JAJI WA MAHAKAMA KUU AHIMIZA MAZINGIRA BORA YA KAZI

Na Francisca Swai-Mahakama, Musoma.

Jaji wa Mahakama Kuu ya Tanzania, Kanda ya Musoma, Mhe. Marlin Komba amewaasa viongozi wa Mahakama katika Wilaya ya Serengeti kuwa na mipango madhubuti inayozingatia vipaumbele katika kuboresha mazingira ya kazi.

Mhe. Komba alitoa wito huo hivi karibuni akiwa katika ziara ya kukagua shughuli za kimahakama wilayani Serengeti. Aliwasisitiza kujiwekea mipango ya muda mrefu na muda mfupi inayotekelezeka kwa kuzingatia rasilimali zilizopo na uhalisia wa uwezo wa kifedha ili shughuli zisikwame.

Kadhalika, Mhe. Komba aliwahimiza viongozi hao kuboreshaji wa mazingira ya kazi, jambo linalochangia kuongeza morali kwa watumishi na kujenga heshima ya Mahakama katika jamii.

Kwa upande wao, Naibu Msajili wa Mahakama Kuu, Kanda ya Musoma, Mhe. Frank Moshi na Mtendaji wa Mahakama wa Kanda, Bw. Festo Chonya waliwapongeza watumishi wa Serengeti kwa kasi nzuri ya usikilizaji wa mashauri na kuwasihi kuwa makini na ukusanyaji wa maduhuli ili kuhakikisha fedha ya Serikali hazipotei.

 

Mlinzi wa Mahakama ya Mwanzo Ngoreme, Bw. Chacha Maro (aliyesimama) akiushukuru uongozi wa Mahakama Kuu Musoma kwa ujenzi wa jengo la Mahakama hiyo, jambo lililowaletea heshima watumishi wa Mahakama hiyo baada ya kupata jengo jipya la kisasa.

Jaji wa Mahakama Kuu ya Tanzania, Kanda ya Musoma, Mhe. Marlin Komba (katikati), Naibu Msajili Mhe. Frank Moshi (wa tatu kulia), Mtendaji wa Mahakama, Bw Festo Chonya (wa pili kulia), Hakimu Mkazi Mfawidhi Serengeti Mhe. Jacob Ndira (wa tatu kushoto), Afisa Tawala Serengeti, Bi. Faraja Barakazi (wa kwanza kushoto) wakiwa katika picha ya pamoja na watumishi wa Mahakama ya Mwanzo Ngoreme. Wegine ni Hakimu Mkazi Mfawidhi wa Ngoreme, Mhe. Peter Malima (wa kwanza kulia) na Bw. Chacha Nsaho Mlinzi wa Mahakama hiyo (wa pili kushoto).

Hakimu Mkazi Mfawidhi wa Mahakama ya Mwanzo Natta anayetembelea Mahakama ya Mwanzo Kenyana, Mhe. Rogate Manjuu (aliyesimama) akisoma taarifa ya utendaji kazi wa Mahakama ya Mwanzo Kenyana.

Hakimu Mkazi Mfawidhi wa Mahakama ya Mwanzo Mugumu Mjini, Mhe. Felix Ginene akisoma taarifa ya utendaji kazi wa kituo hicho mbele ya Mhe. Komba (hayupo pichani), viongozi na watumishi wa Mahakama hiyo.

Jaji wa Mahakama Kuu ya Tanzania, Kanda ya Musoma, Mhe. Marlin Komba akielezea jambo katika ubao wa ada na tozo mbalimbali za Mahakama alipotembelea Mahakama ya Mwanzo Mugumu Mjini.

Jaji wa Mahakama Kuu ya Tanzania, Kanda ya Musoma, Mhe. Marlin Komba (katikati) akiwa katika picha ya pamoja na viongozi na watumishi wa Mahakama ya Mwanzo Mugumu Mjini.

Hakimu Mkazi Mfawidhi wa Mahakama ya Wilaya Serengeti, Mhe. Jacob Ndira (aliyesimama) akisoma taarifa ya utendaji kazi wa Mahakama hiyo mbele ya Mhe. Komba pamoja na watumishi.

Jaji wa Mahakama Kuu ya Tanzania, Kanda ya Musoma, Mhe. Marlin Komba (katikati) akiwa katika picha ya pamoja na watumishi wa Mahakama ya Wilaya Serengeti.

Hakimu Mkazi Mfawidhi Mahakama ya Mwanzo Robanda, Mhe. Akinyi Mlowa (aliyesimama) akisoma taarifa ya utendaji kazi mbele ya Jaji wa Mahakama Kuu ya Tanzania, Kanda ya Musoma, Mhe. Marlin Komba na viongozi alioambatana nao.

Jaji wa Mahakama Kuu ya Tanzania, Kanda ya Musoma, Mhe. Marlin Komba na viongozi wakiwa katika picha ya pamoja na Hakimu Mkazi Mfawidhi wa Mahakama ya Mwanzo Natta, Mhe. Rogathe Manjuu (wa pili kulia) mbele ya jengo la Mahakama ya Mwanzo Natta.

Mahakama ya Mwanzo Ngoreme kabla (juu) na baada ya ukarabati (chini).