwa Majaji na Mahakimu kuhusu mashauri ya Ukatili wa Kijinsia Ikulu jijini Dar es salaam aliyemshikia ni Mwenyekiti wa Chama cha Majaji na Mahakimu Wanawake Tanzania ambaye pia ni Jaji wa Mahakama Kuu ya Tanzania Mhe. Joaquine De Mello.  

Rais wa Jamhuri ya Muungano wa Tanzania Mhe. Samia Suluhu Hassan akizindua kitabu cha Mwongozo wa Mashauri kwa Majaji na Mahakimu kuhusu mashauri ya Ukatili wa Kijinsia Ikulu jijini Dar es salaam. 

Sehemu ya wanachama wa Chama cha Majaji na Mahakimu Wanawake Tanzania (TAWJA) wakiwa katika hafla ya uzinduzi wa kitabu cha Mwongozo wa Mashauri kwa Majaji na Mahakimu kuhusu mashauri ya Ukatili wa Kijinsia Ikulu jijini Dar es salaam. 

Jaji Kiongozi wa Mahakama Kuu ya Tanzania Mhe. Mustapher Siyani akizungumza wakati wa hafla ya uzinduzi wa kitabu cha Mwongozo wa Mashauri kwa Majaji na Mahakimu kuhusu mashauri ya Ukatili wa Kijinsia Ikulu jijini Dar es salaam. Jaji Siyani alimuwakilisha Jaji Mkuu wa Tanzania Mhe. Prof. Ibrahim Hamis Juma kwenye hafla hiyo.

Mwenyekiti wa Chama cha Majaji na Mahakimu Wanawake Tanzania ambaye pia ni Jaji wa Mahakama Kuu ya Tanzania Mhe. Joaquine De Mello akizungumza kwenye hafla hiyo. 

Waziri wa Katiba na Sheria Mhe. Prof. Pamagamba Kabudi akizungumza kwenye hafla hiyo. 

Sehemu ya wanachama wa Chama cha Majaji na Mahakimu Wanawake Tanzania (TAWJA) wakiwa katika hafla ya uzinduzi wa kitabu cha Mwongozo wa Mashauri kwa Majaji na Mahakimu kuhusu mashauri ya Ukatili wa Kijinsia Ikulu jijini Dar es salaam. 

 Rais wa Jamhuri ya Muungano wa Tanzania Mhe. Samia Suluhu Hassan akiwa katika picha ya pamoja na Majaji pamoja na Viongozi mara baada ya kuzindua kitabu cha Mwongozo wa Mashauri kwa Majaji na Mahakimu kuhusu mashauri ya Ukatili wa Kijinsia Ikulu jijini Dar es salaam.

Rais wa Jamhuri ya Muungano wa Tanzania Mhe. Samia Suluhu Hassan akiwa katika picha ya pamoja na Wanachama wa Chama cha Majaji na Mahakimu Wanawake Tanzania (TAWJA) mara baada ya kuzindua kitabu cha Mwongozo wa Mashauri kwa Majaji na Mahakimu kuhusu mashauri ya Ukatili wa Kijinsia Ikulu jijini Dar es salaam.

Baadhi ya Wanachama wa Chama cha Majaji na Mahakimu Wanawake Tanzania (TAWJA) wakiwa katika picha ya pamoja  Ikulu jijini Dar es salaam.

Baadhi ya Wanachama wa Chama cha Majaji na Mahakimu Wanawake Tanzania (TAWJA) wakiwa katika picha ya pamoja. 

(Picha na Lydia Churi-Mahakama)