KATIBU WA JAJI MKUU ZANZIBAR AMTEMBELEA MTENDAJI MKUU WA MAHAKAMA

Na Castilia Mwanossa-SAUT

Katibu wa Jaji Mkuu Zanzibar, Hakimu Mkazi, Mhe. Mohammed Suleiman Omar leo tarehe 31 Agosti, 2022 amemtembelea Mtendaji Mkuu wa Mahakama ya Tanzania, Prof. Elisante Ole Gabriel na kufanya naye mazungumzo mafupi.

Katika mazungumzo hayo, Mhe. Omar alitoa shukurani kwa niaba ya wenzake watatu Sarah Hafidh, Zired Msanif na Asya Ali kwa mafunzo elekezi waliyoyapata hivi karibuni. Kadhalika, Katibu huyo wa Jaji Mkuu wa Zanzibar alikabidhi ripoti ya mafunzo hayo.

Amezungumzia jinsi walivyopata mafunzo ya kubadilishana uzoefu wa kusimamia na uendeshaji wa kesi mahakamani kwa muda wa  miezi miwili na kufurahishwa jinsi Kituo Jumuishi cha Kinondoni kinavyofanya kazi.

Mtendaji Mkuu wa Mahakama ya Tanzania, Prof. Elisante Ole Gabriel (kulia) akisalimiana na  Hakimu Mkazi na Katibu wa Jaji Mkuu Zanzibar, Mhe. Mohammed Suleiman Omar mara baada ya kutembelewa na mgeni huyo ofisini kwake leo tarehe 31 Ogasti, 2022 Jijini Dar es Salaam.

Mtendaji Mkuu wa Mahakama ya Tanzania, Prof. Elisante Ole Gabriel (kulia) akizungumza jambo na Hakimu Mkazi na Katibu wa Jaji Mkuu Zanzibar, Mhe. Mohammed Suleiman Omar mara baada ya kutembelewa na mgeni huyo ofisini kwake Jijini Dar es Salaam.

Hakimu Mkazi na Katibu wa Jaji Mkuu Zanzibar, Mhe. Mohammed Suleiman Omar (kushoto) akizungumzia jinsi walivyopata mafunzo ya kubadilishana uzoefu wa kusimamia na uendeshaji wa kesi mahakamani  kwa muda wa  miezi miwili  mara baada ya kutembelea Mtendaji Mkuu wa Mahakama ya Tanzania, Prof. Elisante Ole Gabriel (kulia)   ofisini kwake leo  Jijini Dar es Salaam.

 Hakimu Mkazi na Katibu wa Jaji Mkuu Zanzibar, Mhe. Mohammed Suleiman Omar (kushoto) akimkabidhi   Mtendaji Mkuu wa Mahakama ya Tanzania, Prof. Elisante Ole Gabriel (kulia  ripoti ya Mafunzo hayo.

(Picha na Margreth Kinabo-Mahakama)