MTENDAJI MKUU WA MAHAKAMA YA TANZANIA AKABIDHI GARI LA UJENZI

 

Na Magreth Kinabo – Mahakama

Mtendaji Mkuu wa Mahakama ya Tanzania, Prof.Elisante Ole Gabriel leo tarehe 5 Septemba, 2022 amemkabidhi Mkuu wa Kitengo Usimamizi wa Ujenzi(HEM), Mhandisi Yohana  Mashausi gari maalum kwa ajili ya shughuli za ujenzi wa mahakama mbalimbali nchini.

Makabidhiano hayo yalifanyika kwenye eneo la viwanja vya Mahakama ya Hakimu Mkazi Kisutu Jijini Dar es Salaam, ambapo Mtendaji huyo alisema gari hilo aina ya Isuzu TATA lenye namba ya usajili STM 1562 litasaidia kurahisisha ukarabati na ujenzi wa mahakama mbalimbali nchini.

“Nimekukabidhi gari hili ili liweze kusaidia kurahisisha shughuli za ukarabati na ujenzi wa mahakama,”alisema Prof. Gabriel.

Kwa upande wake Mhandisi Mashausi, alisema anashukuru kwa kukabidhiwa gari hilo, ambalo litakuwa kitendea kazi chenye msaada mkubwa kwenye ujenzi wa Mahakama za Wilaya na Mahakama za Mwanzo kwa kuwa mahitaji ni mengi.

Hii ni mara ya pili kwa Mtendaji huyo kukabidhi gari kwa ajili ya shughuli za usafirishaji. Mara ya kwanza alikabidhi mabasi mawili ambayo ni maalum kwa usafiri wa watumishi.

Mtendaji Mkuu wa Mahakama ya Tanzania, Prof.Elisante Ole Gabriel leo tarehe 5 Septemba, 2022 akikagua gari kwa ajili ya shughuli za ujenzi wa mahakama mbalimbali nchini kwenye eneo la viwanja vya Mahakama ya Hakimu Mkazi Kisutu Jijini Dar es Salaam.

Mtendaji Mkuu wa Mahakama ya Tanzania, Prof.Elisante Ole Gabriel leo tarehe 5 Septemba, 2022 akiendesha gari kwa ajili ya shughuli za ujenzi wa mahakama mbalimbali nchini kwenye eneo la viwanja vya Mahakama ya Hakimu Mkazi Kisutu Jijini Dar es Salaam.

Mkurugenzi wa Ununuzi na Ugavi   wa Mahakama Tanzania, Bw. Charles Challe (wa pili kulia) akimkabidhi  funguo za gari Mtendaji Mkuu wa Mahakama ya Tanzania, Prof. Elisante Ole Gabriel (wapili kushoto)kwa ajili ya shughuli za ujenzi wa mahakama mbalimbali nchini  leo tarehe 5 Septemba ,2022 kwenye eneo la  viwanja vya Mahakama ya Hakimu Mkazi Kisutu Jijini Dar es Salaam.

Mtendaji Mkuu wa Mahakama ya Tanzania, Prof.Elisante Ole Gabriel (wa pili kushoto) leo  tarehe 5 Septemba  2022  akimsikiliza jambo kutoka kwa Mkurugenzi wa Ununuzi na Ugavi wa Mahakama  ya Tanzania, Bw. Charles  Challe ( wa pili kulia) mara baada ya kukabidhiwa  funguo za gari kwa ajili ya shughuli za ujenzi wa mahakama mbalimbali nchini kwenye eneo la  viwanja vya Mahakama ya Hakimu Mkazi Kisutu Jijini Dar es Salaam.(Wa kwanza kushoto) ni Mtendaji wa Mahakama Kuu ya Tanzania, Bw. Leonard Magacha na (wa kwanza kulia) ni ni Mkuu wa Kitengo cha Usimamizi wa Ujenzi cha Mahakama ya Tanzania (HEM) Mhandisi Yohana Mashausi.

Mkuu wa Kitengo cha Usimamizi wa Ujenzi cha Mahakama ya Tanzania, Mhandisi Yohana Mashausi (wa pili kushoto) akizungumza  jambo mara baada ya kupokea gari kwa ajili ya shughuli za ujenzi wa mahakama mbalimbali nchini kutoka  kwa Mtendaji Mkuu wa Mahakama ya Tanzania, Prof.Elisante Ole Gabriel leo tarehe 5 Septemba,2022 kwenye eneo la  viwanja vya Mahakama ya Hakimu Mkazi Kisutu Jijini Dar es Salaam.