WATUMISHI WAASWA KUJENGA UTAMADUNI WA KUFANYA MAZOEZI

Na Innocent Kansha, Mahakama

Watumishi washauriwa kujenga tabia ya kufanya mazoezi ya mara kwa mara kuepuka na kupunguza msongo wa mawazo ili kujenga afya ya akili na mwili, utamaduni huo ukizingatiwa utaimarisha utendaji kazi na kujenga misingi imara ya mahusiano kazini.

Akitoa mada katika mafunzo ya watumishi wa Mahakama za Wilaya za Rorya, Butiama, Itilima na Busenga, leo tarehe 22 Desemba, 2022 Mtaalamu wa masuala ya Usimamizi wa Msongo wa Mawazo “Stress Management” Bw. Godfrey Wawa alisema msongo wa mawazo ni mfadhaiko wa akili anaoupata mtu kutokana na taabu, tishio, kupotelewa na mtu au kitu cha dhamani  kwake.

“Msongo wa kawaida unaboresha utendaji kazi wa kila siku kwa mtumishi, msongo wa aina hiyo unaitwa changamoto ama furusa na usimamizi wake unatokana na namna ulivyoipokea changamoto husika”, alisema Mtaalam huyo

Changamoto ama msongo wa kawaida ndiyo chanzo cha majibu au masuluhisho ya mambo mengi hapa duniani. Wagunduzi wa vitu mbalimbali vinavyotumika hapa duniani walipata changamoto na kuzitafutia ufumbuzi. Hivyo kumbe maendeleo makubwa yaliyopatikana duniani yametokana na msongo wa kawaida ama changamoto.

Bw. Wawa alisema, kwa upande mwingine mtumishi walio wengi hukubwa na shininikizo la kiuchumi linasababisha msongo wa mawazo na kupelekea kufanya matendo kinyume na maadili na miiko ya utumishi wa umma kama kudai rushwa kwa wateja wanawahudumia na mengineyo.

Mtaalum Wawa anasema, Changamoto zikiwa nyingi sana zinasababisha mtu/mtumishi anashindwa kumudu majukumu yake ya kila siku. Visababishi vya changamoto vinatokana ugumu wa shughuli za mtu anazozifanya kila siku.

Maisha yasiyo na changamoto hayafurahishi hata kidogo. Mahusiano ya kidoa, ya kazini na kwa jamii inayokuzunguka na mazingira kwa ujumla wake yanachangia kwa kiasi kikubwa kusababisha changamoto ya msongo wa mawazo, alisema Mtaalum Wawa

“Athari za msongo wa mawazo ni lukuki mtu kukosa furaha, kukosa amani, kujuta wakati wote, kuota majinamizi, tatizo la mahusiano nyumbani na kazini. Kukosa hamu ya chakula ama kula chakula kingi kupita kiasi, Kunenepa sana ama kukonda pia ni matokeo msongo wa mawazo”, aliongeza mtoa mada huyo

Kupata muda wa kutosha wa kupumzika, kufanya mchezo wa yoga, kustarehe, kulala walau masaa sita kila siku, kupata ushauri wa mara kwa mara kutoka kwa watu wa karibu ni njia sahihi ya kukabiliana na msongo wa mawazo, alisisitiza Bw. Wawa.

Mtaalamu wa masuala ya Usimamizi wa Msongo wa Mawazo “Stress Management” Bw. Godfrey Wawa akifafanua jambo wakati mafunzo hayo yanayendelea Mahakama Kuu, Kanda ya Musoma.

Sehemu ya watumishi wakifuatili mafunzo hayo yanayoendelea Mahakama Kuu Kanda ya Musoma.

Sehemu ya watumishi wakichukua notisi za mtoa mada (hayupo pichani) wakati wa  mafunzo hayo yanayoendelea Mahakama Kuu, Kanda ya Musoma.

Sehemu ya watumishi wakimsikiliza mtoa mada (hayupo pichani) wakati wa  mafunzo hayo yanayoendelea Mahakama Kuu Kanda ya Musoma.

Sehemu ya watumishi wakifuatili mafunzo hayo yanayoendelea Mahakama Kuu Kanda ya Musoma.

(Picha na Innocent Kansha)