MAHAKAMA KUU MUSOMA INANG’ARA

Na Francisca Swai-Mahakama, Musoma.

Mahakama Kuu ya Tanzania Kanda ya Musoma imetekeleza kwa vitendo agizo alilolitoa Jaji Mkuu wa Tanzania, Mhe. Prof. Ibrahim Hamis Juma kwenye ziara yake mwaka jana ya kutunza mazingira yanayozunguka maeneno mbalimbali ya Mahakama, hususani katika jengola kisasa la Mahakama Kuu.

Hayo yalijidhihirisha jana tarehe 14 Juni, 2022 kufuatia jopo la Majaji wa Mahakama ya Rufani linaloongozwa na Mhe. Dkt Gerald Ndika kutembelea maeneo ya Mahakama Kuu Musoma na kujionea uzuri wa mandhari ya eneo hilo. Majaji wengine ni Mhe. Winfrida Korosso na Mhe. Omar Makungu.

Majaji hao ambao wapo Musoma mjini mkoani Mara kwenye kikao cha Mahakama ya Rufani kinachofanyika katika jengo la Mahakama Kuu wameonyesha kufurahishwa na jitihada zinazofanywa na Kanda hiyo katika kutunza mazingira.

Ili kuunga mkono juhudi hizo, Majaji hao walishiriki katika zoezi la kupanda miti katika eneo hilo la Mahakama Kuu Musoma. Kikao hicho cha Mahakama ya Rufani kilichoanza tarehe 30 Mei, 2022 kinatarajiwa kukamilika tarehe 17 Juni, 2022.

Jopo la Waheshimiwa Majaji wa Mahakama ya Rufani walioko Mahakama Kuu Musoma kwa ajili ya kikao cha Mahakama ya Rufani kilichoanza tarehe 30 Mei, 2022 na kinatarajiwa kukamilika 17 Juni, 2022, wameonesha kuridhishwa na utunzaji wa mazingira walipokuwa katika zoezi la upandaji miti leo 14 Juni, 2022 katika Mahakama hiyo.

 Muonekano wa eneo la mbele wa jengo la Mahakama Kuu Musoma.

Mwenyekiti wa Jopo la Majaji watatu wanaoendelea na usikilizwaji wa mashauri Mahakama Kuu Musoma, Mhe. Dkt. Gerald Ndika akipanda mti katika eneo la bustani la Mahakama Kuu Musoma.

Jaji wa Mahakama ya Rufani, Mhe. Winifrida Beatrice Korosso akipanda mti katika eneo la bustani la Mahakama Kuu Musoma.

Jaji wa Mahakama ya Rufani, Mhe.  Omar Makungu akipanda mti katika eneo la bustani la Mahakama Kuu Musoma.

Majaji wa Rufani wakiwa katika picha ya pamoja na viongozi wa Mahakama Kanda ya Musoma. Katikati ni Mhe. Dkt. Gerald Ndika, kulia kwake ni Mhe. Winifrida Korosso na kushoto kwake ni Mhe. Omar Makungu. Kushoto ni Jaji Mfawidhi  wa Mahakama Kuu, Kanda ya Musoma, Mhe. Fahamu Mtulya na kulia ni Naibu Msajili wa Mahakama ya Rufani, Mhe. Charles Magesa. Waliosimama ni Naibu Msajili Mahakama Kanda ya Musoma, Mhe. Frank Moshi (kushoto) na Mtendaji wa Mahakama Kanda hiyo, Bw. Festo Chonya.

Muonekano wa eneo la nyuma wa jengo la Mahakama Kuu Musoma ambako kuna bustani ya miti ya matunda.

Sehemu ya bustani iliyoko Mahakama Kuu Musoma (juu na chini).