JAJI MKUU UGANDA AONGOZA CHUO CHA MAHAKAMA UGANDA KUPATA UZOEFU IJA

 Na Tiganya Vincent, Mahakama ya Tanzania

Jaji Mkuu wa Uganda, Mhe. Alfonse Chigamoy Owinyi- Dollo amesema wametembelea Chuo cha Uongozi wa Mahakama Lushoto (IJA) kwa ajili ya kubadilishana uzoefu wa jinsi ya kuwandaa maafisa wa Mahakama ambao wamepangiwa majukumu mapya.

Alisema wanataka kupata uzoefu ambao utawasaidia yeye na ujumbe kutoka Chuo cha Mahakama cha Uganda kuwawezesha watumishi wanaopewa majukumu mapya kupata mafunzo ambayo yatasaidia katika utoaji wa huduma bora kwa wananchi.

Mhe. Owinyi- Dollo ametoa kauli hiyo leo tarehe 25 Mei, 2022 mjini Lushoto wakati ziara yake na Watumishi wa Chuo cha Mahakama cha Uganda ya kutembelea na kubadilisha uzoefu na Chuo cha Uongozi wa Mahakama cha Lushoto.

Alisema mafunzo ya kuwandaa maafisa wa Mahakama waliopewa majukumu mapya ni muhimu katika kuhakikisha kuwa kunakuwepo huduma bora ya utaoji haki kwa wananchi.

“Maafisa wa Mahakama walioandaliwa kwa kupewa mafunzo mazuri wataelewa vema majukumu yao na mambo ambayo anatakiwa kufanya katika kuhakikisha wananchi wanapata huduma za kupata haki wanapokuwa na mashauri” alisema

Katika hatua nyingine, Jaji Mkuu wa Uganda amesema kupitia Serikali wako katika uboreshaji wa utoaji wa huduma ya haki kwa wananchi kwa ajili ya kupeleka maeneo yaliyo mbali.

Alisema hatua hiyo inalenga kuwawezesha wananchi wasiokuwa na uwezo wa kupata fedha za kusafiri umbali mrefu na kupeleka Mashahidi wakati wa kutafua haki zao.

Mhe. Owinyi-Dollo alisema maafisa wanaopewa majukumu katika mahakamani vema wakaandaliwa ili waweze kujua majukumu yao kabla ya kuingia katika Vituo vyao vipya vya kazi kwa ajili ya kuwafanya wahakikishe wanatoa huduma za kiwango bora kwa wananchi.

Kwa upande wa Mkuu wa Chuo wa Mahakama cha Uganda, Jaji wa Mahakama Kuu, Mhe. Damalie Lwanga amesema wao bado hawajaanza kutoa kozi Astashahada na Statashaha ya Sheria bali wanatoa kozi ambazo kwa ajili ya kuwasaidia maafisa wa Mahakama ambao wako kazi na wanaotarajia kustaafu.

Ameyataja mafunzo ambayo wanatoa ni pamoja na maafisa wa Mahakama wakiwemo Majaji na Mahakimu kukabiliana na msongo wa mawazo(stress) zinazotokana na majukumu, masuala ya afya  na maandalizi ya kustaafu.

Naye Jaji wa Mahakama ya Rufaa ambaye ni Mkuu wa Chuo cha Uongozi cha Lushoto, Mhe. Dkt. Paul Kihwelo amesema kuwa wanachuo wanaohitimu na kujiunga na Vyuo vikuu hapa nchini wamekuwa wakifanya vizuri kitaaluma.

Jaji Mkuu wa Uganda, Mhe. Alfonse Chigamoy Owinyi- Dollo akisisitiza jambo.

Mwenyekiti wa Baraza la Uongozi wa Chuo cha IJA ambaye pia ni Jaji wa Mahakama ya Rufani, Dkt. Geraild Ndika akifafanua jambo mahususi.

Jaji wa Mahakama ya Rufaa ambaye ni Mkuu wa Chuo cha Uongozi cha Lushoto, Mhe. Dkt. Paul Kihwelo akieleza kwa kifupi historia ya chuo hicho.

Jaji Kiongozi wa Uganda, Dkt. Flavian Zeija akitoa neno la shukurani kufuatia ukarimu walioupata kutoka Mahakama ya Tanzania.

Mkurugenzi Mtendaji wa Taasisi ya JTI Uganda, Mhe. Damilie Lwanga akieleza kwa ufupi uzoefu wa uendeshaji wa chuo hicho.

Msajili Mkuu wa Mahakama ya Uganda, Mhe. Sarah Langa Siu akieleza jambo.

Sehemu ya viongozi wa Mahakama ya Uganda wakiongozwa na Jaji Mkuu wa Uganda, Mhe. Alfonse Chigamoy Owinyi- Dollo (kushoto) wakifuatilia hotuba mbalimbali zilizokuwa zikiwasilishwa.

Sehemu ya viongozi wa Mahakama ya Tanzania (juu na chini) wakiongozwa na Mwenyekiti wa Baraza la Uongozi wa Chuo cha IJA ambaye pia ni Jaji wa Mahakama ya Rufani, Dkt. Geraild Ndika (kulia) wakifuatilia hotuba mbalimbali zilizokuwa zikiwasilishwa.

Sehemu ya Mahakimu kutoka Mahakama ya Wilaya ya Lushoto wakifuatilia hotuba hizo

Jaji Mkuu wa Uganda, Mhe. Alfonse Chigamoy Owinyi- Dollo (katikati) akiwa katika picha ya pamoja na meza kuu.

Meza kuu ikiongozwa na Jaji Mkuu wa Uganda, Mhe. Alfonse Chigamoy Owinyi- Dollo (katikati) ikiwa katika picha ya pamoja na ujumbe kutoka Uganda.

Meza kuu ikiongozwa na Jaji Mkuu wa Uganda, Mhe. Alfonse Chigamoy Owinyi- Dollo (katikati) ikiwa katika picha ya pamoja na menejimenti ya Chuo cha IJA.

Meza kuu ikiongozwa na Jaji Mkuu wa Uganda, Mhe. Alfonse Chigamoy Owinyi- Dollo (katikati) ikiwa katika picha ya pamoja na viongozi kutoka Mahakama ya Tanzania, Makao Makuu Dar es Salaam.

Meza kuu ikiongozwa na Jaji Mkuu wa Uganda, Mhe. Alfonse Chigamoy Owinyi- Dollo (katikati) ikiwa katika picha ya pamoja na Mahakimu kutoka Mahakama ya Wilaya Lushoto.

Meza kuu ikiongozwa na Jaji Mkuu wa Uganda, Mhe. Alfonse Chigamoy Owinyi- Dollo (katikati) ikiwa katika picha ya pamoja na wajumbe wa Sekretarieti.

(Picha na Faustine Kapama-Mahakama, Lushoto)